1 Corinto 14:3 - Marahay na Bareta Biblia

³ Alagad an nagpopropesiya nagtataram sa mga tawo tanganing magtalubo sinda sa pagtubod, mapakosog an saindang boot saka maranga sinda.

1 Corinto 14:3 ပူးပေါင်းရင်းမြစ်များ

Lukas 3:18

Kaya ipinaghulit ni Juan sa mga tawo an Marahay na Bareta kaiba an mga pagsadol.

Mga Gibo 13:15

Pakatapos kan pagbasa sa Katogonan ni Moises asin sa mga kasuratan kan mga propeta, pinasabihan sinda kan mga opisyal sa sinagoga, “Mga tugang, kun igwa kamong sasabihon na makakapakosog kan boot kan mga tawo, sabihon na nindo.”

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

Mga Gibo 15:32

Dakul pa an itinaram sainda ni Judas saka ni Silas na mga propeta man, kaya nagkosog an saindang pagtubod.

Mga Gibo 4:36

Iyo ini an ginibo ni Jose, na sarong Levitang taga Cipre, na inapod Bernabe kan mga apostol (na an boot sabihon, “Parapakosog nin Boot”).

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Roma 12:8

kun sa pagsadol, magsadol kita; kun sa paglimos, maglimos kita sa bilog na makakaya; kun sa pamamayo, magtrabaho kita nin maigot; asin kun sa gibong-herak, magtabang kita sa kaogmahan.

Roma 14:19

Kaya hingowahon ta an mga bagay na nagdadara nin katoninongan, asin nagtatabang sa pagpakosog kan pagtubod nin lambang saro.

Roma 15:2

Dapat gibohon kan lambang saro sato an ikakaogma saka ikakarahay kan satong kapwa, nganing kumosog an pagtubod ninda.

1 Corinto 10:23

“Tinutugotan kitang maggibo maski ano,” iyan an sabi ninda. Totoo iyan, alagad bakong gabos na bagay marahay. “Tinutugotan kitang maggibo maski ano,” alagad bakong gabos ikakarahay.

1 Corinto 14:12

Kaya huli ta boot nindong magkaigwa kan mga balaog kan Espiritu Santo, hingowahon nindong gamiton nin marahay an mga balaog na makakapakosog sa simbahan.

1 Corinto 14:17

Maski marahay an saimong pamibi nin pagpasalamat sa Dios, an tawong idto dai man lamang natabangan.

1 Corinto 14:26

Ano an boot kong sabihon, mga tugang? Kun nagtitiripon kamo sa pagsamba, an iba saindo may himno, an iba may katukdoan, an iba may kapahayagan hale sa Dios, may nakakataram sa manlaen-laen na lengwahe; an iba man may kapaliwanagan kaiyan. Gibohon nindo an gabos tanganing magtalubo an simbahan.

1 Corinto 14:31

Kamo gabos na minaako kan tataramon nin Dios pwedeng magtaram, alagad saro-saro sana, tanganing an gabos makanood asin mapakosog an boot.

1 Corinto 8:1

Ngunyan dapit sa mga kakanon na idinolot sa mga dios-dios. Siring sa sinasabi ninda, “Kita gabos igwa nin pakaaram,” totoo man nanggad iyan. An siring na pakaaram nakakapaabaw-abaw sa tawo, alagad an pagkamoot nakakapatalubo.

2 Corinto 1:4

Rinaranga niya kami sa gabos ming kasakitan, tanganing an iba man na mga nagtitios maranga mi kan iyo man sanang karangahan na itinao niya samo.

2 Corinto 2:7

Kaya ngunyan, dapat patawadon na nindo siya saka rangahon, tanganing dai siya magmondo nin makuri, asin mawaraan nin paglaom.

Efeso 4:29

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Efeso 6:22

Sinusugo ko siya saindo tanganing maaraman nindo an samong kamugtakan saka mapakosog an saindong boot.

Colosas 4:8

Kaya sinusugo ko siya diyan saindo, tanganing baretaan kamo dapit samo saka pakosogon an saindong boot.

