1 Corinto 16:13 - Marahay na Bareta Biblia

¹³ Magpuka kamo asin magdanay na masarig sa pagtubod; magmaigot kamo saka magmakosog.

1 Corinto 16:13 ပူးပေါင်းရင်းမြစ်များ

2 Samuel 10:12

Magmaisog ka! Maigot kitang makilaban para sa satong banwaan asin para sa mga syudad nin satong Dios. Gibohon logod nin Kagurangnan an pinaghohona niyang marahay!”

1 Mga Hade 2:2

“Magagadan na ako. Magmakosog asin magpakalalaki ka.

1 Mga Cronica 19:13

Magmaisog ka! Maigot kitang makilaban para sa satong banwaan asin para sa mga syudad nin satong Dios. Gibohon logod nin Kagurangnan an pinaghohona niyang marahay.”

1 Mga Cronica 28:10

Saboton mo nanggad na pinili ka nin Kagurangnan tanganing magtugdok kan saiyang banal na Templo; pagmakosog asin gibohon mo iyan.”

Salmo 27:14

Magsarig sa Kagurangnan. Magmaisog, pakosogon an puso. Magsarig sa Kagurangnan!

Salmo 31:24

Pagmakosog kamo; pasariga an saindong boot, kamo gabos na naglalaom sa Kagurangnan.

Isaias 35:4

Tarami an gabos na maluya an boot, “Magmakosog kamo asin dai matakot! Madatong an Dios sa pagligtas saindo, sa pagpadusa sa mga kaiwal nindo.”

Daniel 10:19

Nagsabi siya, “Lalaking namomotan nin marahay, dai ka matakot, mapasaimo an katoninongan; magmakosog ka asin magmaisog.” Pakasabi niya kaini, namatean kong orog akong nagkosog asin nagsabi ako, “Kagurangnan, tarami ako kan sasabihon mo huli ta napakosog mo na ako.”

Daniel 11:32

Huli sa pandadaya, madadagka kan hade an mga nagtalikod sa saindang relihiyon, alagad makikilaban saiya an mga nagsasamba sa Dios.

Hageo 2:4

Alagad dai kamo manluya. Magtrabaho kamo huli ta kaibahan nindo ako.

Zacarias 8:13

Mga taga Juda asin mga taga Israel, kaidto, kun igwa nin boot na maldisyonon an mga dayuhan minasabi sindang, ‘Umabot man logod saimo an parehong maldisyon na uminabot sa Juda asin sa Israel!’ Alagad ililigtas ko kamo, dangan masabi an mga dayuhan na idto, ‘Akoon mo logod an parehong bendisyon na uminabot sa Juda asin sa Israel!’ Kaya magmaisog kamo asin dai kamo matakot.”

Zacarias 8:9

“Magmakosog kamo! An parehong mga tataramon na itinaram kan mga propeta kan ibinubugtak an pundasyon para sa pagpatindog giraray kan sakong Templo, iyo an saindong nadadangog ngunyan.

Mateo 25:13

Dangan sinabihan sinda ni Jesus, “Kaya magpuka kamo, ta dai nindo aram an aldaw ni an oras.

Mateo 26:41

Magpuka kamo asin mamibi tanganing dai kamo madaog nin sogot. Andam kutana an espiritu alagad an hawak maluya.”

Lukas 21:36

Kaya magpuka kamo sa gabos na oras; danay kamong mamibi na magkaigwa kamo nin kosog tanganing makaligtas kamo sa gabos na mangyayaring iyan, dangan makaatubang kamo sa Aki nin Tawo.”

1 Corinto 14:20

Mga tugang, dai kamo mag-isip na garo aki. Kun manongod sa karatan, magin kamong siring sa aki, alagad mag-isip kamo siring sa gurang.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

2 Corinto 1:24

Dai kami nagdidikta saindo kun ano an dapat nindong tubodon, huli ta aram ming masarig an tindog nindo sa pagtubod. Kundi naglilingkod kami para sa saindo man sanang kaogmahan.

Galacia 5:1

Tinawan kita nin katalingkasan ni Cristo tanganing magdanay kitang talingkas. Kaya mamuhay kamo siring sa mga tawong talingkas, saka dai na nanggad kamo magpaoripon.

