Titu 3:13 - Sateré-Mawé

¹³ Pyno Titu etipowyro mekewat mehin Sena mekewat wuꞌuka haria atunapin hat muap saꞌup ete. Iꞌewyte mekewat mehin Apauru puꞌap saꞌup ete etipowyro. Etum o mekewat mieroto wo imiꞌu hesokpe aikotã aikotã waku hap ewy.

Titu 3:13 ပူးပေါင်းရင်းမြစ်များ

Mateu 22:35

Iꞌewyte iꞌatupyꞌasetpe toineꞌen wẽtup ok woꞌonapin kuap hat apo apo toꞌe Iesui piat hamo. Iesui wehay aparap hap kyewi.

Iruka 10:25

Miꞌi hawyi wẽtup ok miwan enoi hat apo e Iesui pe -Urumuꞌe hat e aikotã som waku uheineꞌen hap sese puẽti hamo atunug e maꞌato yt pywo pe i. Toimaꞌat reran haype neꞌi apo e.

Iruka 11:45

Pyno itote toineꞌen wẽtup ok miit uwe waku uwe yt naku i rakat. Miꞌi ti toꞌe Iesui pe -Urukaꞌiwat eꞌe hap yne uruto woꞌomuꞌe haria akag koꞌi mohit hamuat hap topyhuꞌat e.

Iruka 11:52

Yt naku i wo kahato eiperia uwe waku uwe yt e haria katupono eweikupteꞌen okenꞌypy pyhyp haria miitꞌin moweꞌeg hap koꞌi kuap hamo. Iꞌewyte yt eweikuap i kahato Tupana ehay Muisei mimoherep hap koꞌi. Tukupteꞌen miitꞌin ikuap neran haria wen maꞌato eiperia yt ewehoꞌokenhypꞌok i ikyꞌesat haria wehytꞌok hamo.

Iruka 14:3

Miꞌi turan Iesui apo e Itotiaria pe -Waku apo miitꞌin moehãite hamuat yt motpap i hap eꞌat pe turan sio yt apo e.

Iruka 7:30

Maꞌato woꞌonapin haria iꞌewyte wanꞌi wanꞌi e haria yt teꞌeresetꞌok teran hin i Iuwãu po wo katupono yt taꞌatumohey hin i Tupana ehay taꞌatuewowiat haype.

Iesui Potmuꞌeria 15:3

Miꞌi hawyi Iesui mohey haria tawa Antiokia piaria tiꞌatupoꞌoro Pauru Panape Ierusarẽi kape iraniaꞌin nywo. Miꞌi hawyi tuwat raꞌyn tawa Antiokia pyi. Miꞌi hawyi Iesui mohey haria pe yi Wenisia piaria pe yi Samaria piaria pe taꞌatuhenoi aikotã iraniaꞌin yt Iuteu ywania i timohey raꞌyn Iesui hap koꞌi. Miꞌi pote teꞌeruwehum kahato Tupana ete itotiaria.

Iesui Potmuꞌeria 18:24

Wẽtup eꞌat pe hawyi mehin Apauru putꞌok e tawa Ewesu pe Aresãteria piat iꞌywaĩꞌĩ rakat saꞌawyꞌi te wuat Tupana etiat miwan kuap hat putꞌok e.

Iesui Potmuꞌeria 19:1

Uruwy Apauru tiꞌatumuꞌe kahato tawa Kurintiu piaria pe turan Pauru hewyry kahato yityꞌok totiat muap upi tawa Ewesu kape. Putꞌok e itote turan toiꞌatupuẽti itotiaria imohey haria.

Iesui Potmuꞌeria 21:5

Tokosap mekewat eꞌat koꞌi hawyi urutuwat i raꞌyn. Yne Iesui mohey haria tuwat yne uruwywo ihainiaꞌin haryporiaꞌin hirokaria pya raꞌyn tawa kai. Miꞌi tote urutuwepỹꞌãtutuk yi kytꞌok tote. Miꞌi hawyi itote uruehay Tupana wywo.

Iesui Potmuꞌeria 28:10

Miꞌi hawyi itotiaria imotypot kahato Pauru. Miꞌi pote urutuwat hap eꞌat pe taꞌatuhytmoĩ kahato urueꞌyara pe urumiereto muap upiat urumiꞌu wuat kat koꞌi kat koꞌi urumikyꞌesat oktan.

Humanu 15:24

Pyno ehetawa sakpo toineꞌen mekewat yi wato Epania. Areto teran itotiaria muꞌe Iesui etiat hamo. Miꞌi haype areto ehewowi ehetawa puo. Miꞌi hap yn ahekatup. Pyno uikosap mo maꞌato areineꞌen teran eiwywo. Worohoꞌokuap teran eipe pote areineꞌen porap i hamuat eipyꞌasetpe uimikyꞌesat ewy. Waku kahato aru atipuẽti itote eiwywo. Atikyꞌesat kahato eipe uipowyro mekewat yi wato Epania kapiat muap saꞌup nug hap ete.

1 Kuriniu 16:11

Yt eweimohit teiꞌo eimuꞌe hat Timoteu are. Eweimotypot o miꞌi are. Miꞌi hawyi karãpe toto teran i raꞌyn uhowowi miꞌi hap eꞌat pe o ewetum muap saꞌup tope hap atikyꞌesat. Iꞌewyte karãpe toto teran wẽtup tawa kape tuereto iꞌatumuꞌe hamo turan o ewetum muap saꞌup tope hap atikyꞌesat. Ahekatup Timoteu mesuwe iraniaꞌin wywo.

1 Kuriniu 16:12

Atikyꞌesat kahato aimuꞌe hat uhyt Apauru atipoꞌoro eimuꞌe hamo -Waku ti ereto tawa Kurintiu piaria powyro hamo iraniaꞌin powyro hamo areꞌe wen tope maꞌato -Yt areto i te Katupono yt uipohepap i te mesup e uhepe maꞌato meiũran waku yne hawyi areto tawa Kurintiu piaria powyro hamo e uhepe. Uipotpap putꞌok e hap eꞌat pe waku pe yne mesuwe hawyi areto aru iꞌatuewowi e Apauru uhepe.