Wiripu 2:30 - Sateré-Mawé

³⁰ Uipowyro turan porap ikuꞌuro aiwy Epawutitu. Aipotypot Iesui potpap nug hap ete porap ikuꞌuro ahemiit eimipoꞌoro katupono uipowyro teran eipe maꞌato yt uwe i eipe uipowyro hanuaria mesuwe pote. Miꞌi hawyi eipotpoꞌoro mehin Epawutitu topyhuꞌat ehaipepiat eipotpap nug hamo uipowyro hamuat. Miꞌi turan porap ikuꞌuro wen maꞌato aiwepiit kahato Tupana timoehãite raꞌyn hawyi.

Wiripu 2:30 ပူးပေါင်းရင်းမြစ်များ

Iesui Potmuꞌeria 20:24

Maꞌato yt arekenꞌẽ hin i uikuꞌuro hap pupi katupono atunug yne teran kat kat som motpap Aikaꞌiwat Iesui miium uhepiat uipoꞌoro hap koꞌi. Miꞌi ti tutum sehay wakuap aikyꞌe Tupana piat hap uimienoi wuat. Miꞌi pote ti atunug yne teran e Pauru.

Humanu 16:4

Saꞌawyꞌi sese miꞌiria uipowyro kahato. Wẽtup eꞌat pe tõꞌẽ tõꞌẽ kahato miitꞌin uiꞌauka hamuat wen maꞌato uhyt Akira iwary Pisira uhehakyeraꞌat uhewanikaptia po pyi. -Uruꞌauka teran mote waku maꞌato yt naku i eweiꞌauka Pauru iꞌatuꞌe wanikaptia pe arepopy pykai. Miꞌi hap upi uhehakyeraꞌat uhyt Akira mana Pisira. Miꞌi ete yne Iesui mohey haria yne ywania aimepuo aimepuo teꞌeruwaꞌatunug hap oktan teꞌeruwehum Tupana pe mehin Akira mana Pisira ete. Miꞌiria kape atipoꞌoro uhekuekatu.

1 Kuriniu 15:53

Maꞌato ti aru aipiit pakup hap yt ikuꞌuro rakat nuat i raꞌyn watuwenoꞌẽ. Miꞌi hawyi aito yt ikuꞌuro rakat i te rakaria iꞌewyte aipiit topyhuꞌat meremo ipakup sese.

1 Kuriniu 16:10

Maꞌato tuut uimepyt Timoteu eiꞌyat kape hawyi -Ereke ro eweiꞌe tope ikyꞌe hap wywo aikotã uikyꞌe hap ewy te katupono uiꞌewy kahato ipotpap Tupana potpap nug hap ete.

1 Kuriniu 16:17

Gaꞌatpuat rẽ putꞌok iꞌatuꞌe meiũpe emipoꞌororia aiwy Etewana aiwy Wutunatu iꞌewyte aiwy Akaiku wywo. Miꞌi pote arehum kahato iꞌatuwywo katupono uipowyro kahato haria ti miꞌiria Iesui potpap etiat haria miꞌiria eipe yt uwe i uipowyro haria pykai. Miꞌiria aikotã eipe uipowyro hap ewy te meiũpe ehaipe kai uipowyro.

2 Kuriniu 12:15

Worohoꞌokyꞌe kahato eipe aikotã uhaꞌyruꞌin uhakiꞌytꞌin sese ewy worohoꞌokyꞌe. Aikotã eiꞌywot ewy areineꞌen paĩ are. Taꞌi uimiꞌat uiko kaipyi uimiereko kaipyi worohoꞌopoi hap ewy atunug itote. Taꞌi areineꞌen eipyꞌasetpe eimuꞌe Iesui etiat haype yt kat saꞌup i ete worohoꞌomuꞌe katupono eiꞌywot ewy areineꞌen. Uipoi ro yt areꞌe hin i katupono aikotã aiꞌywotꞌin yt karãpe i -Eweium no saꞌup uhepe hawyi worohoꞌopoi yt iꞌatuꞌe i. Uito ti ety ewy pote atiꞌatumoma yne uhekat ehepe eipowyro hamo worohoꞌokyꞌe kahato haype. Maꞌato miꞌi pykai yt uikyꞌe hin i eipe. Poꞌog poꞌog neꞌi yi kape uikyꞌe hap worokyꞌe poꞌog poꞌog pykai are. Maꞌato miꞌi pykai poꞌog poꞌog atum aru ehepe uimepytꞌin eipe pote.

