1 Corinto 2:15 - Marahay na Bareta Biblia

¹⁵ An tawong igwa kan Espiritu makakahukom kan halaga kan gabos na bagay; alagad dai siya pwedeng hukoman nin siisay man.

1 Corinto 2:15 ပူးပေါင်းရင်းမြစ်များ

2 Samuel 14:17

Nagsaboot pa akong, ‘An panuga kan sakong kagurangnan na hade iyo an maligtas sako;’ huli ta an kagurangnan na hade siring sa anghel nin Dios na nakakaaram kan marahay saka kan maraot. Ibahan ka logod kan Kagurangnan na saimong Dios!”

Salmo 25:14

Mga katood nin Kagurangnan an mga may pagkatakot saiya; an saiyang tipan ipinapahayag niya sainda.

Mga Talinhaga 28:5

Dai nasasabotan kan mga maraot an kahulogan kan hustisya, alagad nasasabotan ini nin marahay kan mga tawong nagsasamba sa Kagurangnan.

Parahulit 8:5

An minakuyog kan kabotan kan hade dai namumugtak sa pag-alaman; an sarong madonong na tawo nakakaaram kan paagi asin kun nuarin gibohon iyan.

Juan 7:17

Maiisihan nin siisay man na boot mag-otob kan ipinagboboot nin Dios, kun an itinutukdo ko hale sa Dios, o kun nagtataram ako sa sadiri ko sanang kabotan.

Mga Gibo 16:3

Boot ni Pablo na ipag-iba si Timoteo, kaya ipinaserkomsisyon niya ini. Ginibo niya ini huli sa mga Judio na nag-eerok sa mga lugar na idto na nakakaaram na Griyego an ama ni Timoteo.

1 Corinto 14:37

Kun igwang naghohona na siya sarong propeta o tinawan siya nin espiritwal na balaog, dapat niyang mamidbid na an sinusurat kong ini saindo sarong pagboot nin Kagurangnan.

1 Corinto 3:1

Sa katunayan, mga tugang, dai ako nakapagtaram saindo arog kan pagtaram ko sa mga tawong igwa kan Espiritu. Kaipuhan magtaram ako saindo na garo baga kamo mga kinabanon, mga aki sa pagtubod ki Cristo.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

Galacia 6:1

Mga tugang, kun igwa kamong madakop na naggigibo nin anoman na sala, kamo na nag-ako kan Espiritu nin Dios an dapat na magtabang saiya na magin matanos giraray. Alagad gibohon nindo iyan sa mahuyong paagi. Kamo man dapat maglikay ta tibaad kamo man an masogotan.

Filipos 1:10

tanganing mapili nindo an pinakamarahay. Dangan magigin malinig kamo asin mayo nin sala pag-abot kan Aldaw ni Cristo.

Colosas 1:9

Poon kan maaraman mi iyan, danay mi kamong ipinapamibi. Hinahagad mi sa Dios na masabotan nindo nin marahay an saiyang kabotan, sa paagi kan bilog na kadonongan saka pakasabot na itinatao kan Espiritu.

1 Tesalonica 5:21

Baloon nindo an gabos na bagay saka gibohon nindo an marahay.

Hebreyo 5:14

An matagas na kakanon para sa mga nasa tama nang edad, na nakanood nang magmidbid kan marahay o maraot.

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

1 Juan 4:1

Mga namomotan, dai kamo magtubod sa mga nagsasabing igwa sinda kan Espiritu, kundi baloon nindo sinda, tanganing maaraman nindo kun an espiritu na nasa sainda talagang hale sa Dios; huli ta dakul na bakong tunay na propeta an nagtunga sa gabos na lugar.