1 Corinto 10:31 - Marahay na Bareta Biblia

³¹ Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

1 Corinto 10:31 ပူးပေါင်းရင်းမြစ်များ

Zacarias 14:21

An gabos na kagamitan sa pagluto sa Jerusalem asin sa Juda lalaenon tanganing gamiton sa pagsamba sa Kagurangnan nin mga hukbo. Gagamiton an mga iyan kan mga tawong nagdodolot nin sakripisyo para sa paglabon nin karne. Pag-abot kan panahon na iyan, dai na magkakaigwa nin negosyante sa Templo kan Kagurangnan nin mga hukbo.

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

1 Corinto 7:34

kaya banga an saiyang isip. An nasisibotan kan daraga o kan mayong agom, iyo an mga bagay dapit sa Kagurangnan, huli ta boot niyang idolot an bilog niyang buhay, hawak asin espiritu, sa paglingkod sa Kagurangnan. An nasisibotan naman kan babaeng may agom iyo an mga bagay na kinabanon, kun paano niya mapapaogma an saiyang agom.

Deuteronomio 12:12

Mag-ogma kamo sa atubang niya, kaiba an saindong mga aki, mga oripon sagkod an mga Levita na nag-eerok sa saindong mga banwaan; giromdomon nindo na an mga Levita mayo nin sadiring daga.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Colosas 3:17

Kaya anoman an gibohon o sabihon nindo, gibohon nindo sa ngaran ni Jesus na Kagurangnan ta; sa paagi niya magpasalamat kamo sa Dios Ama.

Colosas 3:23

Anoman an saindong ginigibo, gibohon nindo nin tudok sa puso na garo man sana naglilingkod kamo sa Kagurangnan, bakong sa tawo.

1 Pedro 4:11

An siisay man na naghuhulit, dapat ihulit an mensahe nin Dios; an naglilingkod, maglingkod sa bilog na kosog na itinao saiya nin Dios, tanganing sa gabos na bagay, mapamuraway an Dios huli ki Jesu-Cristo. Sa saiya sana an gabos na kamurawayan asin kapangyarihan sagkod nuarin pa man.