1 Corinto 15:42 - Marahay na Bareta Biblia

⁴² Magigin siring kaini an mga gadan sa pagkabuhay liwat. An hawak na ilinubong nalalapa; alagad an hawak sa pagkabuhay liwat, dai malalapa sagkod pa man.

1 Corinto 15:42 ပူးပေါင်းရင်းမြစ်များ

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

An Libro ni Job 17:14

Aapodon kong ama an lulubngan, asin an mga ulod na nagkakakan sako aapodon ko na sakong ina saka mga babaeng tugang.

Salmo 16:10

huli ta dai mo ako itinatao sa kagadanan, asin an saimong namomotan dai mo pinapabayaan sa lulubngan.

Salmo 49:14

Arog kan mga karnero, magagadan man sinda; an Kagadanan iyo an saindang magigin pastor. Dadaogon sinda kan mga matanos, mantang an saindang mga hawak naglalapa sa lugar nin mga gadan, harayo sa saindang mga harong!

Salmo 49:9

tanganing padagos siyang mabuhay sagkod lamang, asin makaligtas sa lulubngan.

Isaias 38:17

An sakong kapaitan magigin katoninongan. Ililigtas mo an sakong buhay sa gabos na kapahamakan; pinapatawad mo an gabos kong kasalan.

Daniel 12:3

An mga madonong na lider magliliwanag siring sa panganoron, asin an mga nagtukdo sa mga tawo na maggibo kan tama magliliwanag sagkod lamang siring sa mga bitoon.”

Mateo 13:43

Dangan magliliwanag siring sa aldaw an mga matanos sa Kahadean kan saindang Ama. An may talinga, magdangog!

Mga Gibo 2:27

huli ta an sakong kalag dai mo papabayaan sa kinaban kan mga gadan, dai mo itutugot na malapa an hawak kan Banal mong Sorogoon.

Mga Gibo 2:31

Nahiling ni David an gigibohon nin Dios, kaya ipinahayag niya an pagkabuhay liwat kan Cristo, kan sabihon niyang, ‘Dai siya pinabayaan sa kinaban kan mga gadan; dai nalapa an saiyang hawak sa lulubngan.’

Roma 1:23

Tinalikodan ninda an Dios na mayong kagadanan; an sinamba ninda iyo an mga ginibong ladawan na kabaing sa mga tawo o mga gamgam o mga hayop na apat an bitis asin mga hayop na nagkakamang.

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

Roma 8:21

na an linalang patatalingkasan nin Dios tanganing dai na iyan malapa, asin tanganing makahiras sa mamurawayon na katalingkasan kan mga aki nin Dios.

1 Corinto 15:41

May sadiring gayon an aldaw, iba an gayon kan bulan, saka iba an gayon kan mga bitoon; dawa an mga bitoon igwa nin manlaen-laen na gayon.

Galacia 6:8

An nagtatanom sa oma nin mga kamawotan sa laman, maani nin kagadanan; an nagtatanom sa oma nin Espiritu, maani nin buhay na daing kataposan.

1 Pedro 1:4

na makakamtan ta an pamana na itinagama nin Dios sa langit para sato, pamana na dai nalalapa, mayong digta asin dai naglulubad.