Wiripu 3:3 - Sateré-Mawé

³ Aito yt miꞌiria mohey haria hin i katupono Tupana Paꞌãu sese aipiit pe Aipotypot Iesui mimoieineꞌen aito pote waku kahato Iesui waku kahato Iesui e haria aito. Maꞌato iraniaꞌin ahemusin ãpy sokpe tek hap ete yn miꞌiria iꞌatuehay. Yt watiꞌatumohey hin i miꞌiria katupono wẽtup kawiat aito Iesui mohey haria. Wẽtup ywania ewy yn watopyhuꞌat katupono Tupana titek taꞌyn aiminug saꞌag sio toĩ ahemusin ãpy sokpe sio yt. Pyno Tupana miehakyeraꞌat koꞌi raꞌyn aito katupono imohey haria aito pote.

Wiripu 3:3 ပူးပေါင်းရင်းမြစ်များ

Humanu 1:9

Yt uheso hin i are maꞌato Tupana tikuap yt uheso i hap. Ahẽtup aat kaꞌap Tupana kape eipowyro hamuat. Yt uheso i uiwyriaꞌin. Ahẽtup aat kaꞌap Tupana kape eikawiatno. Pywo ti rat Tupana tikuap eweikupteꞌen uiwanetup hawe aat kaꞌap hap. Pywo ti Tupana uiꞌairo tehay wakuat Tosaꞌyru Iesui etiat moherep hatno. Uipyꞌa pyi ti ateropat ehetiatno aat kaꞌap. Ahẽtup aat kaꞌap Tupana kape eipowyro hamuat.

Humanu 15:17

Uikaꞌiwat Iesui yn uhehakyeraꞌat hat. Miꞌi yn ni Uiꞌakag sese. Wẽtup ok miit ewy yn iwywo urupotpap miitꞌin yne ywania ekyi Tupana kape hap. Miꞌi pote atiꞌatuekyi kuap kahato iraniaꞌin ywania Tupana kape. Yt aremoti hin i mesuwat uipotpap ete Tupana eropat hap ete.

Humanu 7:6

Maꞌato koitywy wẽtup ok miit ewy yn watopyhuꞌat Iesui Paꞌãu wywo. Ikuꞌuro pote aikuꞌuro hap ewy topyhuꞌat iwywo hap ewy. Miꞌi pote aheꞌaito saꞌawyꞌi wuat aheharyꞌi saꞌawyꞌi wuat mekewat Iuteuria eko koꞌi sem yt ainapin kuap i poꞌog ikuꞌuro rakaria watopyhuꞌat pote hap ewy.

Humanu 8:15

Katupono Tupana tum naꞌyn Topaꞌãu aikyꞌe haype. Yt aimogyt hamo i yt aimokenꞌẽ hamo i katupono Tupana Paꞌãu iwese kahato. Aiꞌapykok hamo aimowepiit hamo yn toikyꞌesat. Tupana Paꞌãu aimoherep Tupana saꞌyruꞌin wo hakiꞌytꞌin wo hawyi watuwak -Papai Papai watoꞌe Tupana pe. Uiꞌywot kahato En watoꞌe Tupana pe.

Humanu 8:39

Taꞌi yt uwe hin i mesuwarotiaria tipohari kuap aito Tupana po pyi. Iꞌewyte yt uwe hin i wy mesuwat yi ywytꞌokpypiaria aihep kuap aito Aikyꞌe hat po pyi. Yt uwe hin i gaꞌapy puaria wy aipyhyp kuap Aikyꞌe kahato hat Tupana kape Tosaꞌyru Aipotypot Akag mohey haria aito pote e.

Humanu 9:6

Saꞌawyꞌi Tupana toꞌe urueꞌaseꞌi Aparãu eharyꞌi mana Sara pe -9 ewaty putꞌok e hawyi araꞌaipok i ewowi mana hawyi wyti aru emepyt raꞌyn toineꞌen e Tupana tope hawyi hupiꞌa raꞌyn maꞌato mana Sara iporo sese pykai. Yt karãpe i Tupana tiꞌaparap -Atunug aru uiꞌe hap ewy hap ete. Miꞌi hawyi 9 ewaty hawyi taꞌaipok hawyi mana Sara imepyt a raꞌyn. Mekewat Aparãu saꞌyru Isaki tuwemoherep taꞌyn itote imepyt raꞌyn Tupana e hap ewywuat. Miꞌi hawyi Tupana toꞌe -Isaki ti uimiꞌairo sese e. Isaki saipepiaria ti uhemiitꞌin sese tukupteꞌen e. Isaki ywania wyti aru uiꞌywania mesuwat yi tote tukupteꞌen aru wuatꞌi eꞌat pe e Tupana urueꞌaseꞌi pot pe.

2 Kuriniu 11:18

Maꞌato eipyꞌasetpiaria eimuꞌe haria teꞌeruwemotypot yn taꞌatuehay wywo -Uruto poꞌog torannia kawiat Tupana mipoꞌoro koꞌi iꞌatuꞌe. Yt pywo hin i are -Uito poꞌog eikai. Yt uiweꞌeg hin i mio tã are. Maꞌato iꞌatuꞌe hap ewy areꞌe yt iweꞌeg i rakat ewy.

Karasia 5:25

Nimo yt imohey i te turan aimuꞌe kahato Tupana Paꞌãu Iesui mohey ahepiat hamo. Koitywy poꞌog naꞌyn Tupana Paꞌãu aimuꞌe Tupana mikyꞌesat ewywuat nug hamo.

