1 Corinto 9:24 - Marahay na Bareta Biblia

²⁴ Aram man sana nindo na sa karera, dakul an minadalagan, alagad saro sana an nakakakua kan premyo. Kaya dumalagan kamo nin maigot tanganing makua an premyo.

1 Corinto 9:24 ပူးပေါင်းရင်းမြစ်များ

Salmo 19:5

ini minaluwas pagkaaga siring sa nobyong maogma, siring sa paradalagan na andam sa karera.

Parahulit 9:11

Nahiling ko man na sa kinaban na ini, bakong an gabos na marikas iyo an nanggagana sa karera; an mga maiisog dai man danay na nanggagana sa gera; bakong an gabos na madonong iyo an nagkakaigwa nin ikabubuhay; bakong an gabos na may abilidad an nagkakaigwa nin kayamanan; bakong an gabos na eksperto an nagkakamit kan haralangkaw na katongdan. An kadimalasan nangyayari sa kiisay man.

Jeremias 12:5

Nagtaram an Kagurangnan, “Jeremias, kun dai ka makatagal sa daralagan na an kalaban tawo, paano ka makikilaban sa kabayo? Kun ika nadadapa sa patag na lugar, paano ka makakatagal sa kadlagan nin Jordan?

Oseas 12:10

“Nagtaram ako sa mga propeta asin tinawan ko sinda nin mga bisyon, asin sa paagi kan mga propeta, pinatanidan ko an sakong banwaan.

Roma 6:16

Aram nindo na kun magpaoripon kamo, sakop kamo kan kagurangnan nindo asin an pagboot niya an kinukuyog nindo. Kun sa kasalan kamo magpaoripon, madara iyan saindo sa kagadanan; kun sa pagkamakinuyog-kuyog, madara iyan saindo sa katanosan.

1 Corinto 9:13

Aram man sana nindo na an mga Judio na naglilingkod sa Templo nagkukua kan saindang kakanon sa Templo, dangan an mga nagdodolot nin mga atang sa altar igwa nin kahirasan sa mga atang.

1 Corinto 9:23

An gabos na ini ginigibo ko dahel sa Marahay na Bareta, tanganing matawan man ako kan mga bendisyon kaiyan.

1 Corinto 9:26

Kaya dai ako minadalagan na daing direksyon. Kun baga sa sarong boksingero, dai ako minasuntok sa doros.

Galacia 2:2

Nagduman ako huli ta ipinahayag sako nin Dios na dapat akong magduman. Sa sarong hilom na pakipag-olay sa mga lider, ipinaliwanag ko sainda an Marahay na Bareta na ipinaghuhulit ko sa mga pagano. Habo kong masayang an sakong gibo sa nakaaging panahon asin sa ngunyan.

Galacia 5:7

Marahay an ginigibo nindo kaidto! Siisay an nag-olang saindo sa pagkuyog sa katotoohan?

Filipos 2:16

mantang dinadara nindo sainda an tataramon nin buhay, tanganing sa Aldaw kan pagbalik ni Cristo, ikakapag-orgulyo ko na an gabos kong kapagalan saka trabaho dai nasayang.

Filipos 3:12

Dai ko sinasabi na nakamtan ko na ini, o na ako mayo na nin kakulangan; kundi padagos akong nagdadalagan tanganing masadirihan ko an premyo, siring na ako nasadirihan ni Cristo Jesus.

Filipos 3:14

Kaya nagdadalagan ako pasiring sa kataposan tanganing makamtan ko an premyo kan pag-apod sako nin Dios pasiring sa buhay na mayong kataposan duman sa langit, sa paagi ni Cristo Jesus.

Colosas 2:18

Dai magtugot na kondenaron kamo nin siisay man na nagsasabing mas halangkaw siya, huli ta nagkaigwa siya nin espesyal na bisyon, saka nagsasagin-sagin na mapakumbaba asin nagsasamba sa mga anghel. An siring na tawo, maski mayo nin dahelan, pano nin pagpapahalaga sa sadiri man sana asin pano nin kaisipan na kinabanon.

Hebreyo 12:1

Kaya huli ta napapalibotan kita nin kadakul na saksi, haleon ta na an gabos na bagay na nakakaolang, saka an kasalan na nakakapurupot sato, dangan padagos tang dalaganon na daing ontok an ipinapadalagan sato.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Kapahayagan 3:11

Madali na akong mag-abot. Ingatan mo an nasa saimo, tanganing mayo nin siisay man na makaagaw kan saimong korona.