1 Corinto 16:2 - Marahay na Bareta Biblia

² Sa enot na aldaw kan lambang semana, an lambang saro saindo kaipuhan na maglaen nin kantidad, sosog sa saiyang hinanapan; damoton niya iyan, tanganing pag-abot ko diyan dai na kaipuhan pang mangolekta.

1 Corinto 16:2 ပူးပေါင်းရင်းမြစ်များ

Genesis 26:12

Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan.

Genesis 30:27

Alagad nagsimbag si Laban, “Ini an masasabi ko: sosog sa naaaraman ko sa panghuhula, benendisyonan ako nin Kagurangnan huli saimo.

Genesis 30:30

Dikit an sadiri mo bago ako mag-abot; ngunyan dakul nang marahay asin benendisyonan ka nin Kagurangnan huli sako. Bako daw panahon na tanganing mangnohon ko man an sakong sadiring pamilya?”

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

Genesis 33:11

Kaya nakikimaherak ako na akoon mo an regalong dara ko saimo; nagin marahay sako an Dios asin tinawan ako kan gabos kong kaipuhan.” Nagparapirit si Jacob kaya inako ni Esau an regalo.

2 Mga Cronica 31:10

asin sinabihan siya ni Azarias, an Halangkaw na Padi, na gikan sa pamilya ni Zadok, “Poon na magdara nin mga dolot sa Templo an mga tawo, nagkakan kami saka nabasog asin dakul pa an natada. Nagkaigwa kami kaini huli ta benendisyonan nin Kagurangnan an saiyang banwaan.”

Markos 14:8

Ginibo kan babaeng ini an saiyang makakaya: linahidan niya nin pahamot an sakong hawak bilang pag-andam sa paglubong sako.

Lukas 16:10

An maimbod sa dikit na bagay, maimbod man sa dakul; an madaya sa dikit na bagay, madaya man sa dakul.

Lukas 24:1

Alagad amay pa kan Domingong aga, nagduman an mga babae sa lulubngan, dara an mga pahamot na inandam ninda.

Juan 20:19

Pagkabanggi kan Domingo man sanang idto, nagtiripon an mga disipulo. Binaratan an mga pintoan kan harong na pinagtitiriponan ninda huli sa takot ninda sa mga Judio. Dangan naglaog si Jesus, puminatahaw sainda saka nagsabi, “Mapasaindo an katoninongan.”

Juan 20:26

Pakalihis nin sarong semana, nagtiripon giraray an mga disipulo duman sa laog kan harong; kaiba na ninda si Tomas. An mga pintoan binaratan, alagad naglaog si Jesus, puminatahaw sainda saka nagsabi, “Mapasaindo an katoninongan.”

Mga Gibo 20:7

Kan enot na aldaw kan semana, nagtiripon kami para sa pagbaak nin tinapay. Nagtaram si Pablo sa mga tawo sagkod sa matangang banggi, huli ta mahale na siya pagkaaga.

2 Corinto 8:10

Uya an masasabi ko sa bagay na ini: mas marahay na taposon nindo ngunyan an pinonan nindo kan sarong taon.

Deuteronomio 8:18

Giromdoma nindo na an Kagurangnan na saindong Dios iyo an nagtao saindo nin kakayahan tanganing magyaman kamo. Ginibo niya ini huli ta sagkod ngunyan maimbod siya sa tipan na sinumpaan niya sa saindong mga ginikanan.

Kapahayagan 1:10

Kan Aldaw nin Kagurangnan, napano ako kan Espiritu asin nakadangog ako sa likodan ko nin makosog na tingog na garo tanog nin trompeta,