1 Corinto 15:55 - Marahay na Bareta Biblia

⁵⁵ “O Kagadanan, haen an kapangganahan mo? O Kagadanan, haen na an saimong kapangyarihan sa pagkulog?”

1 Corinto 15:55 ပူးပေါင်းရင်းမြစ်များ

An Libro ni Job 41:22

Makosog nin marahay an saiyang liog, kaya gabos na nasasabat niya natatakot.

Salmo 89:48

Siisay an tawong pwedeng mabuhay asin dai nanggad magadan? Siisay an makakaligtas kan saiyang kalag sa kapangyarihan nin lulubngan?

Parahulit 3:19

Huli ta pareho an palad kan mga tawo asin kan mga hayop; pareho man sinda magagadan. Pareho man an saindang hinangos; mayo nin kalaenan an tawo sa hayop. Huli ta an buhay mayo nin halaga para sainda.

Parahulit 8:8

Maski siisay mayo nin kapangyarihan sa pagpahalawig kan saiyang buhay o sa pagpanuodma kan aldaw nin saiyang kagadanan. Iyan sarong gera na dai ta madudulagan, maski gamitan pa nin daya.

Oseas 13:14

Dai ko ililigtas an banwaan na ini sa kinaban kan mga gadan o sa kapangyarihan nin kagadanan. Kagadanan, padagosa an pagpapasakit mo! Kinaban kan mga gadan, padagosa an panggagaba mo! Dai ko na nanggad maheherakan an banwaan na ini.

Lukas 16:23

Kan nasasakitan na an mayaman duman sa Hades, nagtangad siya asin nahiling niya sa harayo si Abraham saka si Lazaro sa kataed kaini.

Mga Gibo 2:27

huli ta an sakong kalag dai mo papabayaan sa kinaban kan mga gadan, dai mo itutugot na malapa an hawak kan Banal mong Sorogoon.

Mga Gibo 9:5

Naghapot si Saulo, “Siisay ka, Kagurangnan?” Nagsimbag an tingog, “Ako si Jesus na pinapasakitan mo.

Roma 5:14

Alagad naghade an kagadanan magpoon ki Adan sagkod ki Moises, maski sa mga dai nagkasala nin arog kan kasalan ni Adan. Si Adan anino kan sarong maabot.

1 Corinto 15:56

An kapangyarihan kan kagadanan sa pagkulog, iyo an kasalan; asin an kapangyarihan kan kasalan iyo an Katogonan.

Kapahayagan 9:10

Igwa sinda nin ikog na may kamandag arog sa uyang. Nasa ikog an kapangyarihan nindang magkulog sa tawo sa laog nin limang bulan.