Titu 1:14 - Sateré-Mawé

¹⁴ -Yt eweimuꞌe teiꞌo poꞌog mekewat eimuꞌe saꞌawyꞌi wuat heso rakat ete ereꞌe ro iperup takaria pe. Iꞌewyte eweitoiat ro Iuteuria eko koꞌi aimuꞌe hap koꞌi yt Tupana ehay kaipywiat i koꞌi ereꞌe o epotmuꞌeria pe are.

Titu 1:14 ပူးပေါင်းရင်းမြစ်များ

Mateu 15:9

Pyno iꞌatunapin hap koꞌi yt putꞌok e hin i uimotypot hamo katupono miꞌiria woꞌonapin hap wyti mesuwat miitꞌin wanetup hap koꞌi kaipyi maꞌato Tupana woꞌonapin hap eweiꞌe. E ti Tupana ehepiat pe Isaia miwan 29.13 pe e Iesui apo e haria pe.

Maku 7:7

Taꞌi miꞌiria ti Tupana motypot saꞌag neꞌi katupono yt taꞌatuhenoi Tupana ehay sese i maꞌato miitꞌin kaipywiat sehay yn taꞌatuhenoi e ti Isaia henoi ehetiat e Iesui.

Karasia 4:9

Maꞌato koitywy wyti Tupana sese kuap haria raꞌyn eweikupteꞌen. Iꞌewyte Tupana sese mikuap koꞌi eipe are. Kat hamo ten pyno koran eweiꞌaipok teran mekewat saꞌawyꞌi wuat eipyhyp hap ewywuat kape saꞌawyꞌi wuat eipyhyp hat eikaꞌiwat kape. Ehetupana ran yt kat etiat i kuap haria kape.

Korosi 2:22

Maꞌato watomohey raꞌyn Aipotypot Iesui yn Ahehakyeraꞌat kuap hat watoꞌe katupono ikuꞌuro aikawiatno hawyi aihep mekewat ahiagnia ehay po pyi watoꞌe. Yt watomohey poꞌog i raꞌyn watuwehakyeraꞌat kuap hap watoꞌe. Koitywy watikuap taꞌyn yt miꞌu kaipyi i ahehakyeraꞌat hap watoꞌe. Watikuap taꞌyn aheko miꞌu yt aimohãpyk kuap i Tupana wanetup hawe watoꞌe.

2 Timoteu 4:4

Iꞌatuewaure kaꞌa yt kat i raꞌyn sehay pywuat kape. Taꞌatukyꞌesat yt taꞌatuweꞌeg i hap haype.

Titu 3:11

Katupono tuꞌuka teran haype yt naku i tutunug. Tuwepyi raꞌyn tutunug waĩꞌaiꞌe pykai raꞌyn. Mekewat wuꞌuka hap nug hap kaipyi ti yne miitꞌin tikuap taꞌyn yt nakuat inug hat miꞌi. Miꞌi pote waku raꞌyn aipohep taꞌyn mekewat ihay ete.

Epereu 12:25

Saꞌawyꞌi Tupana ihay yityꞌok totepyi aiꞌywania pe yityꞌok Sinai pyi maꞌato aiꞌywania saꞌawyꞌi wuaria itotiaria yt ikyꞌesat i Tupana ehay teꞌeruwewaurehik neꞌi. Miꞌi hawyi miꞌiria Tupana miꞌapiheg koꞌi wo teꞌeropyhuꞌat. Taꞌi miꞌi hawyi topap topap yahig note saꞌawyꞌi wuaria aiꞌywania Epereu pusu kuap haria. Taꞌatuhãꞌãg Tupana e hap nug hamuat maꞌato yt wẽtup ok i tuwenug kuap. Yt taꞌatunug i taꞌatunapin hap. Maꞌato koitywy Tupana ainapin Tosaꞌyru wẽ pyi atipy kaipyi. Waku watunug atipy kaipywiat ainapin hap. Waku aiweꞌeg wo ainapin hap nug hamuat hap ete. Maꞌato watuwewaurehik saꞌag Haꞌyru piat ainapin kape hawyi poꞌog naꞌyn saꞌag saꞌawyꞌi wuat kai. Yt watuwemig kuap aiꞌapiheg hap pupi watipun naꞌyn ainapin hap ipakup i Tupana piat hap pote.

2 Peteru 2:22

Aikotã aware teꞌen hawyi tutuꞌu i hap ewy are. Hãꞌãkap aimikuap awareria etiat hap ewy miꞌiria. Aikotã hamaut tuwei hawyi meiũran taꞌat i raꞌyn ipit pit pe hap ewy tuwei hawyi. Tuwesot sot ihy nem nakat pe hap ewy miꞌiria are. Pyno typuat raꞌyn uimiwan ewowi.