1 Juan 1:9 - Marahay na Bareta Biblia

⁹ Alagad kun ikumpisal ta sa Dios an satong mga kasalan, lilinigan niya kita saka papatawadon; lilinigan kita kan gabos tang kasalan, huli ta maimbod siya asin matanos.

1 Juan 1:9 ပူးပေါင်းရင်းမြစ်များ

1 Mga Hade 8:30

Hinanyoga an saimong sorogoon asin an saimong banwaan sa Israel sa panahon na mamibi kamong arubang sa lugar na ini. Hinanyoga kami hale sa saimong erokan sa langit asin patawada kami.

1 Mga Hade 8:47

hinanyoga an mga pamibi nin saimong banwaan. Kun sa dagang pinagdarahan sainda magsolsol saka mamibi sinda saimo, mag-ako kan saindang kasombikalan, hinanyoga an saindang mga pamibi, O Kagurangnan.

Nehemias 1:6

hilinga ako, Kagurangnan, asin dangoga an sakong pamibi, siring kan sakong pagpamibi aldaw-banggi para sa saimong mga sorogoon, an banwaan nin Israel. Ikinukumpisal kong kami, an banwaan nin Israel, nagkasala saimo. Ako asin an sakuyang mga ginikanan nagkasala saimo.

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Salmo 32:5

Dangan nagkumpisal ako kan sakong kasalan saimo; dai ko tinago an mga sala kong gibo. Nagsabi ako, “Ikukumpisal ko an sakong mga kasalan sa Kagurangnan,” asin pinatawad mo an gabos kong kalapasan.

Exodo 34:7

Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Mga Talinhaga 28:13

An nagtatago kan saiyang mga kasalan dai nag-uuswag, alagad an nagkukumpisal saka nagbabaya kaiyan maheherakan nin Dios.

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 33:8

Lilinigan ko sinda kan mga kasalan na ginibo ninda tumang sako, saka papatawadon ko an saindang mga kasalan asin pagrebelde tumang sako.

Mga Panambitan 3:23

danay na bago iyan siring sa kaagahon, masasarigan siring sa pagsirang kan aldaw.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 37:23

Dai na ninda didigtaan an saindang sadiri huli kan saindang mga dios-dios, kan saindang makauuyam na mga gawe, asin kan saindang mga kasombikalan. Ililigtas ko sinda sa mga gawe na ipinagkasala ninda, asin lilinigan ko sinda. Sinda an magigin banwaan ko asin ako an magigin Dios ninda.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mateo 3:6

Itinuga ninda an saindang mga kasalan, dangan binunyagan sinda ni Juan duman sa Salog nin Jordan.

Markos 1:5

Nagduman sa pagdangog ki Juan an gabos na taga Judea saka taga Jerusalem. Itinuga ninda an saindang mga kasalan dangan binunyagan sinda ni Juan sa Salog nin Jordan.

Lukas 22:57

Alagad pinagnegaran ini ni Pedro, “Babae, dai ko siya midbid!”

Juan 17:25

O Amang matanos, dai ka midbid kan kinaban, alagad midbid taka; aram kan mga ini na sinugo mo ako.

Mga Gibo 19:18

Dakul man sa mga paratubod an nagduman; ikinumpisal ninda nin hayag an maraot nindang gibo.

1 Corinto 1:9

Maimbod an Dios—an Dios na nag-apod saindo na makisumaro sa saiyang Aking si Jesu-Cristo na Kagurangnan ta.

1 Corinto 6:11

An iba saindo arog kaiyan kaidto. Alagad pinatawad na kamo kan saindong kasalan; idinolot na kamo sa Dios. Nagin matanos na kamo sa Dios huli ki Jesu-Cristong Kagurangnan asin huli kan Espiritu nin satong Dios.

Efeso 5:26

nganing mapabanal iyan, pakalinigi niya kaiyan sa paagi kan tubig saka kan tataramon.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

1 Timoteo 1:15

An kasabihan na ini totoo asin dapat akoon saka tubodon nanggad: na nagdigdi si Cristo Jesus sa kinaban tanganing iligtas an mga parakasala. Ako an pinakamaraot sainda,

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Hebreyo 10:23

Magdanay kitang masarig sa paglaom na ipinapahayag ta, huli ta mapapaniwalaan nyato an Dios na maotob kan saiyang panuga.

Hebreyo 11:11

Huli sa pagtubod ni Abraham, nangidam si Sara maski gurang na ini nin marahay. Nanarig si Abraham na ootobon nin Dios an saiyang panuga.

Hebreyo 6:10

An Dios masuripot. Dai niya malilingawan an mga ginibo nindo asin an pagkamoot na ipinahiling nindo sa mga kapwa Cristiano huli saiya, dangan padagos nindo pang ginigibo.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!