1 Corinto 6:7 - Marahay na Bareta Biblia

⁷ An pagkakaigwa nin mga kaso tumang sa kapwa paratubod sarong kadaogan para saindo. Bakong mas marahay na tioson na sana nindo an pakaraot asin an pandadaya saindo?

1 Corinto 6:7 ပူးပေါင်းရင်းမြစ်များ

Mga Talinhaga 2:5

dangan masasabotan mo kun ano an pagkatakot sa Kagurangnan, asin maaaraman mo an kahulogan kan pakamidbid sa Dios.

Mga Talinhaga 20:22

Dai ka mag-isip na balosan nin maraot an maraot; halaton mo an Kagurangnan, asin tatabangan ka niya.

Oseas 10:2

Kaipuhan na magtios ngunyan an mga tawong madaya an puso huli kan saindang mga kasalan. Gagabaon nin Dios an saindang mga altar asin raraoton niya an saindang sagradong mga harigi.

Lukas 19:8

Nagtindog si Zakeo saka nagsabi ki Jesus, “Kagurangnan, itatao ko sa mga dukha an kabanga kan mga rogaring ko asin kun may nadaya ako, duwang doble an ibabayad ko saiya.”

Lukas 6:29

Kun may sumampaling saindo sa saro nindong pisngi, ipasampaling pa nindo an sa ibong. Kun may mag-agaw kan saindong alikboy, itao nindo sagkod an bado nindo.

1 Tesalonica 5:15

Hingowahon nindo na mayo saindong magbalos nin maraot sa maraot, kundi dayaday kamong maggibo nin marahay sa lambang saro saindo saka sa gabos na tawo.

1 Pedro 3:9

Dai kamo magbalos nin maraot sa naggibo saindo nin maraot, o mag-olog-olog sa nag-olog-olog sa saindo; kundi bendisyonan nindo sinda, huli ta inapod kamo para sa bagay na ini tanganing bendisyonan kamo nin Dios.