1 Corinto 4:19 - Marahay na Bareta Biblia

¹⁹ Alagad kun boot nin Kagurangnan, madiyan tolos ako saindo. Dangan maaaraman ko kun ano an pwedeng magibo kan mga mapalangkaw na iyan, bako kun ano an masasabi ninda.

1 Corinto 4:19 ပူးပေါင်းရင်းမြစ်များ

Mga Gibo 18:21

Alagad bago siya naghale, nagsabi siya sainda, “Kun iyo iyan an kabotan nin Dios, mabalik ako saindo.” Dangan nagsakay siya hale sa Efeso.

Mga Gibo 19:21

Pakatapos kan mga pangyayaring ini, nagdesidir si Pablo na maglibot sa Macedonia asin Grecia bago magduman sa Jerusalem. Nagsabi siya, “Paghale ko sa Jerusalem kaipuhan magduman ako sa Roma.”

Mga Gibo 20:2

Sa lambang banwa na agihan niya, pinapakosog niya an boot kan mga tugang duman, sagkod na makaabot siya sa Grecia.

Roma 15:32

Kun boot nin Dios, maabot ako saindong pano nin kaogmahan, dangan makapagpapahingalo ako sa kaibahan nindo.

1 Corinto 11:34

Kun may nagugutom, magkakan ngona siya sa saiyang harong, tanganing dai kamo padusahan nin dios sa saindong pagtiripon. An iba pang mga bagay, huhusayon ko pag-abot ko na diyan.

1 Corinto 14:5

Boot ko kutanang kamo gabos magkaigwa kan balaog nin pagtaram sa manlaen-laen na lengwahe; alagad mas boot ko pang igwa kamo kan balaog nin pagpropesiya. Huli ta an tawong nagpopropesiya mas dakula ki sa tawong nakakataram sa manlaen-laen na lengwahe—pwera sana kun igwa diyan nin tataong magpaliwanag kan kahulogan kan itinataram, tanganing mapatalubo an simbahan.

1 Corinto 16:5

Madalaw ako saindo pakahapit ko sa Macedonia—huli ta kaipuhan mag-agi ako duman.

1 Corinto 16:7

Habo kong dikit sanang oras kitang maghirilingan; linalaom kong maghaloy sa kaibahan nindo, kun itugot kan Kagurangnan.

1 Corinto 2:6

Alagad sa mga tawong pusog na an pagtubod, nagtutukdo ako nin kadonongan. Alagad an kadonongan na iyan bakong gikan sa panahon na ini, o sa mga namamayo kan kinaban na ini, na mga minaagi sana.

1 Corinto 4:18

An iba saindo nagin mapalangkaw sa paghona na dai ako madalaw saindo.

1 Corinto 4:6

Mga tugang, kami ni Apolos an ginamit kong halimbawa para sa sadiri nindong karahayan, tanganing manodan nindo an kahulogan kan kasabihan, “Kuyogon nindo an maninigong pagsusundon;” tanganing dai nindo ipag-orgulyo an saro katawo sa ikakaraot kan iba.

2 Corinto 1:23

Saksi ko an Dios—aram niya an nasa puso ko! Dai na ngona ako nagdiyan sa Corinto tanganing ikalikay kamo sa kulog nin boot.

2 Corinto 10:9

Habo kong isipon nindo na pinapatakot ko kamo sa mga surat ko.

Hebreyo 6:3

Ini an gibohon nyato, kun itugot nin Dios.

Santiago 4:15

Kaya an dapat nindong sabihon iyo ini: “Kun itugot nin Kagurangnan, mabubuhay kami asin gigibohon mi ini o iyan.”