Wiripu 2:10 - Sateré-Mawé

¹⁰ Meiũran aru yne yne tuwepỹꞌãtutuk Uhaꞌyru kape e ti Tupana. Atipy piaria yne teꞌeruwepỹꞌãtutuk e Uhaꞌyru motypot hamo iꞌewyte yne yi totiaria teꞌeruwepỹꞌãtutuk imotypot hamo iꞌewyte yne yi ywytꞌokpypiaria teꞌeruwepỹꞌãtutuk Uhaꞌyru motypot hamo e ti Tupana.

Wiripu 2:10 ပူးပေါင်းရင်းမြစ်များ

Mateu 12:40

Kat pote ti miꞌi tã aikotã Iona toineꞌen myẽꞌym eꞌat myẽꞌym ewãtym pira wato ymyẽpe miꞌi hap ewy ti aru Ihainia Saꞌyru topyhuꞌat myẽꞌym eꞌat myẽꞌym ewãtym iꞌasyp hawe.

Mateu 27:29

Miꞌi hawyi taꞌatupiꞌig morekuat eꞌamatap ewywuat morekuat painug hap ewy hehu rakat maꞌato taꞌatumikyryꞌi hap neꞌi miꞌi tã taꞌatunug. Taꞌatupag Iesui akag me haty rakat. Iꞌewyte wy taꞌatupag ariaꞌyp ipo pe. Miꞌi hawyi teꞌeruwepỹꞌãtutuk taꞌatuwekyryꞌi haype. -Ereineꞌen motꞌi ro mesuwat yi tote uruporekuatno Iuteuria Porekuatno iꞌatuꞌe taꞌatuehay mikyryꞌi hap.

Mateu 28:18

Miꞌi hawyi Iesui tuut iꞌatuewowi hawyi iꞌatupyꞌasetpe toineꞌen heremo kahato. Miꞌi hawyi toꞌe itotiaria pe -Koitywy Tupana tum yne raꞌyn tesaika hap uhepe e. Miꞌi hawyi Wuatꞌi Miitꞌin Porekuat koro wo areineꞌen atipy pe iꞌewyte mesuwat yi tote e.

Humanu 11:4

Miꞌi hawyi Tupana tiwesat -Eria e yt en yn i uimotypot hat itote katupono uhemiitꞌin sese uhehay moherep haria tukupteꞌen ne 7 miu miit itote uimotypot haria sok yt karãpiat i tupanaria neꞌi motypot haria miꞌiria e. Yt taꞌatumotypot hin i mekewat tupana iãꞌãkap Paau e hap het rakat. Yt en yn hin i uimotypot hat topyhuꞌat itote e Tupana Eria pe.

Ewesu 1:10

Mio tã e saꞌawyꞌi Tupana -Putꞌok e uheꞌat aru hawyi atunug sese ti Uhaꞌyru wuatꞌi Porekuat no e tuwepe iꞌewyte yne atipy piaria Porekuat no iꞌewyte yne yi totiaria Porekuat no e tuwepe. Uhaꞌyru suu wo atiꞌatumowehik sok torannia yi totiaria atipy piaria uhowowi e. Miꞌi hawyi wẽtup piit ewy yn naꞌyn watopyhuꞌat wuatꞌi uiminug koꞌi uikai tukupteꞌen e tuwepe Tupana wuatꞌi tominug koꞌi pe tukupteꞌen yian mete turan.

Ewesu 3:14

Miꞌi tã ahẽtup mesuwe aat kaꞌap -Uruꞌywot atipy piat arepỹꞌãtutuk ewowi mesuwe katupono wuatꞌi ywania ehakyeraꞌat kuap hat En are.

Ewesu 4:9

Pyno ti taꞌam e miwan me maꞌato taꞌam hap tohenoi pote iꞌewyte tohenoi tuut hamuat yi ywytꞌokpype topotꞌapyk hap iꞌewyte ti tohenoi yt toꞌe i pykai.

Epereu 1:6

Maꞌato Tosaꞌyru sese tomimotypot wuatꞌi eꞌyian mete wuat pe mio tã e -Meiũran aru woromoherep En wuatꞌi miitꞌin me e. Miꞌi tupono uipotpoꞌororia pe areꞌe -Eweimotypot ro Uhaꞌyru sese areꞌe yn atipy piaria pe e Tupana.

Iesui Aru E Hap 20:13

Miꞌi hawyi uito Iuwãu arahaꞌat yꞌy wato kape. Miꞌi turan yꞌy piat ikuꞌuro rakaria tuwenoꞌẽ yꞌy wato pyi Tupana e hap ewy. Iꞌewyte woꞌosyp hap kaipyi tuwenoꞌẽ kahato. Aikope aikope miitꞌin ikuꞌuro hap kaipyi tuwenoꞌẽ hawyi Tupana kape teꞌeruwaꞌatunug hawyi wẽtup ok wẽtup ok pe -Waku en kat pote yi tote waku etunug ereineꞌen hap turan e. Maꞌato wẽtup ok pe -En ni yt naku i etunug ereineꞌen hap turan e Tupana map haria pe.

Iesui Aru E Hap 4:10

Miꞌiria teꞌeruwepy turan meimuẽwat 24 miit saꞌawyꞌi wuaria poꞌog Tupana mohey haria teꞌeruwepỹꞌãtutuk iꞌatuewa yi kape morekuat wato koro Ewa kape imotypot hamo. Miꞌi hawyi iꞌatueꞌamatap wakuat koꞌi taꞌatuhep iꞌatuꞌakag totepyi hawyi taꞌatupugha Aipotypot py ywytꞌokpype hawyi -Uruporekuat En iꞌatuꞌe. Ereineꞌen no wuatꞌi eꞌat pe wuatꞌi Porekuat no urutoꞌe iꞌatuꞌe.

Iesui Aru E Hap 5:3

Miꞌi hawyi toikat kahato maꞌato yt wẽtup ok i toipuẽti katupono iꞌatuewaku hap yt putꞌok e hin i iꞌokpoꞌi porap mowẽpap e hamo. Yt uwe i toipuẽti atipy pe iꞌewyte yt uwe i yi tote toipuẽti. Iꞌatuewaku hap yt putꞌok e hin i imowẽpap hamo iꞌewyte tehaꞌat mekewat miwan kape hamo.