1 Juan 2:24 - Marahay na Bareta Biblia

²⁴ Kaya hingowahon nanggad nindo na magdanay sa saindong mga puso an nadangog nindo poon pa kan magtubod kamo. Kun magdanay iyan sa saindong mga puso, magdadanay man kamo sa Aki asin sa Ama.

1 Juan 2:24 ပူးပေါင်းရင်းမြစ်များ

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Mga Talinhaga 23:23

Bakong sayang maski bakalon mo an katotoohan, kadonongan, katukdoan saka pakasabot, alagad mahalaga ini nin marahay kaya dai dapat ipabakal.

Lukas 1:2

Isinurat ninda an mga bagay na inosip sato kan mga nakahiling kaiyan poon sa kapinonan, asin nagtukdo kan Marahay na Bareta.

Lukas 9:44

“Sabota nindo an mga tataramon na ini: itatao sa kamot nin mga tawo an Aki nin Tawo.”

Juan 14:23

Nagsimbag si Jesus, “An namomoot sako, makuyog kan sakong itinukdo. Mamomotan siya kan sakong Ama; an Ama asin ako maduman saka maerok sa kaibahan niya.

Juan 15:7

Kun magdanay kamo sako, asin magdanay saindo an mga tataramon ko, makakamtan nindo an anoman na hagadon nindo.

Juan 6:56

An magkakan kan hawak ko saka mag-inom kan dugo ko magdadanay sako; ako magdadanay saiya.

Juan 8:25

Hinapot ninda siya, “Siisay ka?” Nagsimbag si Jesus, “Ako iyo an sinabi ko na saindo poon pa sa kapinonan.

Filipos 4:15

Aram nindong mga taga Filipos na paghale ko sa Macedonia kan magpoon akong maghulit kan Marahay na Bareta, kamo sana an simbahan na nagtabang sako; kamo sana an nagin kadamay ko sa mga pagtios saka ginhawa ko.

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

Hebreyo 2:1

Kaya dapat na orog na pahalagahan nyato an mga katotoohan na nadangog ta tanganing dai kita mapaharayo diyan.

Hebreyo 3:14

Huli ta kita magigin kahiras ni Cristo, kun papagdanayon tang pusog sagkod sa kataposan an pagsarig na dating yaon sato.

1 Juan 1:3

Kun ano an nahiling mi saka nadangog sinasabi mi saindo, tanganing kamo man magin kasaro mi sa pakisumaro sa Ama saka sa Aki niyang si Jesu-Cristo.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

1 Juan 2:7

Mga namomotan, ining togon na isinusurat ko saindo bakong bago; dati na nindong aram ini poon pa kan magtubod kamo. An daan na togon na ini iyo an tataramon na nadangog na nindo kaidto.

1 Juan 3:24

An siisay man na nag-ootob kan mga togon nin Dios, yaon sa Dios, asin an Dios yaon saiya. Aram nyato na yaon sato an Dios huli kan Espiritu Santo na itinao niya sato.

1 Juan 4:13

Huli kaini aram ta na kita nagdadanay sa Dios asin an Dios nagdadanay sato dahel ta tinawan niya kita kan saiyang Espiritu.

1 Juan 4:15

An magpatotoo na si Jesus iyo an Aki nin Dios, nagdadanay sa Dios dangan an Dios nagdadanay saiya.

1 Juan 4:16

Aram ta saka nananarig kita sa pagkamoot nin Dios sato. An Dios pagkamoot, asin an tawong nagdadanay sa pagkamoot nagdadanay sa Dios, asin an Dios nagdadanay saiya.

2 Juan 1:2

huli ta an katotoohan nasa sato asin magdadanay sato sagkod pa man.

2 Juan 1:9

An siisay man na dai nagdadanay sa katukdoan ni Cristo kundi minalampas diyan, mayo saiya an Dios; alagad an siisay man na nagdadanay sa katukdoan ni Cristo igwa kan Ama asin kan Aki.

3 Juan 1:3

Dakula an kaogmahan ko kan umabot an ibang tugang dangan baretaan ako dapit kan saimong kaimbodan, na ika talagang namumuhay sosog sa katotoohan.

Kapahayagan 3:11

Madali na akong mag-abot. Ingatan mo an nasa saimo, tanganing mayo nin siisay man na makaagaw kan saimong korona.

Kapahayagan 3:3

Kaya giromdoma an itinukdo saimo saka an nadangog mo; kuyoga iyan asin magbakle ka. Kun dai ka magmata, madiyan ako saimo arog sa parahabon, asin dai mo aram an oras kan sakong pag-abot.