1 Corinto 4:8 - Marahay na Bareta Biblia

⁸ Igwa na kamo kan gabos nindong kaipuhan! Mga mayaman na kamo! Mga hade na kamo maski dai kami kaiba! Marahay kutana kun talagang mga hade na kamo, tanganing kami man magin mga hade kaiba nindo!

1 Corinto 4:8 ပူးပေါင်းရင်းမြစ်များ

Mga Talinhaga 13:7

May tawong nagsasagin-sagin na mayaman, alagad mayo nin anoman; dangan may nagsasagin-sagin na dukha, alagad igwa nin dakulang kayamanan.

Mga Talinhaga 25:14

Garo man sana panganoron saka doros na mayo nin darang uran an tawong nanunuga nin regalo na dai man itinatao.

Isaias 5:21

Herak man sa mga naghohona na sinda madonong asin mga tuso nin marahay!

Jeremias 28:6

“Amen! Gibohon logod iyan nin Kagurangnan; magkatotoo logod an propesiya mo asin ikabalik sa lugar na ini hale sa Babilonia an gabos na kayamanan kan templo asin an gabos na tawong dinara duman bilang mga bihag.

Mga Bilang 11:29

Nagsimbag si Moises, “Nagmamakulog ka daw sako? Tawan logod nin Kagurangnan kan saiyang espiritu an gabos na tawo asin gibohon na propeta sinda gabos!”

Mateo 5:1

Kan mahiling ni Jesus an kadakul na tawo, tuminukad siya sa sarong bulod. Pakatukaw niya, nagdorolok saiya an mga disipulo niya.

Lukas 6:25

“Herak man saindo na mga basog ngunyan, huli ta magugutom kamo! “Herak man saindo na nagngingisi ngunyan, huli ta magmomondo asin magtatangis kamo!

Mga Gibo 26:29

Nagsimbag si Pablo, “Sa halipot o sa halawig man na panahon, an pamibi ko sa Dios iyo na bako sana ika kundi an gabos na nagdadangog sako ngunyan magin Cristianong arog sako—pwera kan mga kadenang ini!”

Roma 12:3

Huli sa biyaya na itinao sako nin Dios, ini an masasabi ko saindo: Dai kamo mag-isip nin labaw pa saindo kundi magin mabini kamo sa saindong pag-isip. Hukoman nindo an saindong sadiri sosog sa sukol kan pagtubod na itinao nin Dios saindo.

1 Corinto 1:5

Sa pakisumaro ki Cristo, kamo nagin mayaman sa saindong pagtaram asin sa pakaaram.

1 Corinto 4:18

An iba saindo nagin mapalangkaw sa paghona na dai ako madalaw saindo.

1 Corinto 5:6

Dai kamo magpaabaw-abaw! Dai nindo aram an kasabihan, “An kadikit na lebadura minapausbog kan bilog na minasang arina”?

2 Corinto 11:1

Matios logod nindo an kadikit kong kalolongan.

2 Corinto 13:9

Naoogma kami kun maluya kami, asin kamo makosog. Kaya ipinapamibi mi an ikakarahay nindo.

Galacia 6:3

Kun igwang naghohona na siya mahalaga, maski sa katunayan bako man, dinadaya niya an sadiri niya.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Kapahayagan 3:17

An sabi mo mayaman ka, nag-uswag ka, dai ka nagkakaipo nin anoman. Alagad dai mo aram na saro kang daing sukat, makaheherak, dukha, huba saka buta!

Kapahayagan 5:10

Ginibo mo sindang kahadean nin mga padi tanganing maglingkod sa satong Dios; maghahade sinda sa daga.”