Wiripu 1:8 - Sateré-Mawé

⁸ Worohoꞌokyꞌe kahato eipe. Tupana tikuap yt uheso i hap. Aikotã aikotã Aipotypot Iesui eikyꞌe hap ewy uito worohoꞌokyꞌe haty uipyꞌa piat wywo worohoꞌokyꞌe.

Wiripu 1:8 ပူးပေါင်းရင်းမြစ်များ

Iruka 1:78

Katupono aiwat aheTupana hegyiꞌat kahato rakat. Iꞌewyte wakuat kahato. Miꞌi pote toimoherep ariãty ẽtyhot hap ahewowi.

Humanu 1:9

Yt uheso hin i are maꞌato Tupana tikuap yt uheso i hap. Ahẽtup aat kaꞌap Tupana kape eipowyro hamuat. Yt uheso i uiwyriaꞌin. Ahẽtup aat kaꞌap Tupana kape eikawiatno. Pywo ti rat Tupana tikuap eweikupteꞌen uiwanetup hawe aat kaꞌap hap. Pywo ti Tupana uiꞌairo tehay wakuat Tosaꞌyru Iesui etiat moherep hatno. Uipyꞌa pyi ti ateropat ehetiatno aat kaꞌap. Ahẽtup aat kaꞌap Tupana kape eipowyro hamuat.

Humanu 9:1

Uiwyriaꞌin Iuteuria ywania uhehay teran eiwywo uimiwan me mesuwe. Eiperia ti uheinytꞌin koꞌi iꞌewyte uheꞌykeꞌetꞌin koꞌi are. Uito ti Pauru eheywyt eikywyt sese ewy areineꞌen katupono ahaꞌaseꞌi pot Aparãu mote.

2 Kuriniu 13:9

Uruikyꞌesat kahato eweikupteꞌen waku rakaria Tupana ewywuaria wo hap. Urumowepiit kahato karãpe eweikupteꞌen hesaika kahato rakaria wo imohey hap ete. Miꞌi hawyi poꞌog urunapin haria ewy. Miꞌi hap eꞌat pe urumowepiit kahato.

2 Kuriniu 6:12

Eipe ti urumepytꞌin uruiꞌatukyꞌe kahato aikotã ywot tikyꞌe tomepytꞌin hap ewy.

2 Kuriniu 7:15

Koitywy mehin Titu eikyꞌe kahato hat poꞌog poꞌog saꞌawyꞌi wuat kai. Miꞌi pote ehewowi yn iwanetup hap. -Taꞌi miꞌiria Tupana mikyꞌesat nug haria e yn uruepe ehepiat pe. Yt toiwaure kuap i ehowawiat tuwanetup hap. -Uimotypot kahato miꞌiria e. Yt toimoto hin i tuwanetup hawe. Aikotã paa e haria ewy eweikupteꞌen itote -Ereke mehin ereke mimi eweiꞌe yn tope. -Hegyiꞌat kahato rakaria e yn uruepe ehepiat pe. Miꞌi hawyi ehewowi yn tuwanetup kahato.

Karasia 1:20

Uiwyiaꞌin miꞌiria ti yt uimuꞌe haria i are. Yt uheso hin i maꞌato ahenoi ehepe Tupana ehamo areꞌe -Tupana yn uiꞌairo topotpoꞌoro wo. Yt Iesui potmuꞌeria miꞌairo i uito are. Yt uikuap hin i miꞌiria saꞌawyꞌi.

Karasia 3:26

Tupana mepytꞌin no watukupteꞌen wẽtup miit pakup ewy Aikaꞌiwat Iesui mohey hap kaipyi watoꞌe.

Karasia 4:19

Uimepytꞌin eipe pote haty kahato uhete. Worohoꞌokyꞌe hap aikotã aity tuwemepyt turanuat hap ewy. Uhehatꞌat kahato ekyewi are. Eiꞌatumuꞌe hap kaipywiat hãpyk takaria wo teran worohoꞌonug aikotã Iesui hãpyk takat topyhuꞌat hap ewywuaria wo teran haype. Atikyꞌesat kahato Iesui iꞌywaĩꞌĩ eipyꞌa pe i hap. Miꞌi pote Tupana kape ahẽtup haty wo -Etunug emepytꞌin no miꞌiria are Tupana pe. Haty kahato uipyꞌa pe aikotã aity ete haty imepyt wemoherep hap eꞌat pe hap ewy ahẽtup eikawiatno. Eweimoherep taꞌyn hawyi waku raꞌyn uhetiat. Haty hap tokosap taꞌyn aikotã aity tehatꞌat tomepyt egyiꞌat turan hap ewy.

