1 Corinto 2:11 - Marahay na Bareta Biblia

¹¹ Mayo nin nakakaaram kan nasa puso nin tawo kundi an sadiri sana niyang espiritu na yaon saiya. Siring man, an Espiritu nin Dios sana an nakakaaram kan kaisipan nin Dios.

1 Corinto 2:11 ပူးပေါင်းရင်းမြစ်များ

An Libro ni Job 15:8

Nadangog mo daw an mga ginibong plano nin Dios? Ika daw sana an tawong may kadonongan?

Mga Talinhaga 14:10

Sadiri mo an saimong kaogmahan; an saimong kapaitan nin boot sadiri mo man. Mayo nin pwedeng makihiras saimo kaiyan.

Mga Talinhaga 20:27

Tinawan kita kan Kagurangnan nin isip saka konsyensya, kaya dai ta madadaya an satong sadiri.

Mga Talinhaga 20:5

Arog sa tubig na hararom an kaisipan nin tawo, alagad malaladop iyan nin sarong madonong.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

1 Corinto 12:8

Sa saro itinatao nin Dios sa paagi kan Espiritu Santo an kakayahan na magpahayag nin mensaheng pano nin kadonongan; sa saro, an mensaheng pano nin pakaaram sa paagi kan parehong Espiritu.

1 Corinto 2:10

Alagad ipinahayag sato nin Dios an saiyang misteryo sa paagi kan saiyang Espiritu, huli ta an Espiritu iyo an nagsisiyasat kan gabos, maski pa kan mga hararom na katuyohan nin Dios.