1 Corinto 8:9 - Marahay na Bareta Biblia

⁹ Alagad maglikay man giraray kamo ta tibaad sa pagkakan nindo nin anoman na kakanon makapakasala kamo sa mga maluya pa sa pagtubod.

1 Corinto 8:9 ပူးပေါင်းရင်းမြစ်များ

Isaias 35:3

Pakosoga an mga kamot na napapagal asin an mga tuhod na nagtatakig sa kaluyahan.

Isaias 57:14

Nagsasabi an Kagurangnan, “Pabalika sako an sakong banwaan. Halea nindo an gabos na nakakaolang sa saindang agihan! Maggibo kamo asin mag-andam nin tinampo!

Ezekiel 14:3

“Aki nin tawo, idinusay kan mga lalaking ini an saindang puso sa mga dios-dios, asin tinutugotan ninda an mga ini na darahon sinda sa kasalan. Naghohona daw sinda na sisimbagon ko sinda?

Ezekiel 44:12

Alagad huli ta sinda an namahala kan pagsamba kan mga Israelita sa mga dios-dios, asin sinda an nagdara sa mga tawo sa pagkakasala, ako, an Kagurangnan Dios, minasumpa na kaipuhan padusahan sinda.

Levitico 19:14

Dai nindo pagmaldisyonon an sarong bongog o pagbugtakan nin singkogan an sarong buta tanganing matumba siya; alagad magkaigwa kamo nin pagkatakot sako. Ako an Kagurangnan.

Mateo 18:10

“Dai nanggad nindo pagbasang-basangon an arin man sa mga saradit na ini. Sinasabihan ko kamo, an saindang mga anghel sa langit danay na nasa atubang kan sakong Ama sa langit.

Roma 15:1

Kitang mga makosog an pagtubod dapat magtabang sa mga maluya an pagtubod, asin bakong an sadiri ta sanang karahayan an isipon ta.

1 Corinto 10:24

An lambang saro maghanap kan ikakarahay nin iba, bakong kan ikakarahay kan sadiri niya.

1 Corinto 10:28

Alagad kun may magsabi saindo, “An kakanon na ini inatang sa mga dios-dios,” dai na kamo magkakan kaiyan tanganing dai maraot an boot kan nagsabi saindo asin tanganing dai mapurisaw an konsyensya—

1 Corinto 10:29

an boot sabihon, bakong an sadiri nindong konsyensya, kundi an konsyensya kan tawong iyan. May mahapot, “Tadaw ta an sakong katalingkasan sa paggibo maolang kan konsyensya nin iba?

1 Corinto 10:32

Dai kamo magtao nin dahelan na magkasala an mga Judio, o an mga pagano, o an simbahan nin Dios.

1 Corinto 8:10

Huli ta kun ika na may “pakaaram” nahiling nin sarong tugang na nagkakakan sa templo nin sarong dios-dios, bakong nadadagka an tugang na iyan na magkakan man kan dolot kun maluya pa an saiyang konsyensya sa bagay na iyan?

1 Corinto 8:12

Sa pangyayaring iyan, nagkasala ka ki Cristo huli ta nagkasala ka sa mga tugang mo asin nakulogan mo an maluya pa nindang konsyensya.

1 Corinto 9:22

Sa mga maluluya an pagtubod, nagigin maluya ako arog sainda tanganing madara ko sinda. Kaya nakikipareho ako sa gabos na klase nin tawo, ikaligtas ko lamang an iba sainda sa anoman na paagi.

2 Corinto 11:21

Makasosopog man, alagad inaako kong mayo kami nin kosog sa paggibo kaiyan! Alagad kun igwa nin mangangahas na mag-orgulyo dapit sa anoman—ngunyan nagtataram ako siring sa sarong lolong—ako man mangangahas na mag-orgulyo.

2 Corinto 11:29

Kun igwa nin maluya, an pagmate ko maluya man; kun igwa nin nahuhulog sa kasalan, napapano ako nin kahorasaan.

2 Corinto 6:3

Naglilikay kaming makagibo nin anoman na ikakaolang nin siisay man, tanganing mayong makapagtaram nin maraot dapit kan samong ministeryo.

Galacia 5:13

Mga tugang, inapod kamo na magin talingkas. Alagad dai nindo gibohon iyan na dahelan na magpadaog kamo sa mga kamawotan kan laman. Kundi magpatarabang-tabang kamo dahel sa pagkamoot.

Colosas 2:8

Mag-ingat kamo tanganing dai kamo magin biktima nin siisay man sa paagi nin pilosopia asin kaputikan, sosog sa mga tradisyon nin tawo saka sa mga nagsasakop na espiritu kan kinaban, asin bakong sosog sa katukdoan ni Cristo.

1 Pedro 2:16

Mamuhay kamo siring sa mga tawong talingkas; alagad dai nindo paggamiton an saindong katalingkasan sa paggibo nin maraot. Mamuhay kamo siring sa mga oripon nin Dios.

2 Pedro 2:19

Nanunuga sindang tatawan an mga ini nin katalingkasan; alagad sinda mismo mga oripon nin pamumuhay na maati—huli ta an sarong tawo oripon kan anoman na nakadaog saiya.

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.