Efeso 3:16

Hinahagad ko sa Dios, sa paagi kan saiyang Espiritu, na tawan niya kamo nin kosog nin buhay na espiritwal, gikan sa kayamanan nin saiyang kamurawayan,

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

Filipos 4:1

Kaya namomotan kong mga tugang, kamo na hinihidaw kong gayo, na sakong kaogmahan asin sakong orgulyo, magdanay kamong pusog sa Kagurangnan.

Filipos 4:13

An gabos magigibo ko huli ki Cristo na nagpapakosog sako.

Colosas 1:23

Alagad kaipuhan kamong magdanay na maimbod asin masarig sa pagtubod. Dai nindo ipagsuhay saindo an paglaom na nakua nindo kan madangog nindo an Marahay na Bareta. An Marahay na Baretang ini an ipinaghulit sa bilog na kinaban; ako, si Pablo, naging sarong sorogoon na naghuhulit kaiyan.

Colosas 4:12

Kinokomusta kamo ni Epafras, na saro pang kaayon kan grupo nindo, asin sorogoon ni Cristo Jesus. Danay niyang ipinapamibi nin maigot na kamo magin masarig, mayo nin pagduwa-duwa sa pagtubod asin andam na magkuyog sa kabotan nin Dios.

Colosas 4:2

Magdanay kamo sa pagpamibi. Magpuka kamo sa pagpamibi na may pasasalamat.

1 Tesalonica 3:8

Garo man sana nagkaigwa kami nin bagong buhay kan maaraman ming masarig an tindog nindo sa buhay na para sa Kagurangnan.

1 Tesalonica 5:6

Kaya dai kita dapat magkatorog siring kan iba, kundi dapat kitang magpuka asin danay na magin malinaw an isip.

2 Tesalonica 2:15

Kaya, mga tugang, magdanay kamong pusog; padagos kamong magtubod kan mga katotoohan na itinukdo mi saindo sa tataramon o sa surat.

1 Timoteo 6:12

Makilaban ka sa marahay na laban nin pagtubod nganing makamtan mo an premyo nin buhay na mayong kataposan, huli ta diyan ka inapod nin Dios kan ipahayag mo an saimong pagtubod sa atubangan nin dakul na saksi.

2 Timoteo 2:1

Aki ko, magin makosog ka huli sa biyaya na yaon ki Cristo Jesus.

2 Timoteo 4:5

Alagad magdanay ka sanang masarig sa gabos na oras; tioson mo an kasakitan, gibohon mo an trabaho nin sarong parabalangibog kan Marahay na Bareta, asin otobon mo an bilog mong katongdan bilang sorogoon nin Dios.

2 Timoteo 4:7

Nakilaban ako nin marahay, natapos ko na an pagdalagan, asin nagdanay akong maimbod sa pagtubod.

Josue 1:18

Gagadanon an siisay man na maglapas kan saimong togon asin magsuhay kan saimong pagboot. Magmaisog ka asin pakosoga an saimong boot!”

Josue 1:9

Giromdoma na pinagbotan taka na magmaisog asin magmakosog nin boot! Dai ka matakot o mawaraan nin paglaom huli ta ako, an Kagurangnan na saimong Dios, an kaibahan mo saen ka man magduman.”

1 Pedro 4:7

Harani na an kataposan kan gabos na bagay. Kaya dapat magkaigwa kamo nin malinaw na isip asin pagpupugol sa sadiri, tanganing makapamibi kamo.

1 Pedro 5:8

Mag-andam kamo asin magbantay! Huli ta an Diablo na saindong kalaban naglilibot siring sa sarong nag-uungal na leon na naghahanap nin hahalonon.

Kapahayagan 16:15

“Pagdangog kamo! Maabot ako siring sa sarong parahabon! Paladan an nagpupuka saka dai naghuhuba kan saiyang gubing, tanganing dai siya maglakaw na huba asin dai mapasopog sa publiko!”

1 Samuel 4:9

Magmaisog kamo, mga Filisteo! Magpakalalaki kamo huli ta tibaad magin mga oripon kita kan mga Hebreyo, siring na sinda nagin mga oripon ta. Magpakalalaki kamo asin lumaban!”