Titu 3:14 - Sateré-Mawé

¹⁴ Pyno Titu koitywy waku watoꞌe aipotmuꞌeria pe Iesui mohey haria pe -Eweiꞌatumuꞌe ro hoꞌopot haria powyro hamuat ete. Iꞌewyte aikotã waku hatek sese rakaria powyro hamo eweikupteꞌen hap ete waku watoꞌe aipotmuꞌeria pe katupono yt naku i kahato ti watoineꞌen neꞌen neꞌi ahowawi yn wanetup hatno neꞌi. Waku watiꞌatunapin Iesui mohey haria.

Titu 3:14 ပူးပေါင်းရင်းမြစ်များ

Mateu 21:19

Miꞌi turan taꞌakasa Wiku yp muap ẽpeke hawyi toto haat kyewi maꞌato iꞌyhop yn toipuẽti. Miꞌi pote toꞌe Wiku yp we -Pyno koitywy ti aru yt sake i raꞌyn esat e. Mio tã e hap hawyi meremo iꞌyp gag naꞌyn.

Mateu 7:19

Maꞌato meimewat torannia mikoi yp yt haat kahato i rakaria ti waku miterek sok wuk wo yn naꞌyn waku e.

Iuwãu 15:16

Taꞌi uiwyriaꞌin eipe ti yt uiꞌairo i maꞌato Eikaꞌiwatno maꞌato Uito worohoꞌoꞌairo eipe uhemiitꞌinno. Miꞌi hawyi worohoꞌopoꞌoro uhehay moherep miitꞌin miat hamo iꞌewyte wakuap sese nug hamo yt ikahuro i rakat motpap nug hamo worohoꞌopoꞌoro uiwyriaꞌin e. Waku eikaipyi tuwemoherep kahato ywa koꞌi ewy wuatꞌi eꞌat piat ieineꞌen hanuaria wo e. Miꞌi tã hap ewy pote kat koꞌi kat koꞌi eweikyꞌesat hawyi ewehẽtup o Uiꞌywot pe hawyi tutum ehepe eimikyꞌesat oktan uhet upiat ewehẽtup pote uhytꞌiꞌin e.

Iuwãu 15:8

Karãpe hewo hewo haga ete pyi ywa he rakat pote Tupana motypot haria wo imowato haria wo eweikupteꞌen. Iꞌewyte iꞌyp kaipyi ywa iꞌatu rakaria he rakaria tukupteꞌen hawyi uimotypot hap eweimoherep iraniaꞌin me e.

Iesui Potmuꞌeria 18:3

Miꞌi tote ipotpap sokpe kawiat getap nug hap ete. Miꞌi hawyi Pauru tiꞌatupuẽti itote raꞌyn tomisepap nug hap ete. Miꞌi hawyi topyhuꞌat iꞌatuꞌyat pe raꞌyn iꞌatupowyro hamo. Miꞌi turan iꞌatupotpap kahato itote sokpe kawiat getap nug hap ete.

Iesui Potmuꞌeria 20:35

Atimoherep kahato ehepe uipotpap hap aikotã waku watum yt kat i ereko haria pe aimiereko koꞌi hap e. Taꞌi waku aiwatetup Aikaꞌiwat Iesui ehay kape aikotã saꞌawyꞌi toꞌe hap kape -Aimiium wyti poꞌog aimowepiit aimikyiꞌat koꞌi kai e Iesui e Pauru.

Humanu 12:13

Waku hegyiꞌat rakaria wo watoineꞌen ahekat wywo. Waku watimoꞌẽ ahekat iraniaꞌin me hatek takaria pe -Iesui mohey haria eweikupteꞌen uruwywo eweiꞌe iraniaꞌin yt aimikuap i koꞌi pe pykai. Iesui mohey haria miꞌiria pote waku mio tã watoꞌe õꞌẽ haria yt uwe mikuap i koꞌi pe.

Humanu 15:28

Miꞌi hawyi aikope aikope iꞌatuwaꞌatunug hap tote tuereto taꞌatuꞌatunug taꞌatumiium koꞌi miꞌi hawyi taꞌatuium uruepe -Etioto ro Ierusarẽi kape iꞌatuꞌe miꞌi pote areto iꞌatumiium koꞌi wywo. Putꞌok are itote hawyi atimoꞌẽ yne ihakyꞌeꞌi rakaria pe. Miꞌi hawyi iꞌatumiium oktan atum yne Iuteuria Iesui mohey haria itotiaria pe. Miꞌi atimoꞌẽ yne hawyi atoiat yne itotiaria pe hawyi areto Ierusarẽi myi tawa Epania kape eitok puo eikuap hamo.

Ewesu 4:28

Saꞌawyꞌi wateroꞌok iraniaꞌin ekat maꞌato koitywy waku watoiat mekewat ahesokpe nem hap ewy are. Yt naku i Iesui mohey hat seroꞌok e hatno topyhuꞌat. Waku mesup ipakup we watoineꞌen motpap nug haria wo waku watoineꞌen. Waku aheꞌat hakup wywo aipotpap aat. Miꞌi hawyi aipotpap hap saꞌup wywo waku ahekat. Yt naku i miitꞌin maꞌatꞌi maꞌatꞌi hatno aipotpap are. Waku watikat ahekat iwato hawyi ahegyiꞌat hap wywo hatek takaria powyro hanuaria watukupteꞌen. Miꞌi hawyi satek haria poi haria wo watopyhuꞌat aiko wato kaipyi. Miꞌi hap watunug mote ahegyiꞌat hap topyhuꞌat ahete aipainug hap ikahu rakat ewy topyhuꞌat mesuwe Tupana wanetup hawe.

