1 Corinto 2:4 - Marahay na Bareta Biblia

⁴ Sa pagtaram saka sa paghulit kan Marahay na Bareta, dai ako naggamit nin mga mahamis na tataramon nin pilosopia, kundi ipinamidbid ko saindo an Espiritu asin an kapangyarihan nin Dios.

1 Corinto 2:4 ပူးပေါင်းရင်းမြစ်များ

Mga Talinhaga 20:19

An tsismoso dai nakakatago nin sekreto. Maglikay sa tawong matabil.

Mga Talinhaga 7:21

Huli kan mga tataramon na nandadagka, nagsuko an hoben.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Ezekiel 13:6

Bakong totoo an saindang mga bisyon asin kaputikan an saindang mga kapahayagan manongod sa maabot na panahon. Minasabi sindang ipinapahayag ninda an sakong mensahe, alagad dai ko sinda sinugo. Minsan siring, naghahalat sindang magkakatotoo an saindang pahayag!

Mga Gibo 20:27

Huli ta ibinareta ko saindo an bilog na katuyohan nin Dios; mayo akong itinago saindo.

Mga Gibo 26:28

Tinaraman ni Agripa si Pablo, “Sa halipot na panahon boot mo akong magin Cristiano!”

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

Roma 15:19

kapangyarihan nin mga milagro saka ngangalasan, asin kapangyarihan kan Espiritu nin Dios. Kaya ipinaghulit ko na an Marahay na Bareta dapit ki Cristo poon sa Jerusalem sagkod sa Ilirico.

Roma 16:18

An mga siring na tawo bakong sa satong Kagurangnan naglilingkod, kundi nagpaparaisip sana kan saindang tulak. Dinadaya ninda an mga tawong inosente, sa paagi kan saindang magayon asin marahay pagdangogon na mga tataramon.

1 Corinto 1:17

Dai ako sinugo ni Cristo tanganing magbunyag kundi maghulit kan Marahay na Bareta, asin maghulit bakong sa tataramon nin mga madodonong na tawo, ta tibaad mahalean nin halaga an kapangyarihan kan kagadanan ni Cristo sa krus.

1 Corinto 2:1

Mga tugang, kan magdiyan ako saindo sa paghulit kan hilom na katotoohan nin Dios, dai ako naggamit nin halangkaw na mga tataramon o pilosopia.

1 Corinto 2:13

Kaya sa samong pagpaliwanag kan mga katotoohan na espiritwal sa mga tawong igwa kan Espiritu nin Dios, an ginagamit mi iyo an mga tataramon na itinukdo samo kan Espiritu, bakong an mga tataramon na nanodan mi sa kadonongan nin tawo.

1 Corinto 4:20

Huli ta an Kahadean nin Dios bakong sa tataramon, kundi sa gibo.

2 Corinto 6:6

Ipinahiling mi man na mga sorogoon kami nin Dios sa paagi kan samong kabinian, pakasabot, pagkamatinios asin pagkamaboot; siring man sa paagi kan Espiritu Santo, kan samong dalisay na pagkamoot,

Galacia 1:10

Nangangahulogan daw iyan na hinahanap ko an omaw nin mga tawo? Bako nanggad! An talagang boot ko, Dios an mag-omaw sako. Kun nagmamawot akong omawon nin mga tawo, dai kutana ako nagin sorogoon ni Cristo.

Colosas 2:4

Sinasabihan ko kamo kaini tanganing mayo nin makadaya saindo sa paagi nin mga putik na tataramon.

1 Tesalonica 1:5

Huli ta dinara mi saindo an Marahay na Bareta, bako sanang sa paagi kan mga tataramon, kundi man sa kapangyarihan asin sa Espiritu Santo, kaiba an pagsarig na iyan totoo. Aram nindo an samong pamumuhay kan kami kaiba pa nindo; ginibo mi iyan sa ikakarahay nindo.

1 Pedro 1:12

Ipinahayag sainda nin Dios na idtong gibo ninda bakong sa sadiri nindang karahayan kundi para saindo. An mga bagay na ini ibinareta na ngunyan saindo kaidtong mga naghulit kan Marahay na Bareta huli sa Espiritu Santo na hale sa langit. Maski an mga anghel boot man masabotan an mga bagay na ini.

2 Pedro 1:16

An ipinahayag mi saindo dapit sa kapangyarihan asin pagdatong ni Jesu-Cristo na satong Kagurangnan bakong gikan sa mga osipon na inimbento sana, huli ta mga saksi kami kan saiyang kamahalan!

2 Pedro 2:18

Halangkaw sindang manaramtaram alagad mayong laog; dinadagka ninda sa paagi kan mga karompotan nin laman an mga dai pa nahaloy na makasuhay sa kaibahan kan tawong sala an pamumuhay.

Hukom 14:15

Sa ikaapat na aldaw, sinabihan ninda an agom ni Samson, “Dagkahon mo an saimong agom tanganing ikasabi sato an simbag kan paokod. Kun dai, susuloon mi ika asin an harong nin saimong ama. Tibaad inalok nindo kami tanganing habonan nindo.”

Hukom 16:5

Dinuman si Delila kan limang hade kan mga Filisteo asin sinabihan, “Dagkahon mo si Samson na sabihan ka kun ano an nagpapakosog saiya, asin aramon mo kun paano ta siya madadaog tanganing magapos ta siya asin dai na makalaban. Kun magibo mo iyan, an lambang saro samo matao saimo nin mil syen na pedaso nin plata.”