1 Corinto 13:6 - Marahay na Bareta Biblia

⁶ Dai iyan naoogma sa karatan, kundi naoogma sa katotoohan.

1 Corinto 13:6 ပူးပေါင်းရင်းမြစ်များ

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Salmo 119:136

An sakong mga luha nagbubulos siring sa sarong salog huli ta dai nagkukuyog an mga tawo kan saimong katogonan.

Exodo 18:9

Naogma si Jetro kan madangog an gabos na karahayan na ginibo nin Kagurangnan sa Israel,

Mga Talinhaga 14:9

An lolong dai nahahadit kun siya nagkakasala, alagad boot kan marahay na tawo na siya mapatawad.

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 9:1

Kun sarong bubon pa sana nin tubig an sakong payo asin sarong burabod nin luha an mga mata ko, tanganing aldaw-bangging makapagtangis ako para sa mga ginaradan na mga kahimanwa ko.

Oseas 4:8

Nagyayaman kamo huli sa mga kasalan kan sakong banwaan, kaya boot pa nindong magdugang an saindang pagkakasala.

Oseas 7:3

Nagsasabi an Kagurangnan, “Dinadaya kan mga tawo an hade asin an saiyang mga opisyal huli kan saindang mga maraot na plano.

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.

Mateo 18:13

Sa katotoohan sinasabihan ko kamo, kun makua na niya iyan, orog an kaogmahan niya dahel kaiyan ki sa nobenta y nwebe na dai nalagalag.

Lukas 22:5

Naogma sinda asin nagkaoroyon na tawan siya nin kwarta.

Roma 1:32

Aram nindang sinasabi sa katogonan nin Dios na maninigong gadanon an mga tawong arog kaiyan an ginigibo, alagad padagos pa sinda sa paggibo nin maraot asin inooyonan pa ninda an mga naggigibo nin siring.

Roma 12:9

Dapat tunay an pagkaminorootan nindo. Ikaongis nindo an karatan asin magdanay kamo sa karahayan.

Filipos 1:18

Alagad dai bale! Naoogma ako dapit kaiyan, basta sanang ikahulit si Cristo sa anoman na paagi, tama man o sala an mga katuyohan. Padagos akong magigin maogma,

Filipos 1:4

Kun ipinapamibi ko kamo, maogma an pagpamibi ko,

Filipos 3:18

Dakul nang beses na sinabi ko ini kaidto saindo, asin ngunyan may luha na sinasabi ko giraray: kadakul an namumuhay na rinaraot an kahulogan kan pagkagadan sa krus ni Cristo.

2 Tesalonica 2:12

An bunga kaiyan, papadusahan idto gabos na dai nagtubod kan katotoohan kundi nag-ogma sa kasalan.

2 Juan 1:4

Dakula an sakong kaogmahan kan mahiling ko an iba mong mga aki na namumuhay sa katotoohan, siring sa ipinagboot sato kan Ama.