1 Corinto 9:7 - Marahay na Bareta Biblia

⁷ Siisay an soldados na iyo mismo an nagbabayad kan sadiri niyang gasto sa hukbo? Siisay an paratanom na dai nagkakakan kan ubas sa sadiri niyang ubasan? Siisay an pastor na dai nagkikinabang kan gatas na hale sa sadiri niyang karnero?

1 Corinto 9:7 ပူးပေါင်းရင်းမြစ်များ

Mga Talinhaga 27:18

An nag-aataman nin higera magkakakan kan bunga kaiyan, asin an oripon na nagbabantay kan saiyang kagurangnan oomawon.

Mga Talinhaga 27:27

Magkakaigwa ka asin an saimong pamilya saka mga sorogoon nin dakul na gatas hale sa natatadang mga kanding.

Awit nin mga Awit 8:12

An sakong ubasan, an sadiri ko, para sako sana; ika, O Solomon, saimo na an sangribong pedaso nin plata, asin kamong mga paraoma, an dos syentos bilang saindong kahirasan.

Isaias 7:22

dakul na gatas an saindang itatao saiya, kaya magkakaigwa siya kan gabos niyang kaipuhan; huli ta an lambang saro na nawalat sa daga magkakaigwa nin gatas saka dugos na kakakanon.

Mga Gibo 20:28

Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

Deuteronomio 18:8

Arog kan ibang padi, mag-aako siya nin parehong kahirasan nin pagkakan, asin pwede niyang sarayon an ano man na padara kan saiyang pamilya.

Deuteronomio 20:6

Igwa digdi sa saindong nagtanom nin ubas asin dai pa nagkinabang kan bunga kaiyan? Kun igwa, magpuli na siya; tibaad magadan siya sa gera asin iba an magkinabang kan bunga.

1 Timoteo 1:18

Timoteo, aki ko sa pagtubod, ipinapaniwala ko saimo an pagboot na ini sosog sa mga ipinagpropesiya kaidto dapit saimo. Gamiton mong armas an mga ipinagpropesiya dapit saimo tanganing makalaban ka nin marahay;

1 Timoteo 6:12

Makilaban ka sa marahay na laban nin pagtubod nganing makamtan mo an premyo nin buhay na mayong kataposan, huli ta diyan ka inapod nin Dios kan ipahayag mo an saimong pagtubod sa atubangan nin dakul na saksi.

2 Timoteo 4:7

Nakilaban ako nin marahay, natapos ko na an pagdalagan, asin nagdanay akong maimbod sa pagtubod.

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;