Karasia 6:16

Miꞌi hap yn ahẽtup Tupana pe -Erehay moehakyꞌeꞌi ro Uiꞌywot iꞌatuehakyꞌeꞌi hap etiatno ipakup takaria upi inug hamo are. Etihep o iꞌatuehamanaꞌi hap are ehupiat pe. Iꞌewyte torannia Tupana emiitꞌin etiatno.

Ewesu 6:18

Karãpe watuꞌuka ahiag wywo waku watoꞌe meremo -Tupana uipowyro ahiag akit hamo yne eꞌat pe wakuat nug hamo waku watoꞌe. Aikope aikope areineꞌen waku uhewyry Tupana Paꞌãu upi waku watoꞌe Tupana pe. Etipowyro o emiitꞌin eweꞌeg wo o ahiag mupi waku watoꞌe. Yt urutuwat reran i ahiag ehay upi. Iꞌewyte iraniaꞌin Iesui mohey haria upi waku uruhẽtup wy. Yt uruikyꞌesat i ahiag ehay upi urutuwat hap. Yt karãpe i uruꞌatoiat emohey hap waku watoꞌe Tupana pe.

Wiripu 1:1

Uiwyriaꞌin tawa Wiripu piaria mesup atipoꞌoro miwan ehewowi. Uito ti Pauru iꞌewyte uhaꞌyru Timoteu toineꞌen mesuwe uiwywo. Miꞌi kuekatu toꞌe hap ipoꞌoro wy. Uruto ti Tupana mipoꞌoro Aipotypot koro Iesui eropat haria sese uruto. Mesuwat einapin hamuat hap atipoꞌoro ehewowi yne Tupana mepytꞌin tawa Wiripu piaria muꞌe hamo. Iꞌewyte eiꞌakag koꞌi kape iꞌewyte aiꞌapykok haria kape yne Aipotypot Iesui mohey haria kape atipoꞌoro mesuwat uimiwan are.

Wiripu 3:12

Uito wakuat Iesui ewywuat yt areꞌe hin i. Uito wakuat Tupana ewywuat yt areꞌe i. Uiwanetup hawe yt putꞌok e hin i te Iesui wanetup hap wakuat hap ewywuat. Yt uitag i te Tupana mohey hap ete. Miꞌi ewywuat areineꞌen neran kahato Aipotypot Iesui ewywuat. Areineꞌen neran aikotã weput haria teꞌeruweput yne taꞌatuesaika hap wywo mekewat morekuat miium sat hamo -En poꞌog weput kuap hat e hap sat hamo. Miꞌi hap ewy atimohey teran Aipotypot Iesui yne uhesaika hap wywo aikotã seput poꞌog hat ewy Iesui po pyi atat teran raꞌyn mekewat -Uito poꞌog e hap. Uito iꞌewyte seput hat ewy katupono Iesui uhekyi raꞌyn tuwewawi.

Wiripu 3:14

Yt poriꞌok poriꞌok yt areput hin i. Hãpyk kahato areput atikyꞌesat kahato -Waku kahato ereput uhyt e hap yn atikyꞌesat Aipotypot e hap. Atikyꞌesat Tupana tum uhepe mekewat seput haria eꞌamatap ewy mekewat uipainug hap ewy. Atikyꞌesat kahato Tupana toꞌe uhepe areput kahu hawyi -Toꞌiro atipy kape kat pote Uimipoꞌoro Uhaꞌyru mohey kahato hat en. Itote atum epe uimiium wuatꞌi eꞌat piat e hap atikyꞌesat. Miꞌi pote seput sese hat ewy areineꞌen Iesui wanetup hap ewywuat kape areput.

Korosi 2:11

Pyno karãpe topyhuꞌat aito Iesui mohey haria watopyhuꞌat wẽtup ywania ewy iwywo. Saꞌawyꞌi aipiit mikyꞌesat saꞌag ewy yn watunug kuap maꞌato mesup Iesui titek taꞌyn hawyi toipugha aimikyꞌesat saꞌag koꞌi aheko saꞌag koꞌi aipotpap saꞌag hap koꞌi. Toitek pun naꞌyn aiwanetup hawiat aikotã saꞌawyꞌi Iuteu ywania tunug taꞌatumepyt tuwemoherep ihainia hawyi taꞌatuemurui sokpe tek pun iꞌatueko ewy. Miꞌi hap ewy Tupana titek aimikyꞌesat saꞌag hawyi toipun naꞌyn pya aikai e. Miꞌi hap ewy Iesui titek kuap aimikyꞌesat saꞌag koꞌi are.

Iuta 1:20

Miꞌiria ehay upi yt naku i watuwat are. Waku watomohey poꞌog poꞌog wuatꞌi eꞌat Aiwy Iesui are. Waku iheg kahato ihay hawyi watunug iꞌe hap yn. Waku aikotã ipotmuꞌeria 12 ok takaria ainapin haria wo watukupteꞌen motꞌi hap ewy aito are. Mio tã are yn uiwyriaꞌin waku sese rakat aimimohey pote. Waku watoꞌomoesaika moesaika aimimohey wakuat ete yn are. Taꞌi aiwat aimimohey ti poꞌog wakuat torannia kawiat hat are. Taꞌi miꞌi yn ni waku kahato ahehay Tupana kapiat hamo het upi are. Tupana Paꞌãu mikyꞌesat ewy yn waku wahẽtup Ipaꞌãu upi are. -Etum no esaika hap uhehay ewowiat sepap hamo watoꞌe Ipaꞌãu me are. Miꞌi hap yn ni waku raꞌyn Ipaꞌãu upi wahẽtup hap are.