1 Corinto 3:17 - Marahay na Bareta Biblia

¹⁷ An siisay man na maglaglag kan templo nin Dios, lalaglagon man nin Dios; huli ta an templo nin Dios banal, asin an templong iyan kamo mismo.

1 Corinto 3:17 ပူးပေါင်းရင်းမြစ်များ

Genesis 28:17

Natakot si Jacob asin nagsabi, “Makatatakot an lugar na ini! Iyo ini an harong nin Dios asin an trangkahan nin langit.”

1 Mga Cronica 29:3

Laen pa kaini, bilang dagdag sa mga inandam ko para sa Templo, hale sa sadiri kong kayamanan nagtao na ako nin bulawan saka plata, huli kan sakuyang pagkamoot sa Templo nin Dios.

Salmo 74:3

Maglakaw ka sa mga lugar na narumpag na gayo; rinaot kan mga kaiwal an gabos na nasa laog kan Templo!

Salmo 79:1

O Dios, an saimong daga linaog kan mga pagano; pinagbasang-basang ninda an banal mong Templo; rinumpag ninda an Jerusalem.

Salmo 93:5

An saimong mga togon mayo nin kataposan, Kagurangnan, asin totoong banal an saimong Templo, sa panahon na daing kataposan.

Salmo 99:9

Pag-omawon an Kagurangnan nyamong Dios, asin sambahon siya sa saiyang banal na bulod! Huli ta banal an Kagurangnan na samuyang Dios.

Exodo 3:5

Nagtaram an Kagurangnan, “Dai ka magrani. Halea an saimong mga sandalyas, huli ta banal an lugar na saimong natitindogan.

Isaias 64:11

asin an samong Templo, an sagrado saka magayon na lugar saen inomaw ka kan samong ginikanan, naraot huli kan kalayo. An mga lugar na samong namomotan gabos nagkararaot.

Ezekiel 43:12

Iyo ini an togon manongod sa Templo: An bilog na teritoryo sa palibot kaini sa alitoktok kan bukid sagrado asin banal.”

Ezekiel 5:11

“Kaya, mantang ako an Dios na buhay—iyo ini an tataramon nin Kagurangnan Dios—huli ta dinigtaan mo an sakong Templo sa paagi kan gabos na maraot saka makauuyam mong mga gibo, pupuhoon taka. Dai ako mapahiling nin anoman na pagkaherak.

Ezekiel 7:22

Dai ako makikilabot maski basang-basangon ninda an mahalaga kong Templo, kun laogon iyan kan mga parahabon dangan digtaan.

Levitico 15:31

Tinaraman nin Kagurangnan si Moises na patanidan an mga Israelita manongod kan saindang kaatian ta tibaad magkagaradan sinda kun saindang maatian an Tabernakulo nin Kagurangnan na nasa tahaw kan kampo.

Levitico 20:3

Magigin kaiwal ko siya asin dai na ibibilang na kaayon sa sakuyang banwaan, huli ta dinidigtaan niya an sakong Tabernakulo asin sinosopog niya an sakong ngaran sa pagtao kan saro niyang aki ki Molec.

Sofonias 3:4

Dai malalaoman asin parapasaluib an saiyang mga propeta; an mga banal na bagay dinidigtaan kan mga padi asin an togon nin Dios saindang binibiko para sa sadiri nindang karahayan.

Mga Bilang 19:20

Alagad an tawong nagin maati asin dai maglinig kan saiyang sadiri magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan asin dai na siya ibibilang na kaayon sa banwaan nin Dios.

1 Corinto 3:16

Dai nindo aram na kamo an templo nin Dios asin an Espiritu nin Dios nag-eerok saindo?

1 Corinto 3:18

Dai nindo pagdayaon an sadiri nindo. Kun may naghohona saindo na siya madonong sosog sa kinaban na ini, dapat siyang magin garo lolong, tanganing magin siyang talagang madonong.