1 Corinto 4:7 - Marahay na Bareta Biblia

⁷ Huli ta siisay an nagpalaen saindo? Ano an yaon saindo na dai nindo inako? Kun inako nindo, tadaw ta nag-oorgulyo kamo na garong dai nindo iyan inako?

1 Corinto 4:7 ပူးပေါင်းရင်းမြစ်များ

Mga Talinhaga 2:6

Huli ta an Kagurangnan iyo an nagtatao nin kadonongan; siya an nagtutukdo nin pakaaram asin pakasabot.

Ezekiel 29:3

Sabihan mo siya na ini an itinataram nin Kagurangnan Dios: Kalaban taka, hade nin Egipto, ika na sarong dakulang buaya, na naglulubgob sa salog. Nagsasabi kang saimo an Nilo asin ika an naggibo kaiyan.

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Lukas 19:13

Bago siya naghale, inapod niya an sampolo kan saiyang mga sorogoon, tinawan nin tigsararong bulawan na kwarta saka sinabihan, ‘Kapitalon nindo sa negosyo an kwartang ini mantang mayo ako.’

Juan 1:16

Hale sa nagsusupay niyang pagkamoot, tinawan niya kita nin sunod-sunod na biyaya.

Juan 3:27

Sinabihan sinda ni Juan, “Mayo nin maaako an tawo pwera kan itatao saiya nin Dios.

Roma 1:5

Sa paagi niya, tinawan ako nin Dios kan balaog nin pagkaapostol tanganing huli ki Cristo madara ko an gabos na nasyon sa pagtubod asin sa pagkuyog ki Cristo.

Roma 12:3

Huli sa biyaya na itinao sako nin Dios, ini an masasabi ko saindo: Dai kamo mag-isip nin labaw pa saindo kundi magin mabini kamo sa saindong pag-isip. Hukoman nindo an saindong sadiri sosog sa sukol kan pagtubod na itinao nin Dios saindo.

Roma 12:6

Tinawan kita nin Dios nin manlaen-laen na balaog sosog sa biyaya na itinao sa lambang saro. Kaya gamiton ta nin marahay an mga balaog na iyan. Kun balaog sa paghulit kan mensahe nin Dios an itinao sato, dapat kitang maghulit sosog sa pagtubod nyato.

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Corinto 3:5

Huli ta siisay si Apolos? Siisay si Pablo? Mga sorogoon sana kami nin Dios na ginamit niya tanganing giyahan kamo sa pagtubod sa Kagurangnan. An lambang saro samo naggigibo kan ipinapagibo samo nin Kagurangnan:

1 Corinto 5:6

Dai kamo magpaabaw-abaw! Dai nindo aram an kasabihan, “An kadikit na lebadura minapausbog kan bilog na minasang arina”?

1 Corinto 7:7

Kun sa sako sana, boot ko kutana na an gabos makaarog sako; alagad tinawan kita nin Dios nin manlaen-laen na balaog—sa saro, ining balaog; sa iba, iba man.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

1 Pedro 4:10

An lambang tawo na tinawan nin espesyal na balaog nin Dios dapat maggamit kan balaog na iyan para sa karahayan kan kapwa niya, bilang marahay na mga parapamahala kan manlaen-laen na biyaya nin Dios.