1 Juan 1:5 - Marahay na Bareta Biblia

⁵ Ini an nadangog mi sa saiyang Aki saka ibinabareta mi saindo: an Dios ilaw, asin mayo nanggad nin anoman na kadikloman saiya.

1 Juan 1:5 ပူးပေါင်းရင်းမြစ်များ

Salmo 139:12

alagad para saimo, an diklom bakong madiklom, asin an banggi maliwanag siring sa aldaw. Para saimo, an diklom pareho sana sa liwanag.

Salmo 27:1

An Kagurangnan iyo an sakong ilaw asin kaligtasan; siisay an sakong matatakotan? An Kagurangnan iyo an pailihan nin sakong buhay; sa kiisay ako matatakot?

Salmo 36:9

Huli ta yaon saimo an burabod nin buhay, asin sa liwanag mo kami nakakahiling nin kaliwanagan.

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Isaias 2:5

Ngunyan, kapagarakian ni Jacob, madya, maglakaw kita sa liwanag nin Kagurangnan!

Isaias 60:19

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an Kagurangnan, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

Daniel 2:22

Siya an nagpapahayag kan mga bagay na hararom asin hilom; siya an nakakaaram kun ano an nasa kadikloman, asin napapalibotan siya nin liwanag.

Juan 1:19

Sinugo kan mga Judiong nasa Jerusalem an mga padi asin mga Levita tanganing hapoton si Juan, “Siisay ka?”

Juan 1:4

Nasa saiya an buhay; an buhay na ini iyo an nagtatao nin liwanag sa mga tawo.

Juan 1:9

An tunay na ilaw, na nagtatao nin liwanag sa gabos na tawo, minadatong sa kinaban.

Juan 8:12

Nagtaram giraray si Jesus sa mga tawo, “Ako an ilaw kan kinaban. An minasunod sako magkakaigwa kan ilaw nin buhay asin dai na siya maglalakaw sa kadikloman.”

Juan 9:5

Mantang yaon ako sa kinaban, ako an ilaw kan kinaban.”

1 Corinto 11:23

Huli ta an itinukdo ko saindo iyo an katukdoan na inako ko sa Kagurangnan: na kan bangging pinasaluiban si Jesus na Kagurangnan, nagkua siya nin tinapay,

1 Timoteo 6:16

Siya sana an mayong kagadanan; nabubuhay siya sa liwanag na mayo nin siisay man na makakadolok. Dai pa siya nahiling; dai siya nanggad mahihiling nin siisay man. Saiya an kaomawan asin an kapangyarihan na daing kataposan! Amen.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

1 Juan 3:11

An katukdoan na nadangog nindo poon pa kan magtubod kamo iyo ini: magkaminorootan kita.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.