Mateu 9:11 - Sateré-Mawé

¹¹ Miꞌi turan tukupteꞌen iraniaꞌin woꞌomuꞌe haria itote. Miꞌiria teꞌerehaꞌat miꞌi hap kape hawyi apo iꞌatuꞌe Iesui emiitꞌin me -Kat poteĩ eimuꞌe hat tenuk mekewat saꞌup poreraꞌat haria wywo iꞌatuꞌe. Iꞌewyte iraniaꞌin yt naku i sese rakaria wywo iꞌatuꞌe.

Mateu 9:11 ပူးပေါင်းရင်းမြစ်များ

Mateu 11:19

Maꞌato Ihainia Saꞌyru tuut hawyi tenuk teꞌyꞌu eweiꞌe. Pyno eiwehaꞌat ro meiẽwat miit ienuk wato kahato hat eweiꞌe. Iꞌewyte mohy u kahato hat eweiꞌe. Iꞌewyte miitꞌin kaipywiat saꞌup poreraꞌat haria wyriaꞌin sese eweiꞌe. Iraniaꞌin yt nakuat i sese meiẽ eweiꞌe. Maꞌato pywo kahato miitꞌin iꞌatuweꞌeg hap kaipyi tuwemoherep iꞌatuminug wakuat kaipyi e.

Mateu 5:46

Maꞌato mesuwarotiaria eikyꞌe haria yn eweiꞌatukyꞌe pote ti aru yt kat i eipoityro hap Tupana kaipyi. Katupono ti miitꞌin kaipywiat saꞌup sat haria tikyꞌe taꞌatukyꞌe haria yn. Maꞌato ti aikyꞌe haria yn watiꞌatupowyro pote yt aiꞌywot atipy piat yt ewy hin i watoineꞌen. Iꞌewyte aiwese uhetiat iwese rakaria kape yn pote yt kat i haꞌup watipuẽti aru aiꞌywot atipypiat kaipyi.

Mateu 9:10

Wãtymꞌi turan Iesui toto raꞌyn Mateu yat kape tenuk iwywuat hamo. Miꞌi turan itote typyꞌi kahato miitꞌin kaipywiat saꞌup sat haria. Iꞌewyte iraniaꞌin tõꞌẽ yt nakuat i nug haria yt naku i nug hap etiat miitꞌin mikuap kahato koꞌi. Miꞌiria teꞌerenuk Iesui wywo iꞌewyte hemiitꞌin wywo.

Maku 2:16

Miꞌi hawyi iraniaꞌin nagnia ehay enoi haria teꞌerahaꞌat ienuk hap kape iꞌewyte miwan enoi haria teꞌerahaꞌat. Miꞌi hawyi apo iꞌatuꞌe Iesui potmuꞌeria pe -Kat poteĩ eimuꞌe hat yt nakuaria i wywo iꞌewyte saꞌup poreraꞌat haria wywo tenuk iꞌatuꞌe.

Iruka 19:7

Maꞌato iraniaꞌin tikuap Sakeu yat kapiat Iesui to hap hawyi teꞌeroꞌe toꞌope -Yt naku i Iesui iꞌatuꞌe katupono yt nakuat i rakat yat kape toto iꞌatuꞌe. Ahewanikap yat kape toto iꞌatuꞌe toꞌope.

Iruka 5:30

Miꞌi pote woꞌonapin haria iꞌewyte wanꞌi wanꞌi e haria Irewi wyriaꞌin iꞌatupyꞌahak kahato Iesui emiitꞌin ete. Miꞌi haype apo iꞌatuꞌe -Kat poteĩ ewehenuk iꞌewyte eiweꞌyꞌu saꞌup poreraꞌat haria wywo neꞌi iꞌewyte iraniaꞌin yt nakuaria i wywo neꞌi iꞌatuꞌe.

Iesui Potmuꞌeria 11:3

Putꞌok e Peteru hawyi taꞌatuewaĩ kahato -Kat pote som ewyry iraniaꞌin ywania wywo uhyt iꞌatuꞌe. Iꞌewyte kat hamo erenuk wẽtup ywania wywo uhyt iꞌatuꞌe Peteru pe.

Karasia 2:15

-Taꞌi aito Iuteuria ywania aiꞌywãꞌĩ kaipyi are. Aheko saꞌawyꞌi wuat kaipyi watikuap aiꞌywania ehay -Iraniaꞌin ywania ti yt naku i nug haria iꞌatuꞌe aiꞌywotꞌin aityꞌin ahepe.

Epereu 5:2

-Woroꞌairo en miitꞌin atukyꞌe hamuat e. Karapeĩ miitꞌin uiꞌatoiat hawyi waku paa ere o epyꞌa pe miitꞌin satek hawyi e. Miꞌi hawyi etimoherep iꞌatuepe muap uhowawiat e. -En miit kawiat ereineꞌen e iꞌewyte etikuap miitꞌin miat iꞌaparap taꞌyn hap yt iꞌatuweꞌeg i hap koꞌi yt ikuap kahato i hap koꞌi hawyi waku etiꞌauka taꞌatuehũria taꞌatuekawiatno iꞌewyte ekawiatno e saꞌawyꞌi Tupana tomiꞌairo paꞌi koro pe.

2 Iuwãu 1:10

Miꞌi hawyi putꞌok e wẽtup ok aimuꞌe hat hawyi -Taꞌi wẽtup kawiat ti Iesui yt aipiit ewywuat i Iesui iꞌatuꞌe saꞌag. Miꞌiria putꞌok e aiꞌyat okenꞌypyke hawyi -Waĩ yt ereke teiꞌo waku watoꞌe tope.