2 Kuriniu 4:12

Pyno aiꞌauka aru watoꞌe maꞌato aipotpap taꞌyn wuatꞌi ywania muꞌe hap ete. Miꞌi hap ewy urutunug saꞌawyꞌi eipyꞌasetpe. Miꞌi pote Aikaꞌiwat mimoieineꞌen koꞌi wo eweikupteꞌen mesup.

Wiripu 2:17

Koitywy suraraꞌin uipyhyp taꞌyn mesuwe. Yt taꞌatukyꞌesat i poꞌog worohoꞌomuꞌe hap maꞌato uiꞌauka pote uiꞌauka are maꞌato miꞌi pykai yt karãpe i worohoꞌoꞌatoiat eimuꞌe hap ete katupono atikyꞌesat yne eipe Iesui mohey haria wo hap. Uhuu okpun eikawiatno pote uikuꞌuro Tupana mowepiit hap topyhuꞌat are.

Wiripu 2:27

Taꞌi aheropat kahato hat Epawutitu porap ikuꞌuro mesuwe porap ahuu tiꞌauka maꞌato yt pykai i katupono Tupana hatyꞌu kahato topyꞌa pe. Miꞌi hawyi meremo toimoehãite katupono Tupana yt tikyꞌesat i uiꞌarot neꞌi hap. Miꞌi hawyi ikyꞌe hap iꞌewyte uikyꞌe hap wywo toimoehãite uhyt Epawutitu hawyi uimowepiit hap topyhuꞌat.

Wiripu 4:10

Mio ti putꞌok e eimiium uipowyro hamuat hap. Miꞌi hap ti uimowepiit kahato. Miꞌi hawyi uipyꞌa perupꞌi kahato Uikaꞌiwat ete. -Waku kahato En are Iesui pe. Mio tã are emiium uhepiat uimoꞌokpipokꞌi poꞌog poꞌog hap ete katupono uikyꞌe hap moherep kahato hap eimiium. Saꞌawyꞌi ti uipowyro teran kahato eipe wen maꞌato miꞌi rẽ muap yt eweipuẽti i uikyꞌe ehepiat hap moherep hamo.

Wiripu 4:18

Mehin Epawutitu tum yne eimiium eimipoꞌoro koꞌi uhepe. Ikahu kahato uipuẽti eimiium aikotã saꞌawyꞌi nagnia tiwuk mohag hy ikamhig se rakat Tupana motypot hamo. Miꞌi hap ewy atipuẽti eimiium ikamhig se kahato eimiium Tupana mowepiit kahato hap. -Waku kahato e Tupana eimiium me. Koitywy areineꞌen hekat rakat ewy raꞌyn ewetum iwato uhepiat pote. Ewetum iwato pote uipo sakpo ewetum uhepe.

Wiremu 1:13

Yt atipoꞌoro teran hin i wen maꞌato atikyꞌesat kahato uipo pe topyhuꞌat katupono waku kahato uheropat uipyhik hawiat turan Iesui poꞌypywiat uipyhik turan. En yt uwe i meiũpe pote uheropat emiit Unesimu.

Iesui Aru E Hap 12:11

Mesup aheywytꞌin aheinytꞌin Iesui mohey haria tiꞌatuꞌakit neꞌi ahiag e. Mekewat aikotã taꞌatuhũ ewywuat ikuꞌuro rakat suu mohey hap kaipyi taꞌatuꞌatuiãꞌãg hap koꞌi yne taꞌatuꞌakit neꞌi e. Ikuꞌuro rakat huu aat hap iꞌatukawiatno taꞌatumohey hawyi esaika hap wywo taꞌatuꞌakit neꞌi ahiag e. Iꞌewyte iꞌatumienoi Iesui piat taꞌatuehakyeraꞌat hap moherep hap wo taꞌatuꞌakit neꞌi ahiag e. Taꞌatukuꞌuro hap kape taꞌatumohey hamo taꞌatuꞌakit ahiag e tehay pirik wo atipy piat e.