Mateu 9:2 - Sateré-Mawé

² Miꞌi turan taꞌatuerut wẽtup ok yt ipoĩꞌam kuap i rakat heꞌyni pe. Miꞌi kape Iesui tehaꞌat hawyi toꞌe -Taꞌi uimohey kahato ti eipe e. Miꞌi hawyi toꞌe yt ipoĩꞌam kuap i rakat pe. -Taꞌi uhaꞌyru e. Yt erekenꞌẽ hin i kat tupono koitywy uimohey hap emowaku raꞌyn. Iꞌewyte eminug saꞌag tuweityk taꞌyn.

Mateu 9:2 ပူးပေါင်းရင်းမြစ်များ

Mateu 14:27

Miꞌi turan Iesui tiwẽpowat iꞌatuewowi -Yt eweikenꞌẽ teiꞌo uipupi uito rat e.

Mateu 4:24

Miꞌi hawyi yi Siria piaria tikuap taꞌyn Iesui misepap koꞌi. Miꞌi hawyi tõꞌẽ tõꞌẽ pya wuaria. Taꞌatuerut kahato iꞌahuu rakaria torannia hawyi Iesui tiꞌatumoehãite kahato ipiit heg nakaria maꞌãu saꞌag koꞌi mimoesoꞌok koꞌi ipo kĩꞌã rakaria ipy kĩꞌã rakaria ikuꞌuro kuꞌuro rakaria taꞌatuerut hewowi hawyi toiꞌatumoehãite yne raꞌyn.

Mateu 6:12

Tupana waure wo ereineꞌen uruminug yne yt naku i hap koꞌi kai aikotã uruto urutukupteꞌen waure wo miitꞌin yt naku i nug uruetiat hap kai hap ewy

Mateu 8:10

Miꞌi hawyi karãpe Iesui tikuap mio tã e hap ihay hawyi tuwanetup kahato hawyi toꞌe toupiaria pe -Atikuap wyti mekewat miit poꞌog eikai uimohey hap ete katupono yt karãpe i miꞌi ewywuat arehaꞌat eiperia Isareu ywania pyꞌasetpe.

Mateu 8:16

Mekewat ewãtymꞌi turan taꞌatueropoꞌok kahato raꞌyn ahiag ipiit piat rakaria Iesui kape. Miꞌi hawyi miꞌiria kaipyi toiꞌatusopo kahato raꞌyn ahiagnia wẽtup tehay wo yn. Iꞌewyte toiꞌatumoehãite yne raꞌyn iꞌahuu rakaria.

Mateu 9:22

Temig hawyi Iesui tuwemorem hawyi taꞌakasa raꞌyn haryporia kape hawyi toꞌe -Pyno eremowepiit ro uhakiꞌyt katupono ti ehãite iraꞌyn. Kat pote ti uimohey epiat hap kaipyi wyti ehãite iraꞌyn. Mio tã e turan meremo ihãite iraꞌyn haryporia.

Mateu 9:5

Kat are kat are som poꞌog yt niatpo i yt hewyry kuap rakat pe sio eminug saꞌag wyti tuweityk taꞌyn are sio epoĩꞌam no hawyi ewyry ro are.

Mateu 9:6

Pyno atimoherep taꞌyn ehepe uwe uito hap. Uito Miitꞌin Ykeꞌet sese areineꞌen pote atimoherep taꞌyn uhesaika hap mesuwat yi tote miitꞌin minug saꞌag hep hamuat. Mio tã toꞌe hawyi toꞌe raꞌyn yt hewyry kuap i rakat pe -Epoĩꞌam no hawyi etiꞌokpoi ro eꞌyni hawyi ereto ro eꞌyat kape.

Maku 1:32

Miꞌi hawyi aat minꞌe turan taꞌatuerut Iesui kape wuatꞌi iꞌahuu rakaria wuatꞌi ahiag ipiit piat rakaria.

Maku 10:49

Miꞌi hawyi Iesui topyhuꞌat hawyi toꞌe -Eweikay kay ro meikowo yt iha pytig i rakat e iꞌatuepe. Miꞌi hawyi teꞌeroꞌe Patimeu pe -Pyno ewepiit ro uhyt katupono Iesui ekay kay raꞌyn koitywy uhyt iꞌatuꞌe. Pyno epoĩꞌam no ereto ro hewowi iꞌatuꞌe.

