1 Corinto 4:4 - Marahay na Bareta Biblia

⁴ Malinig an sakong konsyensya, alagad iyan dai nagpapatotoo na mayo ako nin kasalan. An Kagurangnan an naghuhukom sako.

1 Corinto 4:4 ပူးပေါင်းရင်းမြစ်များ

An Libro ni Job 15:14

“Pwede daw na magin malinig an sarong tawo? Pwede daw na magin matanos an siisay man sa Dios?

An Libro ni Job 25:4

Paano, kun siring, magigin matanos an sarong tawo sa saiyang atubang? Paano magigin malinig an sarong namundag sa sarong babae?

An Libro ni Job 27:6

Mamomogol ako sa sakong katanosan, asin dai ko iyan bubutasan; dai ako tutuyawon kan sakong konsyensya mantang ako nabubuhay.

An Libro ni Job 40:4

“Nagtaram ako siring sa sarong lolong, Kagurangnan; ano an ikakasimbag ko saimo? Dai na ako mataram nin ano pa man.

An Libro ni Job 9:20

Maski mayo akong sala, an sako man sanang ngoso an mahukom sako; maski mayo ako nin karatan, mapapatotoohan niyang ako maraot.

Salmo 130:3

Kagurangnan, kun itinala mo an mga kasalan, siisay an matagal, Kagurangnan?

Salmo 143:2

Dai mo paghukoman an sorogoon mo, huli ta mayo nin matanos sa atubang mo.

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Salmo 26:12

Ligtas ako sa gabos na pag-alaman; sa dakulang katiriponan oomawon ko an Kagurangnan.

Salmo 50:6

Ibinabalangibog nin kalangitan an pagkamatanos nin Dios, huli ta siya iyo an hukom.

Mga Talinhaga 21:2

An paghona kan tawo tama an gabos niyang gibo, alagad an Kagurangnan an naghuhukom kan nasa saiyang puso.

Mga Talinhaga 29:26

Dakul an nagmamawot na mawilihan sinda kan hade, alagad sa Kagurangnan sana pwede kang makakua nin hustisya.

Juan 21:17

Ikatolong beses na hinapot siya ni Jesus, “Simon, aki ni Juan, namomotan mo ako?” Namondo si Pedro huli ta hinapot siya ni Jesus nin ikatolong beses kun namomotan niya siya, kaya sinabihan niya si Jesus, “Kagurangnan, aram mo an gabos; aram mong namomotan taka!” Sinabihan siya ni Jesus, “Pakakana an sakong mga karnero.

Mga Gibo 23:1

Hiniling ni Pablo an mga kaayon kan Konseho dangan nagsabi, “Mga tugang! Malinig an sakuyang konsyensya dapit kan sakong pamumuhay sa atubangan nin Dios, sagkod sa aldaw na ini.”

Roma 2:13

Huli ta bakong sa pagdangog kan Katogonan ginigibong matanos nin Dios an tawo, kundi huli sa pag-otob kan ipinagboboot kaiyan.

Roma 4:2

Kun pinangagin siyang matanos nin Dios huli sa saiyang mga ginibo, igwa kutana siya nin ipag-oorgulyo. Alagad dai siya makakapag-orgulyo sa atubang nin Dios.

1 Corinto 4:3

Mayong halaga para sako kun hatolan nindo ako o kan arin man na hukoman nin tawo. Dai ngani ako naghuhukom kan sadiri ko.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

2 Corinto 1:12

An ipinag-oorgulyo mi iyo ini: nagpapatotoo an samong konsyensya na namuhay kaming banal saka mayo nin pagsagin-sagin digdi sa kinaban, asin orog na sa pakiiba saindo, bakong huli sa kinabanon na kadonongan kundi huli sa biyaya nin Dios.

2 Corinto 5:10

Huli ta kita gabos maatubang ki Cristo tanganing hukoman niya. An lambang saro maako kan maninigo saiya, sosog sa saiyang mga marahay o maraot na gibo, kan nabubuhay pa siya sa kinaban na ini.