1 Corinto 7:11 - Marahay na Bareta Biblia

¹¹ Alagad kun magsuhay siya sa saiyang agom, dai siya dapat magpaagom sa iba; o baga man, makipag-oli logod siya sa saiyang agom. Siring man, an lalaki dai dapat sumuhay sa saiyang agom.

1 Corinto 7:11 ပူးပေါင်းရင်းမြစ်များ

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Mateo 5:32

Alagad ngunyan sinasabihan ko kamo: kun suhayan kan lalaki an agom niya na dai man nagpasambay, nagkakasala huli ta siya an nagsubol saiya sa adulteryo, kun ini magpaagom giraray. An lalaking umagom saiya nagkakasala man nin adulteryo.

Markos 10:12

siring man an babae na magsuhay sa agom niya dangan magpaagom sa iba, nagkakasala nin adulteryo.”

Markos 10:2

Nagduman an nagkapirang Fariseo. Boot nindang pataluksohon siya sa paagi nin paghapot, “Tugot daw kan satong Katogonan na suhayan kan lalaki an saiyang agom?”

Lukas 16:18

“An lalaking magsuhay sa agom dangan mag-agom nin iba, nagkakasala nin adulteryo; an lalaking mag-agom sa babaeng sinuhayan, nagkakasala man nin adulteryo.

1 Corinto 7:10

Para sa mga may agom, igwa nin pagboot na bakong hale sako kundi sa Kagurangnan: dai dapat suhayan kan babae an saiyang agom.

1 Corinto 7:12

Para sa iba, ini naman an sasabihon ko (alagad bakong hale ini sa Kagurangnan, kundi sako): kun an sarong tugang na lalaki igwa nin agom na bakong paratubod, asin ini habong makisuhay saiya, dai niya ini dapat suhayan.

Deuteronomio 22:19

Mumultahan pa ninda siya nin sanggatos na pedaso nin plata, na itatao sa ama kan babae, huli ta pinakaraot niya an sarong babae nin Israel. An babae padagos na magigin saiyang agom asin dai niya pwedeng suhayan sa bilog niyang pagkabuhay.