Mateu 9:26 - Sateré-Mawé

²⁶ Miꞌi tã hap Iesui minug ni taꞌatukuap yne raꞌyn mekewat yi wato hap oktan.

Mateu 9:26 ပူးပေါင်းရင်းမြစ်များ

Mateu 4:24

Miꞌi hawyi yi Siria piaria tikuap taꞌyn Iesui misepap koꞌi. Miꞌi hawyi tõꞌẽ tõꞌẽ pya wuaria. Taꞌatuerut kahato iꞌahuu rakaria torannia hawyi Iesui tiꞌatumoehãite kahato ipiit heg nakaria maꞌãu saꞌag koꞌi mimoesoꞌok koꞌi ipo kĩꞌã rakaria ipy kĩꞌã rakaria ikuꞌuro kuꞌuro rakaria taꞌatuerut hewowi hawyi toiꞌatumoehãite yne raꞌyn.

Mateu 9:31

Maꞌato tuwat hawyi wuatꞌi puo taꞌatuhenoi mekewat yi wato hap oktan Iesui minug taꞌatuhenoi miitꞌin me.

Maku 1:28

Miꞌi hawyi wuatꞌi pe raꞌyn taꞌatuhenoi henoi Iesui etiat hawyi iraniaꞌin yi Karireia piaria ikuap taꞌyn Iesui piat wakuap nug hap etiat.

Maku 1:45

Maꞌato yt Iesui mikyꞌesat ewy i tohenoi Iesui piat tomoehãite hap yne pe. Miꞌi pote ti Iesui yt teke kuap i tawa pe katupono ti typyꞌi kahato akasa teran haria tõꞌẽ tõꞌẽ hewowi wuatꞌi kaipyi. Miꞌi pote yahig note toineꞌen yt teke kuap i tawa pe pote. Maꞌato miꞌi pykai tõꞌẽ kahato miitꞌin yahig kape Iesui kapiat teꞌeraꞌakasa hamo.

Maku 6:14

Miꞌi hawyi miitꞌin tikuap taꞌyn Iesui etiat. Iꞌewyte mio tã hap morekuat Eroti tikuap Iesui etiat. Miꞌi hawyi iraniaꞌin -Iuwãu taꞌaipok taꞌyn guꞌuro pyi e. Iesui wyti woꞌosetꞌok hat Iuwãu toineꞌen i raꞌyn guꞌuro pyi e. Miꞌi tupono ti totereko hesaika hap iraniaꞌin iꞌatuꞌe.

Iruka 4:14

Miꞌi hawyi Iesui taꞌaipok i raꞌyn mekewat yi Karireia kape. Miꞌi turan Tupana Paꞌãu toineꞌen kahato iwywo. Miꞌi hap koꞌi wuatꞌi puo mekewat yi wato oktan taꞌatukuap taꞌyn Iesui etiat.

Iruka 4:37

Miꞌi hawyi Iesui minug koꞌi etiat taꞌatuhenoi henoi raꞌyn wuatꞌi puo mekewat yi wato hap oktan.

Iruka 5:15

Maꞌato Iesui minug koꞌi wuatꞌi puo raꞌyn taꞌatukuap hawyi ikuap hawyi miitꞌin tõꞌẽ kahato raꞌyn taꞌatukuap iꞌahuu rakaria moehãite Iesui piat hap hawyi.

Iruka 7:17

Miꞌi tã hap Iesui minug koꞌi wyti tuwesytpok taꞌyn torannia ywania puo raꞌyn iꞌewyte torannia mekewat yi Iuteu eꞌyi totiat tawa koꞌi puo.

Iesui Potmuꞌeria 26:26

Taꞌi morekuat Akipa tikuap kahato pywuat uiꞌe hap yne katupono miꞌi pote yt aremoti hin i uhehay pupi katupono yt migꞌi wo hin i Iesui tuwẽtem guꞌuro pyi e. Iꞌatu kahato Iesui kapiat akasa haria Ierusarẽi me e. Iꞌewyte morekuat Akipa tiꞌatukuap kahato yne Miꞌi Miit etiat are e Pauru morekuat Wetu pe.