1 Corinto 10:13 - Marahay na Bareta Biblia

¹³ Anoman na sogot na minaabot saindo, ordinaryo nang minaabot sa tawo. Alagad maimbod an Dios asin dai niya tutugotan na sogotan kamo nin labi pa sa kakayahan nindo. Kun kamo sogotan, papakosogon niya kamo tanganing matagalan nindo iyan asin makakua kamo nin paagi na malusotan iyan.

1 Corinto 10:13 ပူးပေါင်းရင်းမြစ်များ

Salmo 124:7

Nakadulag kita siring sa sarong gamgam sa litag nin mga paraayam; naraot an siod, asin nakaligtas kita!

Salmo 125:3

Huli ta an mga tampalasan dai maghahade sa daga na ipinamana sa mga matanos, ta tibaad sagkod an mga matanos maggibo nin karatan.

Salmo 36:5

Kagurangnan, an danay mong pagkamoot nakakaabot sa kalangitan; an saimong pagkamaimbod nakakaabot sa kapanganoronan.

Salmo 89:33

Alagad an danay kong pagkamoot ki David dai ko hahaleon; dai ko lilingawan an sakong panuga saiya.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Isaias 11:5

Paghahadean niya an saiyang banwaan na may katanosan saka kaimbodan.

Isaias 25:1

Kagurangnan, ika an sakuyang Dios; gagalangan taka asin oomawon ko an saimong ngaran. Huli ta naggibo ka nin makangangalas na mga bagay; maimbod mong pinapangyari an mga plano na minukna mo kaidto pang panahon.

Isaias 49:7

An banal na Dios nin Israel asin paraligtas nagsasabi sa pinagduhagi nin makuri, sa naoongisan kan mga nasyon asin sorogoon kan gabos na namamayo. “Talingkas kang mahihiling kan mga hade asin matindog sinda sa pagtaong galang saimo; mahihiling man iyan kan mga prinsipe asin maduruko sinda sa pag-omaw saimo.” Mangyayari iyan huli ta an Kagurangnan iyo an nagpili kan saiyang sorogoon; inootob kan banal na Dios nin Israel an saiyang mga panuga.

Jeremias 12:5

Nagtaram an Kagurangnan, “Jeremias, kun dai ka makatagal sa daralagan na an kalaban tawo, paano ka makikilaban sa kabayo? Kun ika nadadapa sa patag na lugar, paano ka makakatagal sa kadlagan nin Jordan?

Jeremias 29:11

Ako sana an nakakaaram kan mga plano ko para saindo, mga plano na darahan kamo nin kaginhawahan asin bakong karatan, mga plano na tawan kamo nin paglaom sa saindong huring mga aldaw.

Mga Panambitan 3:23

danay na bago iyan siring sa kaagahon, masasarigan siring sa pagsirang kan aldaw.

Daniel 3:17

Kun an Dios na samuyang pinaglilingkodan makakaligtas samo sa nagkakalayong horno asin sa saimong kapangyarihan, ililigtas niya kami.

Oseas 2:20

Ootobon ko an sakong panuga asin mapapasako ka, patin aakoon mo ako bilang saimong Kagurangnan.

Mateo 6:13

Hare kami pabayae na madaog nin sogot, alagad agawon mo kami sa maraot.’

Lukas 11:4

Patawada kami kan samong mga kasalan, siring kan pagpatawad nyamo sa mga nagkasala samuya. Hare kami pabayae na madaog nin sogot.’”

Lukas 16:26

Laen pa kaiyan, igwang hararom na ampas sa pagultanan ta, tanganing dai makabalyo diyan an yaon digdi, asin dai makabalyo digdi an yaon diyan.’

Lukas 22:46

Nagsabi siya sainda, “Tadaw ta nagtotorog kamo? Magbangon kamo asin mamibi tanganing dai kamo madaog nin sogot.”

Mga Gibo 27:44

masurunod an iba na mamumugol sa mga tabla o sa mga peredasong kahoy kan barko. Sa siring na paagi, kami gabos ligtas na nakaabot sa baybayon.

1 Corinto 1:9

Maimbod an Dios—an Dios na nag-apod saindo na makisumaro sa saiyang Aking si Jesu-Cristo na Kagurangnan ta.

2 Corinto 1:10

Ilinigtas niya kami sa makuring pag-alaman asin ililigtas pa niya kami; siya an pinaglalaoman ming magliligtas samo giraray.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

1 Tesalonica 5:24

Siya na nag-aapod saindo an magibo kaiyan, huli ta siya maimbod.

2 Tesalonica 3:3

Alagad maimbod an Kagurangnan. Papakosogon niya kamo saka ililikay sa Maraot.

2 Timoteo 4:18

Ililigtas ako nin Kagurangnan sa gabos na maraot, asin dadarahon niya ako sa saiyang kamurawayan sa langit. Mapasaiya an kamurawayan sagkod lamang! Amen.

Hebreyo 10:23

Magdanay kitang masarig sa paglaom na ipinapahayag ta, huli ta mapapaniwalaan nyato an Dios na maotob kan saiyang panuga.

Hebreyo 11:11

Huli sa pagtubod ni Abraham, nangidam si Sara maski gurang na ini nin marahay. Nanarig si Abraham na ootobon nin Dios an saiyang panuga.

Hebreyo 12:4

Huli ta sa saindong pakilaban sa kasalan, dai pa kamo nakilaban sagkod na bumulos an saindong dugo.

Hebreyo 6:18

Kaya an sumpa saka an panuga iyo an duwang bagay na dai maliliwat, asin dapit kaini an Dios dai nanggad magpuputik. Kaya kita na nakakua saiya nin pailihan, minakosog an boot na magsarig sa paglaom na itinao niya sato.

1 Pedro 4:19

Kaya, an mga nagdudusa sosog sa kabotan nin Dios sainda, dapat maggibo nin matanos asin magdusay kan saindang kalag sa maimbod na Kaglalang.

2 Pedro 2:9

Kaya an Kagurangnan tataong magligtas kan mga tawong diosnon sa mga pagbalo sainda, dangan tataong magpadusa sa mga maraot na tawo sagkod sa Aldaw nin Paghukom.

1 Juan 1:9

Alagad kun ikumpisal ta sa Dios an satong mga kasalan, lilinigan niya kita saka papatawadon; lilinigan kita kan gabos tang kasalan, huli ta maimbod siya asin matanos.

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.

Kapahayagan 2:10

Dai ka matakot sa mga nagdadangadang mong kasakitan. Uya, an iba saindo ipapabilanggo kan Diablo tanganing baloon kamo, asin sampolong aldaw kamong magtitios. Alagad magin maimbod ka sagkod sa kagadanan asin itatao ko saimo an korona nin buhay.

Kapahayagan 3:10

Huli ta sinunod mo an pagboot ko na magin matinios ka, ililikay taka sa kasakitan na maabot sa bilog na kinaban, sa pagbalo kan gabos na tawo diyan.

1 Samuel 29:10

Kaya, sa agang amay, magbangon ka asin maghale digdi, kamo gabos na naghale sa paglingkod ki Saul.”