1 Corinto 10:22 - Marahay na Bareta Biblia

²² O tibaad boot nyatong mag-imon an Kagurangnan? Mas makosog daw kita saiya?

1 Corinto 10:22 ပူးပေါင်းရင်းမြစ်များ

1 Mga Hade 14:22

Nagkasala an banwaan nin Juda tumang sa Kagurangnan, asin orog an saindang ginibong kasalan na nagpaanggot sa Kagurangnan ki sa mga ginibo kan gabos nindang ginikanan.

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Parahulit 6:10

An gabos na nangyayari itinalaan na kaidto. Siring man, aram na nyato kun ano an tawo: dai siya pwedeng makidiskutir sa mas makosog sa saiya.

Isaias 45:9

Herak man sa nakikipasuhay sa kaggibo saiya, an sarong koron sa paragibo nin koron! Minahapot daw an laboy sa paragibo nin koron kun ano an ginigibo kaini? Minareklamo daw an koron na dai tatao an naggibo saiya?

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 7:19

Alagad ako daw an nakukulogan ninda? Bako, kundi sinda man sana an nakukulogan asin nasosopgan.

Ezekiel 22:14

Naghohona daw kamo na igwa pa kamo nin matatadang isog asin kosog kun gibohon ko na iyan saindo? Ako, an Kagurangnan, an nagtaram asin gigibohon ko iyan.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Deuteronomio 32:16

Pinapag-imon ninda an Kagurangnan kan saindang pagsamba sa mga dios-dios; pinaanggot siya ninda kan saindang marigsok na mga gibo.

Deuteronomio 32:21

Pinaimon ninda ako kan saindang mga dios-dios, pinaanggot kan inaapod nindang mga dios-dios. Kaya papaimonon ko sinda asin papaanggoton, huli sa sarong lolong na nasyon.

Deuteronomio 4:24

huli ta an Kagurangnan na saindong Dios arog sa kalayong nakakatutong, sarong maimon na Dios.

Deuteronomio 6:15

Kun magsamba kamo sa mga dios-dios, malaad saindo an kaanggotan nin Kagurangnan asin tutunawon niya kamo, huli ta an Kagurangnan na nasa kaibahan nindo, sarong maimon na Dios.

Hebreyo 10:31

Makangingirhat an padusa nin Dios na buhay sa mga tawong naggigibo nin siring!

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.