1 Corinto 11:16 - Marahay na Bareta Biblia

¹⁶ Alagad kun may boot saindong makidiskutiran dapit sa bagay na ini, ini an masasabi ko: iyan sana an kaugalean sa pagsamba na minimidbid nyamo asin kan gabos na simbahan nin Dios.

1 Corinto 11:16 ပူးပေါင်းရင်းမြစ်များ

Jeremias 32:11

Dangan kinua ko an mga kasuratan nin kabaklan—an selyadong kopya na nasusuratan kan kontrata saka mga kondisyon kaini, asin an bukas na kopya—

Mga Gibo 21:21

Naosipan sinda na nagtutukdo ka daa sa gabos na Judio, na nag-eerok sa mga banwaan kan mga pagano, na bayaan ninda an Katogonan ni Moises; nagsasabi ka daa na dai ninda dapat ipaserkomsisyon an mga aki nindang lalaki o magsunod kan satong tradisyon.

Mga Gibo 21:24

Ipag-iba mo sinda dangan sumabay ka sainda sa seremonya nin paglinig. Ika na an magbayad kan saindang mga gasto, tanganing makapaaris sinda nin payo. Sa siring na paagi, maaaraman ninda na mayong katotoohan an mga bagay na nadangog ninda dapit saimo, ata ngani inootob mo an Katogonan ni Moises.

1 Corinto 11:15

Alagad sarong onra para sa babae an magpahalaba nin buhok. Tinawan an babae nin halabang buhok tanganing magin sarong pantahob.

1 Corinto 16:1

Ngunyan, ini an masasabi ko dapit sa kwarta na titiponon sa pagtabang kan mga banal duman sa Judea: an ipinagibo ko sa mga simbahan sa Galacia iyo man an gibohon nindo.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

1 Corinto 7:17

An lambang saro dapat na mamuhay sosog sa ipinanongod saiya kan Kagurangnan, asin siring sa pamumuhay niya kaidto, kan apodon siya nin Dios. Ini an pagsusundon na itinutukdo ko sa gabos na simbahan.

1 Corinto 9:1

Bakong talingkas ako? Bakong apostol ako? Bakong nahiling ko si Jesus na satong Kagurangnan? Bakong kamo an bunga kan paglingkod ko sa Kagurangnan?

1 Corinto 9:6

Kami daw sana ni Bernabe an mayo nin deretso na mag-ontok sa paghahanap buhay?

1 Tesalonica 2:14

An nangyari saindo, mga tugang, pareho kan nangyari sa mga nagtutubod ki Cristo Jesus duman sa mga simbahan sa Judea. Pinasakitan kamo kan saindong mga kahimanwa arog kan mga taga Judea na pinasakitan kan kapwa ninda Judio,