Wiripu 4:12 - Sateré-Mawé

¹² Atikuap kahato sehakyꞌeꞌi hap etiat iꞌewyte atikuap kahato sekat hap etiat. Saꞌawyꞌi meimuẽwat yt atikuap i yt kurin i maꞌato koitywy atikuap taꞌyn uhesyꞌat pykai uiwepiit iꞌewyte uiꞌok pote uiwepiit. Uhekat kurin hawyi arehum iꞌewyte iwato uhekat pote arehum ne. Koitywy ahepap taꞌyn wehum hap.

Wiripu 4:12 ပူးပေါင်းရင်းမြစ်များ

Mateu 11:29

Pyno torannia uimohey haria eiwemohapap to uhete kat pote uito waku kahato areineꞌen iperupꞌi kahato rakat. Miꞌi hap kaipyi eweipuẽti kuap aru eiwemohy hap sese.

Mateu 13:52

Miꞌi hawyi Iesui toꞌe -Pyno uwe uwe mekewaria woꞌonapin hap kuap haria topyhuꞌat wyti aru Tupana toineꞌen morekuatno hap etiat enoi enoi haria wo miꞌiria ti aikotã eiꞌywot tihep tekareꞌen iꞌatunug hap yat kaipyi ipakuptia iꞌewyte ipotꞌi koꞌi hap ewy.

2 Kuriniu 10:1

Uito ti eimuꞌe hat sese saꞌawyꞌi wuat. Haꞌawyte Tupana uipoꞌoro ehewowi. Miꞌi turan worohoꞌonapin perupꞌi puo aikotã Aikaꞌiwat Iesui ainapin hap ewy aikyꞌe hap wywo. Saꞌawyꞌi ihakyꞌeꞌi hakyꞌeꞌi rakatno uito areineꞌen eipyꞌasetpe turan poꞌog yi kape. Maꞌato koitywy areineꞌen pya eikai. Miꞌi pote worohoꞌonapin uimiwan me haty wo uiwemotypot wywo.

2 Kuriniu 10:10

Iraniaꞌin eipyꞌasetpe yt uikyꞌe i haria -Pywo ti rat Pauru aiꞌapiheg kahato tomiwan me iꞌatuꞌe. Eweikuap kat pote iꞌatuꞌe. Tokenꞌẽ kahato aipyꞌasetpe toꞌe ahepiat hamo iꞌatuꞌe. Yt ipoityꞌi hin i iꞌewyte yt ihay se hin i aimuꞌe turan iꞌatuꞌe.

2 Kuriniu 11:27

Uhero kahato uhewyry kahato pote uhatyꞌi kahato. Karania ewãtym neꞌi yt areket kuap i kat pote arekenꞌẽ kahato sio uiket kai uiꞌauka. Iꞌewyte uhesyꞌat kahato areineꞌen yt kat i miꞌu pote. Areꞌyꞌutui kahato maꞌato yt kat i yꞌy areto yahig wato ekuekai turan. Karania eꞌat yt kat i atuꞌu. Uhenaꞌak kahato wywo uhewyry yt kat i uheꞌog yt kat i uhesokpe koꞌi uimosakup hamo.

2 Kuriniu 11:7

Haꞌawytepyi te mesup te worohoꞌomuꞌe eipe sehay wakuat Iesui etiat. Yt wẽtup mo i worohoꞌomuꞌe haꞌup ete. Miꞌi hawyi -Pauru piat aimuꞌe hap yt kat hamo i atum haꞌup kat pote yt ihay se i pote eweiꞌe. Taꞌi uimohit kahato uhegyiꞌat hap ete. Yt kat hamo i aremohit eipyꞌasetpe. Poꞌog waku haꞌup ete aru worohoꞌomuꞌe miꞌi hawyi uimotypot haria wo eweikupteꞌen.

2 Kuriniu 11:9

Yt karãpe i areineꞌen neran ahẽtup hẽtup kat koꞌi kat koꞌi eikaipyi teran. Saꞌawyꞌi areineꞌen eipyꞌasetpe turan uiwekaipyi arenuk. Miꞌi hawyi uhesyꞌat eipyꞌasetpiat areineꞌen turan tõꞌẽ kahato imohey haria yi Masetunia piaria uhowowi kat koꞌi kat koꞌi taꞌatumiium koꞌi erut hamo. Miꞌi kaipyi areineꞌen eipyꞌasetpe yt kat i ahẽtup ehepe. Iꞌewyte yt ahẽtup i aru ehepe.