1 Corinto 13:5 - Marahay na Bareta Biblia

⁵ bakong maraot an ugale, maimot o maanggoton. Dai nag-iinsistir kan sadiring paagi.

1 Corinto 13:5 ပူးပေါင်းရင်းမြစ်များ

2 Samuel 10:3

nagsabi ki Hanun an mga lider na Ammonita, “Sa paghona mo, sinugo ni David an mga lalaking iyan sa pakidumamay saimo huli sa pag-omaw sa saimong ama? Bako daw na sinugo niya sinda sa pagsiyasat asin pagmanman kan daga tanganing saiyang sakopon?”

An Libro ni Job 21:27

“Uya, aram ko an saindong mga iniisip, asin an saindong mga plano sa pagpakaraot sako.

Mga Talinhaga 14:17

An tawong mainit an payo nakakaginibo nin kalolongan; an tawong madonong nagdadanay na toninong.

Isaias 3:5

Dangan aapihon kan lambang saro an saiyang kapwa, an lambang tawo mang-aapi kan saiyang kataed. An mga hoben magigin matumang sa saindang mga kamagurangan, asin an mga mayong halagang tawo sa mga ginagalangan.

Jeremias 11:19

Garo ako mahuyong kordero na dinara pasiring sa bunoan, asin dai ko aram na laban sako an pinaplano nindang karatan. Nagsabi sinda, “Palodon ta an kahoy mantang namumunga; gadanon ta siya tanganing mayo na nin makagiromdom saiya.”

Mga Bilang 12:3

Si Moises sarong tawong orog na mapakumbaba ki sa kiisay man na nabubuhay sa kinaban.)

Mga Bilang 16:15

Naanggot nin marahay si Moises dangan nagsabi sa Kagurangnan, “Dai mo pag-akoon an ano man na dolot na dadarahon kan mga lalaking ini. Dai ako naggibo nin maraot sainda; dai ako nagkua minsan saro kan saindang mga asno.”

Mga Bilang 32:6

Nagsimbag si Moises, “Boot nindong magpawalat digdi mantang maduman sa gera an kapwa nindo mga Israelita?

Mateo 5:22

Alagad ngunyan sinasabihan ko kamo: an maanggot sa saiyang tugang (na mayo nin dahelan), huhukoman; an mag-insulto sa saiyang tugang, dadarahon sa Konseho. An magsabing, ‘Mayo kang pakinabang!’ ihuhulog sa impyerno.

Mateo 9:4

Aram ni Jesus an nasa isip ninda kaya nagsabi siya, “Tadaw ta nag-iisip kamo nin maraot?

Markos 3:5

Anggot na hiniling ni Jesus an mga tawo asin nagmondo siya huli sa katagasan kan saindang puso. Sinabihan niya an lalaki, “Unata an kamot mo.” Inunat kan lalaki an kamot niya dangan naomayan idto.

Lukas 7:39

Kan mahiling ini kan Fariseo, nagsaboot siya, “Kun an tawong ini sarong propeta, aram kutana niya kun siisay an babaeng ini na nagduduta saiya, huli ta saro siyang parakasala.”

1 Corinto 10:24

An lambang saro maghanap kan ikakarahay nin iba, bakong kan ikakarahay kan sadiri niya.

1 Corinto 10:33

Aroga nindo an ginigibo ko: sa gabos kong ginigibo, hinihingowa kong mapaogma an gabos; dai ko hinahanap an sadiri kong karahayan kundi an karahayan kan gabos, tanganing makaligtas sinda.

1 Corinto 11:18

Enot sa gabos, kun nagtitiripon kamo bilang sarong simbahan, nadadangog ko na nagkakabaranga kamo. Naniniwala ako na igwa iyan nin katotoohan. (

1 Corinto 12:25

Kaya mayong pagkabaranga sa hawak, kundi an gabos na kabtang may pagmakulog sa lambang saro.

1 Corinto 7:36

Kun an sarong lalaki naghohona na an saiyang mga gibo bako nang maninigo sa saiyang namomotan, na nag-oyon saiya kaidto na dai ngona sinda magpakasal; asin kun namamatean kan lalaki na makosog an saiyang mga kamawotan sa babae, kaya namamatean niya na dapat na sindang magpakasal, magpakasal na logod sinda, siring sa kamawotan kan lalaki. Bako iyan kasalan.

2 Corinto 5:19

Ginibo nin Dios, sa paagi ni Cristo, na makipag-olian saiya an gabos na tawo; liningawan niya an mga kasalan ninda. Kami an pinaniwalaan niya kan mensaheng ini nin pakipag-olian.

Galacia 5:13

Mga tugang, inapod kamo na magin talingkas. Alagad dai nindo gibohon iyan na dahelan na magpadaog kamo sa mga kamawotan kan laman. Kundi magpatarabang-tabang kamo dahel sa pagkamoot.

Filipos 2:21

An gabos nagmamangno sana kan saindang karahayan, bakong kan dapit ki Jesu-Cristo.

Filipos 4:8

Sa kataposan, mga tugang, panoa nindo an saindong mga isip kan mga bagay na marahay saka maninigong omawon: mga bagay na totoo, noble, matanos, malinig, maninigong kamotan asin galangan.

2 Tesalonica 3:7

Aram na nindo na dapat nindo kaming arogon. Bako kaming mga hugakon kan yaon pa kami saindo.

2 Timoteo 2:10

kaya tinitios ko ini gabos para sa mga banal nin Dios, tanganing sinda man magkamit kan kaligtasan na yaon ki Cristo Jesus, asin magdadara sainda sa daing kataposan na kamurawayan.

2 Timoteo 4:16

Mayo lamang nin nagdamay sako sa enot kong pagdepensa; binayaan ako kan gabos. Patawadon logod sinda nin Dios!

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.