1 Corinto 16:10 - Marahay na Bareta Biblia

¹⁰ Pag-abot diyan ni Timoteo, akoon nindo siya nin marahay, huli ta pareho ko man siyang naglilingkod sa Kagurangnan.

1 Corinto 16:10 ပူးပေါင်းရင်းမြစ်များ

Mga Gibo 16:1

Nagdagos man si Pablo sa Derbe dangan sa Listra. Igwa digdi nin sarong paratubod na an ngaran Timoteo; an ina niya sarong paratubod na Judia, alagad an ama niya sarong Griyego.

Mga Gibo 19:22

Pinaenot na niya sa Macedonia an duwa niyang katabang na si Timoteo saka si Erasto, mantang nag-ontok siya nin dikit na panahon sa Asia.

Roma 16:21

Ipinapakomusta kamo diyan ni Timoteo na kaiba ko sa paglingkod, siring man ni Lucio, ni Jason, asin ni Sosipater, na mga kapwa ko Judio.

1 Corinto 15:58

Kaya ngani, namomotan kong mga tugang, magin pusog kamo saka masarig. Magdanay kamong mahigos sa trabaho nindo para sa Kagurangnan, huli ta aram nindo na bakong sayang an anoman na paglingkod nindo sa Kagurangnan.

1 Corinto 16:11

Dai nindo siya pagmenoson kundi tabangan na magpadagos sa pagbyahe nin matoninong, tanganing makabalik siya sako, huli ta hinahalat ko siya kaiba kan ibang mga tugang.

1 Corinto 4:17

Kaya sinusugo ko diyan saindo si Timoteo, an sakong namomotan asin maimbod na aki sa Kagurangnan. Ipapagiromdom niya saindo an sakong pamumuhay ki Cristo, siring sa ipinagtutukdo ko sa gabos na simbahan saen man na lugar.

2 Corinto 1:1

Surat na hale ki Pablo na apostol ni Cristo Jesus huli sa kabotan nin Dios, saka hale sa tugang tang si Timoteo. Para sa simbahan nin Dios sa Corinto, saka para sa gabos na banal na yaon sa bilog na Grecia.

2 Corinto 6:1

Kaya bilang mga kaiba sa paglingkod sa Dios, nakikimaherak kami saindo, na mga nag-ako kan biyaya nin Dios na dai nindo iyan pagsayangon.

1 Tesalonica 3:2

asin sinugo mi saindo si Timoteo, na satong tugang saka sorogoon nin Dios, sa paghulit kan Marahay na Bareta dapit ki Cristo. Sinugo mi siya saindo sa pagpakosog kan saindong pagtubod saka sa pagsadol saindo

1 Tesalonica 4:12

Sa paaging ini, gagalangan kamo kan mga bakong paratubod, asin dai kamo magsasarig sa kiisay man.