Mateu 9:22 - Sateré-Mawé

²² Temig hawyi Iesui tuwemorem hawyi taꞌakasa raꞌyn haryporia kape hawyi toꞌe -Pyno eremowepiit ro uhakiꞌyt katupono ti ehãite iraꞌyn. Kat pote ti uimohey epiat hap kaipyi wyti ehãite iraꞌyn. Mio tã e turan meremo ihãite iraꞌyn haryporia.

Mateu 9:22 ပူးပေါင်းရင်းမြစ်များ

Mateu 15:28

Miꞌi hawyi Iesui toꞌe -Taꞌi uimohey kahato hat en haryporia. Pyno mio waku raꞌyn atunug kat som emikyꞌesat ewy. Mio tã e turan imepyt waku iraꞌyn.

Mateu 17:18

Miꞌi hawyi toꞌe wẽtup tehay wo yn hiag me hawyi meremo tuwẽtem naꞌyn ahiag hawyi meremo kurum hin waku iraꞌyn.

Mateu 8:13

Mio tã e hawyi Iesui toꞌe -Mekewat Humanu ywania esurara akag me -Pyno mio waku eraꞌaipok i ro eꞌyat kape katupono emiit iꞌahuu rakat ihãite iraꞌyn mio epiat uimohey hap kaipyi mehin e. Mio tã e Iesui turan Humanu emiit ihãite iraꞌyn.

Mateu 9:2

Miꞌi turan taꞌatuerut wẽtup ok yt ipoĩꞌam kuap i rakat heꞌyni pe. Miꞌi kape Iesui tehaꞌat hawyi toꞌe -Taꞌi uimohey kahato ti eipe e. Miꞌi hawyi toꞌe yt ipoĩꞌam kuap i rakat pe. -Taꞌi uhaꞌyru e. Yt erekenꞌẽ hin i kat tupono koitywy uimohey hap emowaku raꞌyn. Iꞌewyte eminug saꞌag tuweityk taꞌyn.

Mateu 9:29

Miꞌi hawyi Iesui timig naꞌyn iꞌatueha koꞌi hawyi toꞌe -Pyno uimohey ehepiat hap ewy ti topyhuꞌat waku raꞌyn eheha koꞌi e.

Maku 10:52

Miꞌi hawyi Iesui toꞌe tope -Pyno koitywy waku raꞌyn eha ete katupono uimohey hap emoehãite raꞌyn e. Miꞌi hawyi meremo waku raꞌyn tuete taꞌakasa i raꞌyn. Miꞌi hawyi Patimeu toto muap upi Iesui upi saꞌawyꞌi wuat yt iha pytig i rakat.

Maku 5:34

Miꞌi hawyi Iesui toꞌe -Uheinyt ewat uimohey hap emoehãite raꞌyn e. Miꞌi hawyi ti aru ehãite raꞌyn e. Miꞌi tupono ewepiit ro katupono yt kat i raꞌyn ehoꞌopat hap.

Iruka 17:19

Miꞌi hawyi toꞌe -Waku eraꞌaipok eꞌyat kape mehin e. Mesup waku pe ereineꞌen i raꞌyn katupono uimohey hawyi emoehãite hap toineꞌen mesup e Iesui tomimohãite pe.

Iruka 18:42

-Pyno waku raꞌyn emikyꞌesat ewy atunug e Iesui. Eraꞌakasa raꞌyn katupono uimohey kahato hap emoehãite hap topyhuꞌat e Iesui yt iha pytig i rakat pe.

Iruka 7:50

Maꞌato Iesui toꞌe haryporia pe -Uimohey epiat hap ehakyeraꞌat raꞌyn. Pyno waku ereto ro ewepiit hap wywo e.

Iruka 8:48

Miꞌi hawyi Iesui toꞌe tomimoehãite hat pe -Uhakiꞌyt pyno waku raꞌyn en e. Uimohey hap kaipyi emoehãite hap etipuẽti raꞌyn e. Waku pyno eraꞌaipok i raꞌyn eꞌyat kape ewepiit hap wywo e.

Iuwãu 4:53

Miꞌi hawyi iwatetup taꞌyn Iesui atposake pyi toꞌe hap kape -Ihãite i raꞌyn ti esaꞌyru e hap kape. Miꞌi hawyi iꞌywot timohey raꞌyn Iesui. Torannia raꞌyn itotiaria imohey iꞌyat piaria taꞌatukuap hawyi.

Iesui Potmuꞌeria 14:9

Miꞌi tote Pauru henoi Iesui etiat turan mekewat yt hewyry kuap i rakat tikuap ihay. Miꞌi hawyi Pauru ihaꞌat howawi hawyi toikuap taꞌyn tuwanetup hawe -Iesui mohey hap uimoehãite kuap e tuwanetup.

Iesui Potmuꞌeria 16:18

Miꞌi e hap ewy ti yne eꞌat pe mio tã e ihay Pauruꞌin upi. Ihay poꞌog poꞌog moityꞌi pote Pauru yt tikyꞌesat i poꞌog. Miꞌi hawyi tuwemorem howawi hawyi toꞌe -Uito ti morekuat Iesui mipoꞌoro. Miꞌi tupono areꞌe -Ereto ro meiũwat piꞌã piit pyi e ahiag paꞌãu me. Mio tã e hawyi tuwẽtem naꞌyn meremo ipiit pyi.

Epereu 4:2

Pyno koitywy watikuap mekewat sehay aikotã saꞌawyꞌi ahaꞌaseꞌiꞌin tikuap hap ewy maꞌato taꞌatukuap pykai yt kat hamo i topyhuꞌat yt taꞌatumohey i pote.