1 Corinto 15:32 - Marahay na Bareta Biblia

³² Ano an papakinabangon ko kun nakipaglaban man ako sa maisog na kaiwal digdi sa Efeso para sana sa mga katuyohan na sa tawo? Kun dai binubuhay liwat an gadan, mas marahay pang, “Magkakan kita saka mag-inom, ta sa aga magagadan kita.”

1 Corinto 15:32 ပူးပေါင်းရင်းမြစ်များ

An Libro ni Job 35:3

o na maghapot sa Dios, ‘Ano an sakong papakinabangon? Paano ako magin mas marahay ki sa kun ako nagkasala?’

Salmo 73:13

Kun siring, mayo daw nin kahulogan an sakong pagkamalinig, asin an dai ko paggibo nin kasalan?

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Isaias 22:13

Alagad, nagngisi kamo asin nag-ogma. Nagbuno kamo nin karnero saka baka tanganing kakanon, asin nag-inom kamo nin arak. Nagsabi kamo, “Magkakan kita asin mag-inom, huli ta sa aga magagadan kita.”

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Lukas 12:19

Dangan masabi ako, Paladan ako! Igwa na ako kan gabos kong kaipuhan para sa halawig na panahon. Magpapahayahay na sana ako, magkakakan, mag-iinom saka mag-oogma!’

Lukas 9:25

Ano an papakinabangon nin sarong tawo kun makamtan man niya an bilog na kinaban, alagad mawara an saiyang buhay?

Mga Gibo 18:19

Pag-abot ninda sa Efeso, binayaan ni Pablo duman an mag-agom na Priscila saka Aquila. Nagduman siya sa sinagoga asin nakipagdebate sa mga Judio.

Mga Gibo 18:21

Alagad bago siya naghale, nagsabi siya sainda, “Kun iyo iyan an kabotan nin Dios, mabalik ako saindo.” Dangan nagsakay siya hale sa Efeso.

Mga Gibo 19:1

Mantang nasa Corinto si Apolos, nag-agi si Pablo sa kabubuldan kan probinsya sagkod na nakaabot siya sa Efeso. Natuparan niya duman an nagkapirang paratubod.

Roma 3:5

Alagad ano an sasabihon ta kun an sala tang gibo iyo mismo an nagpapahayag na tama an Dios? Masabi daw kita na bakong tama an Dios sa pagpadusa sato? (Siring an kaisipan nin tawo.)

Roma 6:19

Mga simpleng tataramon sana an ginagamit ko huli kan saindong kaluyahan.) Kun kaidto ihinunod nindo an saindong hawak sa mga kadustaan saka nagin orog kamo karaot, ngunyan kaipuhan idusay nindo an saindong hawak sa katanosan para sa mga banal na katuyohan.

1 Corinto 16:8

Maontok ako digdi sa Efeso sagkod sa aldaw nin Pentecostes.

Galacia 3:15

Mga tugang, uya an simpleng halimbawa: kun an duwang tawo nagpirma na sa sarong kontrata, mayo nin siisay man na makakapawara nin halaga kaiyan o makakadagdag diyan nin anoman.

2 Pedro 2:12

alagad an mga tawong ini minahiro na garo mayong isip, arog kan lalaw na hayop na inogbon tanganing dakopon saka bunoon. Pinag-oolog-olog ninda an mga bagay na dai ninda nasasabotan. Kaya mapapahamak sinda arog kan lalaw na mga hayop;

Judas 1:10

Alagad pinapakaraot kan mga tawong ini an mga bagay na dai ninda nasasabotan. Asin an mga bagay na nasasabotan ninda sa paagi kan saindang instinto, arog kan mayong isip na mga hayop, iyo an magdadara sainda nin kapahamakan.