Wiremu 1:20 - Sateré-Mawé

²⁰ Miꞌi tupono ahẽtup ewowi uipyꞌa pyi etunug no Aikaꞌiwat Iesui motypot hamuat. Uipowyro o mesuwat uimiẽtup ete. Miꞌi etunug mote uimowepiit kahato katupono eheykeꞌet sese areineꞌen uito. Uheꞌywyt en Aikaꞌiwat Iesui mohey hap kaipyi.

Wiremu 1:20 ပူးပေါင်းရင်းမြစ်များ

1 Kuriniu 16:18

Taꞌi miꞌiria ti mohag ewy kahato uimowepiit kahato haria. Maꞌato iꞌewyte yt uipohag yn i maꞌato yne aipohag no tukupteꞌen miꞌiria. Taꞌi aiwehum hap eiam kahato Etewana ywaniaria are. Waku watimotypot miꞌiria iꞌewyte torannia yne miꞌiria ewywuaria waku watimotypot. Iꞌewyte waku miꞌi tã haria ewywuaria eweikat eiꞌapykok hamo.

2 Kuriniu 2:2

Worohoꞌomohit eipe hawyi uwe apo uimowepiit haria. Worohoꞌomohit hawyi paa eweiꞌe. Miꞌi hawyi yt uwe i raꞌyn uimowepiit hanuaria miꞌi rẽ. Miꞌi hawyi yt naku i areto mesup katupono worohoꞌomohit eipe hawyi worohoꞌomoꞌarot kahato eipe. Miꞌi hawyi yt woꞌomowepiit haria wo i watoineꞌen.

2 Kuriniu 7:13

Pyno saꞌawyꞌi mehin Titu toto ehowawiat turan yt towepiit hin i wywo toto. Maꞌato putꞌok e turan imowepiit kahato haria wo eweikupteꞌen. Miꞌi hawyi koitywy iꞌewyte uruto uruwepiit kahato mehin Titu henoi yne aikotã aikotã eweikupteꞌen hap etiat hawyi urumowepiit haria eipe.

Wiripu 1:8

Worohoꞌokyꞌe kahato eipe. Tupana tikuap yt uheso i hap. Aikotã aikotã Aipotypot Iesui eikyꞌe hap ewy uito worohoꞌokyꞌe haty uipyꞌa piat wywo worohoꞌokyꞌe.

Wiripu 4:1

Mehinꞌin manaꞌin aikuꞌuro hap kape waku watomohey o are. Uimikyꞌeria kahato eipe. Worohoꞌokyꞌe eipe. Uhehatꞌat kahato ekyewi. Uimowepiit haria eipe. Arehum kahato ehewowi. Uheinytꞌin uheꞌywytꞌin yt uimoti te hin i. Atikuap aikotã eweikupteꞌen wẽtup miit ewy Aikaꞌiwat wywo.

Wiremu 1:12

Pyno koitywy atiporeraꞌaipok i raꞌyn ewowi maꞌato uiwak popuo atipoꞌoro ewowi katupono atikyꞌe kahato Unesimu.

Wiremu 1:7

Uiwy Wiremu en urukyꞌe hap iꞌewyte uikyꞌe hap poꞌog uimowepiit kahato hap topyhuꞌat. Uimowepiit kahato meiũpe arewanetup ewowiat hawyi are. Yt uito yn i maꞌato yne Tupana emiitꞌin mowepiit kahato hat en.

Epereu 13:17

Waku watuwat Iesui mohey haria akagnia ehay upi aiꞌapykok haria upi. Katupono miꞌiria tikyꞌesat kahato ahehãite kahato Iesui mohey hap etiat hap. Waku watunug iꞌatumikyꞌesat ewy katupono miꞌiria hẽtup kahato Tupana kape ahupi. Miꞌi watunug mote iꞌatumowepiit hap topyhuꞌat aiwoꞌowese hap wywo. Maꞌato yt pote haty iꞌatuete hap wywo teꞌeropyhuꞌat. Miꞌi hawyi yt aiweꞌeg i hap taꞌatuhenoi raꞌyn Tupana pe hawyi aiꞌapiheg hap topyhuꞌat Tupana kaipyi. Eiweꞌeg wo o. Miꞌi hawyi aheineꞌen hap mesuwe poꞌog saꞌag topyhuꞌat yt watunug i raꞌyn iꞌatuehay upiat hawyi. Maꞌato watunug iꞌatuehay upi pote poꞌog ihãite rakaria wo watopyhuꞌat. Miꞌi hawyi iꞌewyte aiweꞌeg hap taꞌatuhenoi raꞌyn Tupana pe hawyi aipoityro aimowepiit hamo watopyhuꞌat.

1 Iuwãu 3:17

Hekat rakaria aito pote waku watimoꞌẽ ihakyꞌeꞌi rakat pe watipuẽti hawyi. Waku ahekat watum iꞌatuepe. Yt naku i watoꞌe aiwepe -Pyno yt naku i atimoꞌẽ uhekareꞌen ihakyꞌeꞌi rakaria pe. Mio tã watoꞌe pote yt kat i Tupana kyꞌe hap aikai. Yt ahegyiꞌat i pote yt naku i watoꞌe iraniaꞌin me -Tupana kyꞌe kahato hat uito yt naku i watoꞌe katupono yt pywo pe i watoꞌe.

3 Iuwãu 1:4

Karapeĩ uimepytꞌin tukupteꞌen pywuat sehay upi hap uimowepiit kahato. Mesuwarotiat yt kat i poꞌog uimowepiit hap miꞌi kai. Atikuap uimepytꞌin hãpyk kahato tukupteꞌen hawyi uimowepiit hap sese toineꞌen.