1 Corinto 6:9 - Marahay na Bareta Biblia

⁹ Dai nindo naaaraman na an mga maraot dai magmamana sa Kahadean nin Dios? Dai nindo paglokohon an sadiri nindo. An mga nakikidorog sa bakong agom, nagsasamba sa mga dios-dios, nagsasambay, nagdodorog sa magkasi lalaki o magkasi babae,

1 Corinto 6:9 ပူးပေါင်းရင်းမြစ်များ

Genesis 19:5

Inapod ninda si Lot asin hinapot, “Haen an mga lalaking nakikitorog diyan saimo? Paluwasa sinda tanganing samong madorogan.”

Exodo 23:1

“Dai ka mag-istorya nin bakong totoo. Dai mo pagtabangan sa paagi nin pagputik an tawong may sala.

Mga Talinhaga 11:1

Ikinakauyam nin Kagurangnan an timbangan na may daya. Naoogma siya sa timbangan na tama.

Mga Talinhaga 22:8

Kun nagtanom ka nin inhustisya mag-aani ka nin kapahamakan, asin matatapos an pang-aapi mo sa iba.

Mga Talinhaga 7:27

Kun magduman ka sa saiyang harong, nasa dalan na kamo pasiring sa kinaban kan mga gadan. Iyo iyan an halipot na agihan pasiring sa kagadanan.

Isaias 55:7

Pabayaan na kan tampalasan an maraot nindang pamumuhay asin an biko nindang mga kaisipan. Magbalik na sinda sa Kagurangnan, an satong Dios; maheherakon siya asin madaling magpatawad.

Ezekiel 18:11

na dai ginibo kan ama. Kinakakan niya an mga sakripisyong idinolot sa mga ipinapangalad na lugar na pagsasambahan, asin dinadagka niyang magkasala an agom nin iba.

Levitico 18:20

Dai nindo pagdorogan an agom kan ibang lalaki; makakapaati iyan saindo.

Levitico 18:22

Dai kamo makidorog sa kapwa nindo lalaki na iarog nindo siya sa sarong babae; anggot an Dios sa siring na karigsokan.

Levitico 19:15

“Dai kamo maghukom na bakong matanos; dai kamo magpahiling nin pagsurog sa mga dukha o pagkatakot sa mga mayaman, alagad sa katanosan, hukoman nindo an saindong kapwa.

Levitico 20:13

Kun an sarong lalaki magdorog sa kapwa niya lalaki, na garo ini sarong babae, nakaginibo sinda nin karigsokan; gagadanon sindang duwa; sinda an responsable kan saindang kagadanan.

Zacarias 5:3

Dangan sinabihan niya ako, “Nasusurat sa librong iyan an maldisyon na maluwas sa bilog na daga. Sa sarong lado kan libro nasusurat na an lambang mahabon gagadanon, asin sa ibong kaiyan nasusurat na an lambang magsaksi nin putik gagadanon man.

Mateo 19:29

An siisay man na nagbaya kan saiyang pamilya o mga tugang na babae asin lalaki, ama saka ina, mga aki o mga rogaring dahel sako, maako nin labi pa sa sanggatos na doble, asin magmamana kan buhay na daing kataposan.

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Lukas 21:8

Nagsimbag si Jesus, “Mag-ingat kamo; dai kamo magpadaya. Huli ta dakul an madigdi sa ngaran ko na magsasabi, ‘Ako an Cristo!’ o ‘Nag-abot na an oras!’ Dai kamo magtubod sainda.

Mga Gibo 20:32

“Ngunyan idinudusay ko kamo sa Dios asin sa mensahe kan saiyang biyaya, na mapakosog saindo saka matao kan pamana na tinatagama niya sa mga banal.

Mga Gibo 24:25

Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Roma 1:18

Hale sa langit nahahayag an kaanggotan nin Dios sa mga tawong naggigibo nin karatan asin katampalasan, huli ta an katotoohan tinatahoban kan maraot nindang mga gibo.

1 Corinto 15:33

Dai kamo magpadaya: “An mga maraot na kairiba, nakakaraot kan marahay na ugale.”

