1 Corinto 13:7 - Marahay na Bareta Biblia

⁷ An pagkamoot nakakatios kan gabos na bagay, tinutubod an gabos, linalaom an gabos, tinatagalan an gabos.

1 Corinto 13:7 ပူးပေါင်းရင်းမြစ်များ

Genesis 29:20

Kaya nagmanugang ki Laban si Jacob para ki Rachel sa laog nin pitong taon na garo sana nagkapirang aldaw huli kan pagkamoot niya ki Rachel.

An Libro ni Job 13:15

Ano kun gadanon ako nin Dios; mayo na ako nin paglaom. Alagad isasaysay ko saiya an sakong kaso.

Salmo 119:66

Tawe ako nin kadonongan asin pakasabot, huli ta minasarig ako sa saimong mga pagboot.

Mga Talinhaga 10:12

An pagkaongis danay na naghahanap nin iwal, alagad an pagkamoot iyo an nagtatahob kan gabos na kasalan.

Mateo 10:22

Ikakaongis kamo kan gabos dahel sako. Alagad an magdanay sagkod sa kataposan makakaligtas.

Markos 9:23

Nagsabi si Jesus, “Tadaw ta nagsasabi kang kun may mahihimo ako? An gabos na bagay posible sa tawong nagtutubod.”

Roma 15:1

Kitang mga makosog an pagtubod dapat magtabang sa mga maluya an pagtubod, asin bakong an sadiri ta sanang karahayan an isipon ta.

Roma 8:24

Sa paglaom na iyan kita nakaligtas, alagad kun nahihiling na nyato an satong pinaglalaom, iyan bako talagang paglaom, huli ta an sarong bagay na nahihiling, dai na pinaglalaom.

1 Corinto 13:4

An pagkamoot matinios saka maboot, bakong maimon o hambogon o mapaabaw-abaw;

1 Corinto 9:12

Kun an iba igwa kan deretsong ini saindo, orog na kami! Alagad dai mi pa ginamit an deretsong iyan. Tinios mi sana an gabos tanganing dai maolang an paghulit kan Marahay na Bareta dapit ki Cristo.

Galacia 6:2

Magpatarabang-tabang kamo sa pagdara kan saindong mga pasan; sa siring na paagi, kinukuyog nindo an katogonan ni Cristo.

Deuteronomio 1:9

Nagsabi si Moises sa mga tawo, “Sinabihan ko kamo kaidto, ‘Kun ako sana, dai ko kaya an pamahala saindo.

Deuteronomio 22:27

Linupigan an babae sa luwas kan banwa; maski siya nagkurahaw sa paghagad nin tabang, mayo nin makakatabang saiya duman.

2 Tesalonica 1:4

Ipinag-oorgulyo mi kamo sa mga simbahan nin Dios, huli kan saindong pakatagal asin pagtubod sa atubang nin mga kasakitan asin pagtios na saindong inaagihan.

2 Timoteo 2:24

An sorogoon nin Kagurangnan bakong parapakiiwal. Dapat siyang magin maboot sa gabos na tawo, marahay na paratukdo asin matinios,

2 Timoteo 3:11

an mga pagpasakit sako saka an sakong mga tinios. Aram mo an gabos na nangyari sako sa Antiokia, sa Iconio, saka sa Listra, patin an mangirhat na mga kasakitan na tinios ko. Alagad kinalda ako nin Kagurangnan sa gabos na ini.

2 Timoteo 4:5

Alagad magdanay ka sanang masarig sa gabos na oras; tioson mo an kasakitan, gibohon mo an trabaho nin sarong parabalangibog kan Marahay na Bareta, asin otobon mo an bilog mong katongdan bilang sorogoon nin Dios.

Hebreyo 13:13

Kaya magduman kita sa luwas kan kampo saka makidamay kita sa saiyang kasosopgan.

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

1 Pedro 4:8

Orog sa gabos, magkaminorootan kamo nin tudok sa puso, huli ta an pagkamoot minatahob sa dakul na kasalan.