1 Corinto 1:27 - Marahay na Bareta Biblia

²⁷ Alagad tuyong pinili nin Dios an mga tawong mangmang sa kinaban tanganing mapasopog an mga madonong. Pinili niya an mga tawong maluya sa kinaban tanganing mapasopog an mga makosog.

1 Corinto 1:27 ပူးပေါင်းရင်းမြစ်များ

Salmo 8:2

inaawit ini nin mga aki asin nin mga umboy. Ligtas ka sa gabos na kaiwal mo; pinapaontok mo an siisay man na minatumang saimo.

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 29:19

An mga dukha asin an mga mapakumbaba magkakamit kan kaogmahan na itinatao nin Kagurangnan, an banal na Dios nin Israel.

Isaias 44:25

Ginigibo kong mga lolong an mga parahula asin dai ko pinapangyari an hula kan mga nag-aadal kan mga bitoon. Sinasalungat ko an mga tataramon kan mga madonong asin ipinahiling kong kalolongan an saindang kadonongan.

Jeremias 8:9

Napapasopog an mga madonong nindang tawo; nariribong sinda saka nasisiod. Isinikwal ninda an mga tataramon ko; anong kadonongan an yaon pa sainda ngunyan?

Sofonias 3:12

Iwawalat ko sa tahaw nindo an sarong mapakumbabang banwaan na madolok sako sa paghagad nin tabang.

Mga Bilang 22:30

Nagsabi ki Balaam an asno, “Bakong ako sana an asno na linulunadan mo sa bilog mong buhay? Ginibo ko na daw saimo an siring kaidto?” “Dai,” an simbag ni Balaam.

Mateo 11:25

Kan oras na idto, nagtaram si Jesus, “O Ama, Kagurangnan nin langit asin daga! Nagpapasalamat ako saimo ta ipinahayag mo sa mga mangmang an mga bagay na tinago mo sa mga madonong asin sa mga may inadalan.

Mateo 21:16

Kaya hinapot ninda si Jesus, “Nadadangog mo an saindang sinasabi?” Nagsimbag si Jesus, “Iyo. Dai pa nindo ini nabasa sa kasuratan? ‘Hale sa ngoso nin mga omboy asin mga pasoso, pinaluwas mo an tunay na pag-omaw.’”

Mateo 9:9

Kan si Jesus naglalakaw pakahale sa lugar na idto, nahiling niya an sarong parasingil nin buhis na an ngaran Mateo, nagtutukaw sa pinagsisingilan nin buhis. Inapod siya ni Jesus, “Sumunod ka sako.” Nagtindog si Mateo asin nagsunod ki Jesus.

Lukas 21:15

huli ta tatawan ko kamo nin mga tataramon asin kadonongan, na dai masusudya o masisimbag kan saindong mga kaiwal.

Mga Gibo 17:18

Nakipagdebate man siya sa mga pilosopong Epicureo asin sa mga pilosopong Estoico. An nagkapira nagsabi, “Ano an pinagtataram kan nagmamadonong na ini?” An iba man nagsabi, “Garong dapit sa mga dios nin ibang lugar an pinagtataram niya.” Sinabi ninda ini huli ta naghuhulit si Pablo dapit ki Jesus asin dapit sa pagkabuhay liwat.

Mga Gibo 7:35

“Siya an Moises na isinikwal kan mga Israelita kan sabihon ninda, ‘Siisay an nagbugtak saimo na magin samong pamayo asin hukom?’ Siya an sinugo nin Dios na magin pamayo saka paraligtas, sa paagi kan anghel na nagpahiling saiya sa naglalaad na sadit na kahoy.

Mga Gibo 7:54

Kan madangog ini kan mga kaayon kan Konseho, naongis sinda asin nagragot an saindang mga ngipon sa kaanggotan ki Esteban.

1 Corinto 1:20

Kun siring, ano na an kamugtakan kan mga madonong? o kan mga haralangkaw an inadalan? o kan mga matitibay na paradebate sa panahon na ini? An kadonongan kan kinaban na ini, ginibo nin Dios na kalolongan!

1 Corinto 1:21

Huli sa kadonongan nin Dios, ginibo niyang imposible para sa mga tawo na mamidbidan siya sa paagi kan sadiri nindang kadonongan. Alagad pinagmarahay nin Dios na iligtas an mga minatubod saiya huli kan Marahay na Bareta na ipinaghuhulit mi, maski sa paghona kan ibang mga tawo an mensaheng iyan kalolongan.

1 Corinto 2:12

An inako ta bakong an espiritu kan kinaban, kundi an Espiritu na hale sa Dios, tanganing maaraman ta an gabos na balaog na itinao nin Dios sa sato.

2 Corinto 10:10

May nagsasabi, “An mga surat ni Pablo maisog saka malanit, alagad kun kaiba ta siya, matalaw siya saka mayong halaga an saiyang mga sinasabi!”

2 Corinto 4:7

Alagad kaming mga tinawan kaining espiritwal na kayamanan garo mga dalipay na koron tanganing ipahiling na an pinakadakulang kapangyarihan hale sa Dios asin bakong samo.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.