Titu 3:12 - Sateré-Mawé

¹² Titu atipoꞌoro teran wẽtup ok esaipe piatno aimimuꞌeria apykok hamuat maꞌato yt atikuap i te uwe waku atipoꞌoro hap. Koitypuo maꞌato atipoꞌoro mehin Atema sio mehin Tikiku are. Pyno putꞌok e esaipepiat hawyi etikat kahato epuꞌap uhowawiat eꞌuut hamuat Titu. Areineꞌen wyti aru mekewat tawa Nikopuri tote are. Miꞌi kape eriot meremo uhaꞌyru. Miꞌi hawyi mekewat iꞌaman mot naꞌak hap eꞌat koꞌi pe tawa Nikopuri pe watukupteꞌen.

Titu 3:12 ပူးပေါင်းရင်းမြစ်များ

Iesui Potmuꞌeria 20:4

Tuwat Pauru wywo 7 ok miit yi Asia kape wẽtup set Sopaturu uhyt Piru saꞌyru tawa Pereia pywiat. Miꞌi hawyi Aritaku miꞌi hawyi Sikũtu tawa Tesaronika kaipywiaria. Miꞌi hawyi Kaiu tawa Tepe piat. Miꞌi hawyi Timoteu miꞌi hawyi Tikiku iꞌewyte Towimu Asia piaria tuwat.

1 Kuriniu 16:6

Pyno iꞌaman mot eꞌat pe putꞌok are pote areineꞌen motꞌi iꞌaman mot pe itote tawa Kurintiu pe eiwywo. Miꞌi hawyi waku uipowyro muap saꞌup ete mekewat uito hap saꞌup ete.

Ewesu 6:21

Pyno Aikaꞌiwat emiit sese Tikiku e hap het rakat atipoꞌoro ehewowi. Uhehay wywo atipoꞌoro aikotã aikotã areineꞌen mesuwe hap enoi hamo. Tikiku waku kahato atipuẽti. Miꞌi ti Tupana ehay yt iꞌatoiat hin i aheywyt sese aikywyt miit sese miꞌi.

Korosi 4:7

Mesup atipoꞌoro ehewowi aikywyt aheywyt Tikiku. Waku kahato Tikiku uimikyꞌe kahato. Yt iperup hin i Tupana potpap nug hamo. Tikiku yt toiwaure hin i Tupana eropat hap. Aiꞌewy kahato ipotpap takat Tikiku Aikaꞌiwat potpap ete.

2 Timoteu 4:12

Uhyt Tikiku ti atipoꞌoro tawa Ewesu kape.

2 Timoteu 4:21

Atikyꞌesat eriot mesup uhowowi Timoteu iꞌaman mot ewakai te. Eꞌykeꞌetꞌin Iesui mohey haria Eupuru Putenti Irinu iꞌewyte mana Kautia iꞌewyte torannia meiũpiaria Iesui mohey haria kuekatu iꞌatuꞌe ewowi.

2 Timoteu 4:9

Timoteu atikyꞌesat kahato eriot uhowowi. Miꞌi tupono yne esaika hap mywo eriot meikowo uhaꞌyru.