Maku 5:34

Miꞌi hawyi Iesui toꞌe -Uheinyt ewat uimohey hap emoehãite raꞌyn e. Miꞌi hawyi ti aru ehãite raꞌyn e. Miꞌi tupono ewepiit ro katupono yt kat i raꞌyn ehoꞌopat hap.

Maku 6:50

Miꞌi hawyi iꞌatuwuwu kahato raꞌyn. Miꞌi hawyi Iesui toꞌe -Uiwyriaꞌin eiwemoesaika o e. Uito e. Yt eweikenꞌẽ teiꞌo e.

Iuwãu 16:33

Miꞌi hawyi Iesui toꞌe -Eimosoꞌopot kahato hanuaria yt uimohey i haria tukupteꞌen aru maꞌato yt eweikenꞌẽ teiꞌo iꞌatupupi katupono iꞌatupyhyp hat Uito areineꞌen iꞌatumoperup i hat Uito miꞌi pote eiwesaika ro uhete e. Wuatꞌi kat koꞌi kat koꞌi ahenoi raꞌyn ehepe eimoesaika hamuat eimowepiit hamuat. Eimowepiit hat sese Uito e. Yt eiwanetup koꞌi koꞌi teiꞌo katupono atiꞌatuꞌakit akit aru yne yne ahewanikaptia e. Hoꞌopot hap putꞌok e ehetiat turan yt paa eweiꞌe sese teiꞌo eipyꞌa pe eiwanetup hawe katupono yt karãpe i worohoꞌoꞌatoiat sese e Iesui topotmuꞌeria pe.

Iuwãu 2:25

Yt uwe i henoi Iesui pe miitꞌin etiat wen maꞌato toikuap taꞌyn miitꞌin wanetup hap koꞌi tuwekaipyi. Toikuap tuwewi miitꞌin wanetup hap koꞌi.

Iuwãu 21:5

Miꞌi hawyi tehay pirik wo tuwẽpowat iꞌatuewowi -Uiwyriaꞌin ehepira raꞌyn apo e. -Yt rat iꞌatuꞌe yt wẽtup i pira uruipuẽti iꞌatuꞌe.

Iesui Potmuꞌeria 14:9

Miꞌi tote Pauru henoi Iesui etiat turan mekewat yt hewyry kuap i rakat tikuap ihay. Miꞌi hawyi Pauru ihaꞌat howawi hawyi toikuap taꞌyn tuwanetup hawe -Iesui mohey hap uimoehãite kuap e tuwanetup.

Iesui Potmuꞌeria 19:12

Miꞌi hawyi iꞌahuu rakaria kape Pauru esokpe taꞌatuereto hawyi taꞌatupag iꞌatupiit pe. Miꞌi hawyi meremo raꞌyn iꞌatuꞌahuu kosap. Iꞌewyte ahiagnia paꞌãu wywuat haria toiꞌatuporenotem naꞌyn miitꞌin myi.

Iesui Potmuꞌeria 23:11

Miꞌi hawyi mekewat ewãtym Aikaꞌiwat toineꞌen Pauru ywytpe yꞌam me. Miꞌi hawyi toꞌe -Yt erekenꞌẽ teiꞌo Pauru katupono woropoꞌoro hamuat tawa wato Huma piaria kape e. Aikotã Ierusarẽi miaria pe ehenoi uhetiat miꞌi hap ewy atikyꞌesat ehenoi tawa Huma piaria pe uhetiat e. Miꞌi tupono eremowepiit yn no e Pauru pe Aikaꞌiwat.

Humanu 5:11

Miꞌi pote -Watuwehum kahato ewowi Tupana watoꞌe. Urukaꞌiwat Iesui urunug naꞌyn ewy ok wo. Waku kahato uruipuẽti En watoꞌe katupono uruwy ok nug naꞌyn En watoꞌe.

Tiaku 2:18

Miꞌi hawyi teꞌeroꞌe iraniaꞌin ahepe -Maꞌato tukupteꞌen ni Iesui mohey haria yt kat i taꞌatuminug wakuap koꞌi e haria. Miꞌi hawyi eheso kahato are iꞌatuepe katupono Iesui mohey hap sese kaipyi tuwẽtem wuatꞌi waku nug hamuat koꞌi are. Yt pote yt kat i Iesui mohey sese hap aikai are iꞌatuepe. Uito ti atimoherep uhepiat Aikaꞌiwat mohey hap miitꞌin kyꞌe hap wywo are.