1 Corinto 15:50

Ini an boot kong sabihon, mga tugang: an hale sa laman saka sa dugo dai magmamana kan Kahadean nin Dios; an malalapaon dai magmamana kan bakong malalapaon.

1 Corinto 3:16

Dai nindo aram na kamo an templo nin Dios asin an Espiritu nin Dios nag-eerok saindo?

1 Corinto 5:1

May nakapagbareta sako na diyan saindo igwa daa nin sarong lalaki na nakikidorog sa saiyang madrasta. Iyan sarong karigsokan na maski an mga pagano dai nangangahas na maggibo.

1 Corinto 5:10

An boot kong sabihon bako idtong mga pagano na marigsok o paslo o parahabon o idtong mga nagsasamba sa mga dios-dios; huli ta an mga iyan malilikayan sana nindo kun maghale na kamo sa kinaban.

1 Corinto 5:11

Kundi an boot kong sabihon, dai kamo makiiba ni makihampang sa pagkakan duman sa mga tugang sa pagtubod alagad marigsok, paslo, nagsasamba sa mga dios-dios, paralibak, paraburat o parahabon.

1 Corinto 6:10

mga parahabon, paslo, paraburat, parapakaraot asin paradaya, dai nanggad magmamana kan Kahadean nin Dios.

1 Corinto 6:18

Likayan nindo an paggibo nin karigsokan. An gabos na klase nin kasalan na nagigibo nin tawo dai nakakaraot sa saiyang hawak, alagad an nakikidorog sa bakong agom kasalan tumang sa sadiri niyang hawak.

1 Corinto 6:19

Dai nindo aram na an saindong hawak iyo an templo kan Espiritu Santo na nag-eerok saindo, na inako nindo hale sa Dios? Kamo bako nang pagsadiri nindo,

1 Corinto 9:24

Aram man sana nindo na sa karera, dakul an minadalagan, alagad saro sana an nakakakua kan premyo. Kaya dumalagan kamo nin maigot tanganing makua an premyo.

2 Corinto 12:21

Natatakot ako na pagdiyan ko liwat, sopogon ako kan sakong Dios sa saindong atubangan. Magmomondo ako saka magtatangis huli sa dakul na tawong nagkasala kaidto, na dai nagsolsol kan mga karigsokan asin karompotan na saindang ginibo.

Galacia 6:7

Dai nindo pagdayaon an sadiri nindo; an Dios dai maloloko nin siisay man. Kun ano an itinanom nin tawo, iyan man an saiyang aanihon.

Deuteronomio 22:22

“Kun madakop an sarong lalaki na nakikidorog sa agom nin iba, gagadanon sindang duwa. Sa siring na paagi, mahahale saindo an karatan na ini.

Deuteronomio 22:5

“An mga babae dai dapat maggubing kan sa lalaki; an mga lalaki dai dapat maggubing kan sa babae; ikinakaongis nin Kagurangnan na saindong Dios an mga tawo na minagibo kaiyan.

Deuteronomio 23:17

“Mayo nin Israelita, lalaki man o babae, na maggibo nin karigsokan sa Templo bilang bayadan na maraot na lalaki o babae.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.

Hebreyo 12:16

Hingowahon nanggad nindo na mayo nin siisay man na magin marigsok o mayong paggalang sa mga bagay na espiritwal, arog ki Esau na nagpabakal kan saiyang deretso bilang panganay huli sana sa sarong pagkakan.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Santiago 1:16

Dai kamo magpadaya, namomotan kong mga tugang!

1 Juan 3:7

Mga aki ko, dai kamo magpadaya sa kiisay man! An siisay man na naggigibo nin tama, matanos arog ni Cristo.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.

Hukom 19:22

Mantang nag-oogma sinda, biglang pinalibotan an harong kan gurang nin nagkapirang marigsok na kalalakihan kan banwa, dangan tinubtob an pinto. Sinabihan ninda an gurang, “Paluwasa an lalaking kaiba mo pagpuli sa saimong harong tanganing madorogan mi siya!”