1 Corinto 12:18 - Marahay na Bareta Biblia

¹⁸ Alagad pinamugtak nin Dios an manlaen-laen na kabtang kan hawak sosog sa boot niya.

1 Corinto 12:18 ပူးပေါင်းရင်းမြစ်များ

Salmo 110:3

Sa aldaw na labanan mo an saimong mga kaiwal, sa marahay na boot iibahan ka kan saimong banwaan. Siring sa ambon nin kaagahon, an mga hoben na lalaki madatong saimo diyan sa banal na kabubuldan.

Salmo 135:6

Ginigibo niya an anoman na saiyang nawiwilihan, sa langit asin sa daga, sa kadagatan asin sa gabos na kairaroman.

Isaias 46:10

Poon sa kapinonan ipinahayag ko an kataposan; haloy nang panahon na naghula ako kan mangyayari. Nasambit kong mangyayari an sakong mga plano asin ootobon ko an gabos kong katuyohan.

Jonas 1:14

Kaya nagkurahaw sinda sa Kagurangnan, “Nakikimaherak kami saimo, Kagurangnan, na dai mo kami paggadanon kun gadanon mi an tawong ini! Ika, O Kagurangnan, an kaggibo kan gabos na ini.”

Lukas 10:21

Kan oras man sanang idto si Jesus napano nin kaogmahan kan Espiritu Santo dangan nagsabi, “Ama, Kagurangnan nin langit asin daga, nagpapasalamat ako saimo huli ta ipinahiling mo sa mga mangmang an mga bagay na tinago mo sa mga madonong saka sa mga may inadalan. Opo, Ama, huli ta ini an pinagmarahay mo.

Lukas 12:32

“Dai kamo matakot, sadit na ariponpon, huli ta kaogmahan kan saindong Ama na itao saindo an Kahadean.

Roma 12:3

Huli sa biyaya na itinao sako nin Dios, ini an masasabi ko saindo: Dai kamo mag-isip nin labaw pa saindo kundi magin mabini kamo sa saindong pag-isip. Hukoman nindo an saindong sadiri sosog sa sukol kan pagtubod na itinao nin Dios saindo.

Roma 12:6

Tinawan kita nin Dios nin manlaen-laen na balaog sosog sa biyaya na itinao sa lambang saro. Kaya gamiton ta nin marahay an mga balaog na iyan. Kun balaog sa paghulit kan mensahe nin Dios an itinao sato, dapat kitang maghulit sosog sa pagtubod nyato.

1 Corinto 12:11

An gabos na ini pasabong kan saro asin parehong Espiritu, na nagtatao kaiyan sa lambang saro sosog sa saiyang boot.

1 Corinto 12:17

Huli ta kun an bilog na hawak sarong mata, paano na iyan makadangog? O kun an bilog na hawak sarong talinga, paano na iyan makaparong?

1 Corinto 12:19

Kun an gabos saro sanang kabtang, haen na an hawak?

1 Corinto 12:24

dai na ini kaipuhan gibohon sa mga kabtang na dati nang magayon. Ipinamugtak nin Dios an hawak tanganing an mga kabtang na kulang sa gayon orog na matawan nin kaomawan.

1 Corinto 12:28

Ibinugtak nin Dios sa simbahan, enot, an mga apostol; ikaduwa, an mga propeta; ikatolo, an mga paratukdo; dangan an naggigibo nin mga milagro; sunod an mga nagbobolong nin mga naghehelang, an mga nagtatabang, an mga lider, saka an mga may kakayahan na magtaram sa manlaen-laen na lengwahe.

1 Corinto 15:38

Nagkakaigwa nin hawak an banhi kun ano an boot nin Dios. An lambang banhi tinatawan niya nin sadiring hawak.

1 Corinto 3:5

Huli ta siisay si Apolos? Siisay si Pablo? Mga sorogoon sana kami nin Dios na ginamit niya tanganing giyahan kamo sa pagtubod sa Kagurangnan. An lambang saro samo naggigibo kan ipinapagibo samo nin Kagurangnan:

Efeso 1:5

itinalaga kita nin Dios na magin mga aki niya huli ki Jesu-Cristo; sadiri niyang kabotan iyan saka katuyohan.

Efeso 1:9

tanganing masabotan ta an hilom na plano na ootobon niya diyan ki Cristo,

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”