1 Juan 2:20 - Marahay na Bareta Biblia

²⁰ Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 2:20 ပူးပေါင်းရင်းမြစ်များ

Salmo 16:10

huli ta dai mo ako itinatao sa kagadanan, asin an saimong namomotan dai mo pinapabayaan sa lulubngan.

Salmo 23:5

Nag-aandam ka nin sarong bangkete para sako sa atubang nin sakong mga kaiwal; an sakong payo linalahidan mo nin lana, an sakong kalis nagsusupay.

Salmo 45:7

namomoot ka sa katanosan asin naoongis sa karatan. Kaya linahidan ka nin Dios, na saimong Dios, kan lana nin kaogmahan orog ki sa ibang mga hade.

Salmo 71:22

Oomawon taka kan sakuyang arpa, huli kan saimong pagkamaimbod, O sakuyang Dios. Aawitan taka nin kaomawan kan sakuyang lira, O Banal na Dios nin Israel.

Salmo 92:10

Pinakosog mo ako siring kan lalaw na toro; benendisyonan mo ako nin kaogmahan.

Mga Talinhaga 28:5

Dai nasasabotan kan mga maraot an kahulogan kan hustisya, alagad nasasabotan ini nin marahay kan mga tawong nagsasamba sa Kagurangnan.

Isaias 43:3

Huli ta ako an Kagurangnan na saimong Dios, an banal na Dios nin Israel, an nagliligtas saimo. Itatao ko an Egipto bilang pantubos sa saimo; an Etiopia saka an Seba, bilang karibay mo.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Levitico 7:35

Sa pagkakan na idinolot sa Kagurangnan, iyo iyan an kahirasan na itinao ki Aaron asin sa saiyang mga aki kan aldaw na sinda ordenan bilang mga padi.

Mateo 13:11

Nagsimbag si Jesus, “Saindo ipinapasabot an mga hilom kan Kahadean nin langit, alagad sainda dai.

Markos 1:24

“Ano an boot mong gibohon samo, Jesus na taga Nazaret? Nagdigdi ka sa paglaglag samo? Midbid taka: ika an banal na sugo nin Dios!”

Lukas 4:18

“Nasa sako an Espiritu nin Kagurangnan, huli ta linahidan niya ako sa paghulit kan Marahay na Bareta sa mga dukha. Sinugo niya ako sa pagpahayag kan katalingkasan sa mga bihag, sa pagtao nin pakahiling sa mga buta, sa pagpatalingkas sa mga inaapi,

Lukas 4:34

“Anong labot mo samo, Jesus na taga Nazaret? Nagdigdi ka sa pagrumpag samo? Midbid taka—ika an banal na sugo nin Dios!”

Juan 14:26

Alagad an Parasurog, an Espiritu Santo na ipapadara kan Ama sa ngaran ko, iyo an matukdo saindo kan gabos na bagay, dangan maparomdom saindo kan gabos na sinabi ko saindo.

Juan 16:13

Pag-abot kan Espiritu nin katotoohan, tatabangan niya kamo nganing masabotan nindo an gabos na katotoohan. Dai siya magtataram sa sadiri niyang kabotan, kundi itataram niya saindo an saiyang nadadangog, saka ipapahayag saindo an mga bagay na maabot.

Mga Gibo 10:38

Aram man nindo kun paano itinao nin Dios ki Jesus na taga Nazaret an Espiritu Santo asin an kapangyarihan. Naglibot siya sa gabos na lugar, naggigibo nin marahay saka nagbobolong kan gabos na nasa irarom kan kapangyarihan kan Diablo, huli ta an Dios yaon saiya.

Mga Gibo 3:14

Banal siya saka matanos, alagad isinikwal nindo siya; hinagad pa nindo ki Pilato na talingkasan an sarong paragadan,

1 Corinto 2:15

An tawong igwa kan Espiritu makakahukom kan halaga kan gabos na bagay; alagad dai siya pwedeng hukoman nin siisay man.

Hebreyo 1:9

Namomoot ka sa katanosan asin naoongis sa karatan; kaya linahidan ka nin Dios, na saimong Dios, kan lana nin kaogmahan orog ki sa ibang mga hade.”

Hebreyo 8:11

Dai nin siisay man sainda na magtutukdo sa saindang kapwa, o kaipuhan magtaram pa sa saiyang tugang, ‘Midbidon mo an Kagurangnan.’ Huli ta sinda gabos makakamidbid sako, magpoon sa pinakasadit sainda sagkod sa pinakadakula.

1 Juan 2:27

Alagad manongod saindo, winarasan na kamo ni Cristo kan saiyang Espiritu. Kaya dai na kamo kaipuhan pang tukdoan nin siisay man, huli ta an saiyang Espiritu mismo iyo an nagtutukdo saindo kan gabos na bagay; an itinutukdo niya totoo, bakong putik. Kaya kuyoga nindo an itinukdo saindo, asin magdanay kamong sararo ki Cristo.

1 Juan 4:13

Huli kaini aram ta na kita nagdadanay sa Dios asin an Dios nagdadanay sato dahel ta tinawan niya kita kan saiyang Espiritu.

Judas 1:5

Maski aram na nindo an gabos na ini, boot kong ipagiromdom saindo kun paanong ilinigtas kan Kagurangnan an mga Israelita sa daga nin Egipto, dangan ginaradan an mga dai nagtubod saiya.

Kapahayagan 3:7

“Suratan mo an anghel kan simbahan sa Filadelfia: “Iyo ini an mensahe kan Banal asin Totoo, na nagkakapot kan lyabe ni David; an pintoan na binubuksan niya mayo nin nakakasera; an sineserahan niya mayo nin nakakabukas.

Kapahayagan 4:8

An lambang saro kaining buhay na linalang may anom na pakpak, pano nin mga mata an luwas asin an laog. Aldaw-banggi daing ontok an saindang pag-awit kaini: “Banal, banal, banal an Kagurangnan Dios na Makakamhan, na iyo kaidto, ngunyan, asin sa madatong pang panahon.”