1 Corinto 10:7 - Marahay na Bareta Biblia

⁷ Kaya dai kamo magsamba sa mga dios-dios, arog kan ginibo kan iba sainda, siring sa nasusurat, “An mga tawo nagturukaw tanganing magkarakanan asin mag-irinoman; an saindang pyesta nagtapos sa bururatan asin dororogan.”

1 Corinto 10:7 ပူးပေါင်းရင်းမြစ်များ

Exodo 32:17

Kan madangog ni Josue an ribok kan nagkukurahaw na mga tawo, nagsabi siya ki Moises, “Nadadangog ko an kinurahaw nin gera sa kampo.”

Exodo 32:19

Kan harani na sinda sa kampo, nahiling ni Moises an baka asin an pagbabarayle kan mga tawo. Huli kaini, nagsulwak an kaanggotan ni Moises asin ipinusak niya sa pamitisan kan bukid an dara niyang mga tablang gapo asin nagkabaraak an mga ini.

Exodo 32:4

Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Mga Gibo 15:20

Tama na an pagsurat sainda na dai magkakan nin kakanon na idinolot sa mga dios-dios, na dai magdorog sa bako ninda agom, asin dai magkakan kan karne nin tinook na hayop o kan dugo.

1 Corinto 10:14

Kaya, mga namomotan ko, likayan nindo an pagsamba sa mga dios-dios.

1 Corinto 5:11

Kundi an boot kong sabihon, dai kamo makiiba ni makihampang sa pagkakan duman sa mga tugang sa pagtubod alagad marigsok, paslo, nagsasamba sa mga dios-dios, paralibak, paraburat o parahabon.

1 Corinto 6:9

Dai nindo naaaraman na an mga maraot dai magmamana sa Kahadean nin Dios? Dai nindo paglokohon an sadiri nindo. An mga nakikidorog sa bakong agom, nagsasamba sa mga dios-dios, nagsasambay, nagdodorog sa magkasi lalaki o magkasi babae,

1 Corinto 8:7

Alagad bako gabos nakakaaram kan katotoohan na ini. May mga tawo na tood nang magsamba sa mga dios-dios, asin sagkod ngunyan kun minakakan sinda kan mga kakanon na iyan, iniisip ninda na iyan kakanon para sa dios-dios. Maluya an saindang konsyensya kaya an paghona ninda nadigtaan sinda huli kan kakanon.

Deuteronomio 9:12

“Dangan nagtaram sako an Kagurangnan, ‘Humilig ka tolos hale sa bukid na ini, huli ta an saimong banwaan, na ilinuwas mo sa Egipto, nagin maraot asin nagkasala. Tinalikodan na ninda an ipinagboot kong gibohon ninda asin naggibo sinda nin metal na dios-dios para sainda.’

1 Juan 5:21

Mga aki, maglikay kamo sa mga dios-dios.