Wiripu 2:1

Uiwyriaꞌin ahẽtup ehepe eikyꞌe hap wywo waku eweikupteꞌen eweiwanetup Iesui etiat wẽtup miit piit ewy hap yn iꞌewyte Iesui kyꞌe hap ete wẽtup miit piit ewy yn waku eweikupteꞌen ahẽtup. Miꞌi tã ewetunug mote uimowepiit haria wo eweikupteꞌen. Miꞌi tã eweikupteꞌen mote uimowepiit hap sese topyhuꞌat.

Wiripu 2:26

Toto teran kahato ehewowi katupono ihay teran i raꞌyn eiwywo ihatꞌat kahato ekyewi. Gaꞌatpo iꞌahuu kahato mesuwe mehin Epawutitu. Miꞌi hap eweikuap hawyi haty kahato iwanetup hawe katupono eweikuap hawyi eiꞌarot hap yt toikyꞌesat i maꞌato.

Wiripu 4:1

Mehinꞌin manaꞌin aikuꞌuro hap kape waku watomohey o are. Uimikyꞌeria kahato eipe. Worohoꞌokyꞌe eipe. Uhehatꞌat kahato ekyewi. Uimowepiit haria eipe. Arehum kahato ehewowi. Uheinytꞌin uheꞌywytꞌin yt uimoti te hin i. Atikuap aikotã eweikupteꞌen wẽtup miit ewy Aikaꞌiwat wywo.

Korosi 2:1

Manaꞌin uhytꞌiꞌin tawa Korosi piaria haꞌawytepyi mesup te ahoꞌopot kahato uipyꞌa pe ehetiatno. Uhehay kahato Tupana pe ehetiatno katupono worohoꞌonug neran eipe Aikaꞌiwat emiit no imohey sese haria wo. Maꞌato yt ehepe yn i ahenoi teran maꞌato iꞌewyte iꞌatu kahato yt uiꞌakasa i te haria iꞌewyte tawa Irautiseia piaria kape hap ahẽtup aat kaꞌap Tupana pe.

Korosi 3:12

Waku watuwepainug hap ewy waku ahesokpe pakup watopag maꞌato wẽtup ahesokpe pakup woꞌokyꞌe hap kawiat. Wẽtup aipainug hap woꞌowese hap. Wẽtup aipainug hap -En poꞌog waku uikai e hap aiwanetup hawe. Wẽtup aipainug hap paa e hap. Wẽtup hap aipainug hap aiperupꞌi hap. Wẽtup Iesui mohey motꞌi hap. Miꞌi koꞌi wo waku watuwepainug are.

1 Tesaronika 2:5

Yt karãpe i eimaꞌatꞌi maꞌatꞌi wo uruiꞌatumoperupꞌi eipe. Maꞌato ti yt eimikyꞌesat ewy i uruiꞌatunapin. Taꞌi Tupana mikyꞌesat ewy yn uruiꞌatunapin. Yt kat i urutehaꞌat ehekat kyewi hap kape. Miꞌi pote pywo e Tupana eiꞌatumuꞌe uruepiat hap ete.

1 Tesaronika 2:8

Taꞌi eipyꞌasetpe urutukupteꞌen eikyꞌe kahato haria wo. Urutuwehum kahato ehete. Miꞌi pote eheropat haria wo urutopyhuꞌat katupono uruiꞌatukyꞌe kahato eipe.

2 Timoteu 1:4

Timoteu yt atiwaure kuap i aikotã eꞌyatypiat areineꞌen turanuat aikotã erewak uikyꞌe epiat haype hap. Uipap kahato ewowiat uiꞌakasa hamo hawyi atikuap uimowepiit kahato en hap.

Wiremu 1:12

Pyno koitywy atiporeraꞌaipok i raꞌyn ewowi maꞌato uiwak popuo atipoꞌoro ewowi katupono atikyꞌe kahato Unesimu.

Wiremu 1:20

Miꞌi tupono ahẽtup ewowi uipyꞌa pyi etunug no Aikaꞌiwat Iesui motypot hamuat. Uipowyro o mesuwat uimiẽtup ete. Miꞌi etunug mote uimowepiit kahato katupono eheykeꞌet sese areineꞌen uito. Uheꞌywyt en Aikaꞌiwat Iesui mohey hap kaipyi.

1 Iuwãu 3:17

Hekat rakaria aito pote waku watimoꞌẽ ihakyꞌeꞌi rakat pe watipuẽti hawyi. Waku ahekat watum iꞌatuepe. Yt naku i watoꞌe aiwepe -Pyno yt naku i atimoꞌẽ uhekareꞌen ihakyꞌeꞌi rakaria pe. Mio tã watoꞌe pote yt kat i Tupana kyꞌe hap aikai. Yt ahegyiꞌat i pote yt naku i watoꞌe iraniaꞌin me -Tupana kyꞌe kahato hat uito yt naku i watoꞌe katupono yt pywo pe i watoꞌe.