1 Tesalonica 2:11

Nakakaaram kamo na inataman mi an lambang saro saindo siring kan pag-ataman nin sarong ama sa saiyang mga aki.

1 Tesalonica 2:3

An samong pagsadol saindo bakong gikan sa sala o maraot na katuyohan, o sa isip na dayaon an siisay man.

1 Tesalonica 3:2

asin sinugo mi saindo si Timoteo, na satong tugang saka sorogoon nin Dios, sa paghulit kan Marahay na Bareta dapit ki Cristo. Sinugo mi siya saindo sa pagpakosog kan saindong pagtubod saka sa pagsadol saindo

1 Tesalonica 4:1

Sa kataposan, mga tugang, nakikimaherak kami saindo asin sinasadol mi kamo sa ngaran ni Jesus na Kagurangnan, na mamuhay kamo nin orog pa kan pamumuhay nindo ngunyan—pamumuhay na sosog sa nanodan nindo samo—nganing mapaogma nindo an Dios.

1 Tesalonica 4:18

Kaya magparinanga-rangahan kamo kan mga tataramon na ini.

2 Tesalonica 3:12

Sa ngaran ni Jesu-Cristo na Kagurangnan, pinagbobotan asin pinapatanidan mi an siring na mga tawo na magtrabaho nin marahay saka maghanap kan sadiring ikabubuhay.

1 Timoteo 1:4

Sabihan mo sinda na lingawan na ninda ang mga leyenda saka halabang mga talaan kan mga ginikanan, huli ta magbubunga sana iyan nin diskutiran. Dai iyan nakakatabang sa plano nin Dios, na namimidbid huli sa pagtubod.

1 Timoteo 4:13

Ipadagos mo an pagbasa sa publiko kan mga Kasuratan, an paghulit, asin an pagtukdo, sagkod na umabot ako.

1 Timoteo 6:2

Dai dapat magtumang an mga oripon sa saindang mga Cristianong kagurangnan sa dahelan na magtugang sinda; kundi orog logod sindang maglingkod sainda, huli ta an nakikinabang kan saindang trabaho mga paratubod na namomotan ninda. Itukdo mo saka ihulit an mga bagay na ini.

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.

Tito 1:9

Dapat panindogan niya an tunay na katukdoan tanganing ikatukdo niyang tama sa iba, asin ikapahiling niya an sala kan mga nagsasalungat kaiyan.

Tito 2:15

Itukdo mo an mga bagay na ini, saka gamita an bilog mong kapangyarihan sa pagsadol saka sa pagsagwe sa mga nagdadangog saimo. Dai mo pagtugotan na pagbasang-basangon ka nin siisay man.

Tito 2:6

Siring man sadolon mo an hoben na mga lalaki na magin mapagpugol sa sadiri.

Tito 2:9

Dapat kuyogon saka paogmahon kan mga oripon an saindang mga kagurangnan sa gabos na bagay. Dai sinda dapat makipagsimbagan

Hebreyo 10:25

Dai nyato pagpabayaan an satong mga pagtiripon, arog kan danay na ginigibo kan nagkapira. Kundi pakosogon ta an boot kan lambang saro, orog na ta aram nyatong harani na an Aldaw kan pag-abot nin Kagurangnan.

Hebreyo 13:22

Nakikimaherak ako saindo, mga tugang ko, na maghinanyog kamo nin maigot sa mga tataramon na ini nin pagsadol; huli ta halipot sana an surat kong ini saindo.

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.

1 Pedro 5:12

Nagsurat ako saindo kaining halipot na surat sa tabang ni Silas na ibinibilang kong maimbod na tugang. Boot kong pakosogon an saindong boot asin magpatotoo na iyo ini an tunay na biyaya nin Dios. Magdanay kamo sa biyayang ini.

Judas 1:20

Alagad kamo, mga namomotan, magmasarig kamo sa saindong orog kabanal na pagtubod. Mamibi kamo sa paagi kan kapangyarihan kan Espiritu Santo,