Wiripu 1:11

Tupana etunug o miꞌiria waku nug hanuaria wo are. Etunug miꞌiria iꞌatuieineꞌen hap tote wakuat eiam mo kahato are. Atikyꞌesat miꞌiria aikotã Esaꞌyru Iesui ewaku hap ewy tukupteꞌen. Ewaku hap ewywuat wo etiꞌatunug miꞌiria. Tupana miꞌi etunug mote emotypot haria wo kahato tukupteꞌen miꞌiria are. Waku kahato En iꞌatuꞌe aru ewowi iraniaꞌin areꞌe Tupana pe. Pyno mio tã ahẽtup mesuwe ehetiatno Tupana pe.

Wiripu 4:16

Saꞌawyꞌi areto tawa Tesaronika kape. Itote yt uhekat hin i maꞌato miꞌi turan uipowyro hap eweipoꞌoro poꞌoro kahato uhowowi kat uimikyꞌesat koꞌi saꞌawyꞌi eweipoꞌoro.

Wiripu 4:17

Yt ahẽtup hin i eimiium wuat iꞌewyte yt atikyꞌesat i ehekareꞌen uiwanetup hawiat hap pykai eweipoꞌoro. Yt eimiium kape hin i arahaꞌat. Yt ehekat hin i uheha pe. Eikyꞌe hap yn uheha pe uhepiat hap wen maꞌato eimiium uimowepiit kahato katupono miꞌi kaipyi atikuap uikyꞌe ehepiat hap. Miꞌi kaipyi atikuap eipe Tupana kyꞌe kahato haria hap. Miꞌi eimiium koꞌi yne topyhuꞌat atipy pe rakanuat ehegyiꞌat hap toimoherep hamuat itote emipoꞌoro koꞌi.

Korosi 1:10

-Tupana uruikyꞌesat kahato tawa Korosi piaria Epaꞌãu eiam kahato wo eweꞌeg hamo iꞌewyte emikyꞌesat nug kuap hap urutoꞌe mesuwe uruhẽtup. Uruikyꞌesat miꞌiria aikotã iꞌyp iꞌywa kahato rakat ewy hewo hewo kahato hap ewy wyti uruikyꞌesat kahato miꞌiria Tupana urutoꞌe. Pyno uruikyꞌesat miꞌiria wakuap yn nug haria En ewy hap uruikyꞌesat. Iꞌewyte uruikyꞌesat ekuap hap ihatꞌok ewy ewy putꞌok e Esaꞌyru mohey haria ete urutoꞌe uruhẽtup Tupana pe.

1 Tesaronika 2:9

Yt sẽtup i sẽtup i haria wo hin i urutukupteꞌen eipyꞌasetpiat turan. Yt kat i hin i uruhẽtup ehepe. Yt eimiꞌu kyewi i ti uruiꞌatumuꞌe Tupana ehay wo eipe. Maꞌato urupotpap urupo wuat kaipyi yn ni urutenuk. Yt eiꞌokpe tote hin i urutukupteꞌen yt ehekat kyewi hin i ti urutukupteꞌen. Yt waureꞌeweiꞌe teiꞌo miꞌi hap kai uruwyriaꞌin.

2 Tesaronika 3:8

Yt uwe yat upi i uruesyꞌat urutoꞌe putꞌok urutoꞌe turan katupono uruewyry hap upi taꞌi urumisaꞌup nug kaipyi yn urutenuk. Taꞌi motpap urutunug uruepiat turan urusero kahato wãtym muo ihatꞌok puo. Miꞌi kaipyi ti uruipuẽti urumiꞌu saꞌup koꞌi iꞌewyte uruesokpe uruekareꞌen saꞌup koꞌi urutoꞌe. Yt uruikyꞌesat hin i urutuweteweru ehepiat hap.

Titu 2:8

Iꞌewyte ahewanikaptia etiꞌatuwesat ehay hãpyk kahato eweꞌeg hap kaipyi etiꞌatuwesat perupꞌi puo. Miꞌi tã etiꞌatuwesat pote ti aru yt kat i iꞌatuꞌe kuap i raꞌyn Tupana ehay mohit hamuat ete. Teꞌeruwemoti raꞌyn katupono yt kat i taꞌatupuẽti ehay kaipyi saꞌag hap neꞌi. Yi kape yn naꞌyn iꞌatueha paĩ.

Titu 3:8

Pywo kahato ti mesuwat uimienoi paĩ. Miꞌi tupono Titu etiꞌatunapin kahato epotmuꞌeria -Waku watuwanetup kahato aikotã aru watunug waku hap ete ereꞌe o iꞌatuepe katupono waku nug haria wo watoineꞌen mote Tupana mowepiit kahato haria wo watopyhuꞌat. Iꞌewyte waku miitꞌin powyro kahato rakaria wo watopyhuꞌat ereꞌe o Iesui mohey haria pe Titu.

2 Peteru 1:8

Miꞌi tã watukupteꞌen mote ti aru ikahu kahato watoineꞌen are. Miꞌi hawyi ti aru hekat kahato rakaria wo watoineꞌen Tupana motypot hanuaria aito hawyi are. Miꞌi hawyi ti ihãite rakatno watukupteꞌen are. Miꞌi hawyi aikotã mekewat mikoi haat kahato rakat ewy watoineꞌen are. Miꞌi hawyi ti aru watukupteꞌen Aikaꞌiwat Iesui kuap haria kahato are. Miꞌi hawyi ti aru Aiporekuat no kahato topyhuꞌat Aikaꞌiwat are.