Mateu 8:4 - Sateré-Mawé

⁴ Miꞌi hawyi Iesui toꞌe -Pyno erewanetup uhehay kape uhyt. Pyno yt uwe pe teiꞌo ehenoi uiminug etiat e maꞌato waku ereto ro paꞌiria kape hawyi waku ehenoi ro paꞌiria kape. Miꞌi kaipyi ti aru ekuap taꞌyn wuatꞌi miitꞌin ehãite raꞌyn hap etiat e. Pyno waku ereto hawyi waku etum Tupana motypot hamuat aikotã Muisei mienoi ewy.

Mateu 8:4 ပူးပေါင်းရင်းမြစ်များ

Mateu 10:18

Iꞌewyte yt iwese i epiat rakaria ti aru ehereto morekuaria po piat eipag hamo. Maꞌato morekuaria po piat raꞌyn eweikupteꞌen turan waku ehehay uhehay wo. Waku eweiꞌatumuꞌe yt Iuteuria yn i uhehay wo.

Mateu 16:20

Miꞌi hawyi Iesui toꞌe temiitꞌin me -Yt uwe pe teiꞌo ewehenoi miꞌi ti Nesia aimiekatup taꞌyn aipotypot wuat yt eweiꞌe teiꞌo.

Mateu 17:9

Miꞌi hawyi tõꞌẽ iraꞌyn yityꞌok kaipyi turan muap upi toꞌe temiitꞌin me -Yt uwe pe teiꞌo ewehenoi eiꞌakasa hap koꞌi e. Maꞌato karãpe Ihainia Saꞌyru tuwẽtem iraꞌyn guꞌuro pyi hawyi waku raꞌyn ewehenoi.

Mateu 3:15

Mio tã e pote Iesui toꞌe Iuwãu me -Miꞌi hawyi Iesui toꞌe maꞌato Iuwãu me -Waku uhetꞌok en mehin e katupono ti Tupana tikyꞌesat uhetꞌok epiat hap e. Mio tã e pote -Pyno worosetꞌok eꞌe hap ewy e Iuwãu Iesui pe.

Mateu 5:17

Uiwyriaꞌin yt eiwanetup teiꞌo ariot mesuwat yi kape Tupana ehay Muisei mimoherep moma hamuat hap kape e. Iꞌewyte yt eiwanetup teiꞌo ariot mesuwat yi kape mekewat saꞌawyꞌi wuaria Tupana ehay enoi haria miwan moma hamuat hap kape maꞌato kat iꞌatuꞌe kat iꞌatuꞌe taꞌatumoherep uhetiat hap koꞌi moherep hotꞌok hamuaria uiwyriaꞌin e.

Mateu 6:1

Miꞌi hawyi poꞌog Iesui toꞌe miitꞌin sem me yityꞌok tote -Uiwyriaꞌin e pyno yt naku i kahato eiwemotypot Tupana potpap ewetunug turan e. Yt naku i kahato miitꞌin ehamo miitꞌin miat eimotypot hamo neꞌi ewetunug Tupana potpap e. Maꞌato eimotypot miitꞌin kaipywiat hap yn eweikat pote yt kat i eimotypot hap sese eweipuẽti Aiꞌywot atipy piat kaipywiat e.

Mateu 9:30

Miꞌi hawyi meremo iꞌatuehapytig naꞌyn hawyi Iesui tiꞌatunapin -Uhytꞌiꞌin yt uwe pe teiꞌo ewehenoi uiminug eimoehapytig hap e haty wo tomimoehãite koꞌi pe.

Maku 13:9

Eiwanetup kahato o katupono wyti aru ehum wanikaptia po pe raꞌyn eipe tuꞌisaria po pe raꞌyn eipe e. Miꞌi hawyi eiꞌahyk ahyk wyti aru Tupana motypot hawe e. Miꞌi hawyi ti aru iꞌatuporekuat po pe iꞌatuetuꞌisa po pe eweikupteꞌen hawyi ehenoi kuap uhetiat hamuat e.

Maku 3:12

Miꞌi pote Iesui waĩꞌe ahiagnia pe -Eipoꞌinik to e. Yt ewehenoi teiꞌo eimikuap uwe Uito hap e Iesui ahiagnia pe.

Maku 5:43

Miꞌi hawyi Iesui tiꞌatunapin -Pyno ewetopoi ro eimepyt e. Maꞌato o yt ewehenoi teiꞌo piꞌã hin ieineꞌen i hap iraniaꞌin me e iꞌatuepe.

Maku 6:11

Maꞌato tawa piaria yt iꞌatuwese i ehete yt teꞌeruwanetup teran i eimienoi uhetiat kape miꞌi pote eweiwat i raꞌyn iꞌatuetawa pyi e. Eiwenoꞌẽ hamo waku meiẽwat tawa sawiu eipy etiat koꞌi eiwepypitpitꞌok kahato iꞌatuehamo. Miꞌi tã ewetunug hawyi ti aru taꞌatukuap taꞌyn Tupana etiat yt taꞌatuwese i hap e Iesui topotpoꞌororia 12 ok takaria pe. Miꞌi hawyi tuwat raꞌyn typyꞌok tuereto tawa koꞌi upi Iesui yatypepyi ihay enoi hamo.

Maku 7:36

Miꞌi hawyi Iesui waĩꞌe iraniaꞌin me haty wo -Yt ewehenoi teiꞌo uhepiat imoehãite hap iraniaꞌin me e wen maꞌato taꞌatuhenoi henoi raꞌyn wuatꞌi puo raꞌyn yt Iesui mikyꞌesat ewy hin i raꞌyn.

Maku 8:30

Miꞌi hawyi Iesui tiꞌatunapin -Yt ewehenoi teiꞌo koitywy uikuap ehepiat hap iraniaꞌin me e temiitꞌin sese pe.

Maku 9:9

Miꞌi hap tote pyi tuwat popuo Iesui toꞌe towyriaꞌin me myẽꞌym ok takaria pe -Yt ewehenoi teiꞌo aikotã Eimuꞌe hat eweiꞌakasa mesup yityꞌok totiat hap iraniaꞌin me e. Maꞌato karãpe Uito Eheykeꞌet arẽtem guꞌuro pyi hawyi ti aru waku raꞌyn ewehenoi Eimuꞌe hat eweiꞌakasa mesup hap e.

Iruka 17:14

Miꞌi hawyi Iesui taꞌakasa iꞌatuewowiat hawyi toikuap iꞌatuehay hawyi toꞌe iꞌatuepe -Eweiwat ro paꞌi koꞌi kape eipiit moherep iꞌatuepiat hamo ehehãite hap moherep hamo e iꞌatuepe. Tohenoi hawyi hepihi pihi rakaria tuwat raꞌyn paꞌi koꞌi kape yt taꞌatuehãite hin mywo i te tuwat maꞌato muap upiat tuwat hap tote iꞌatuehãite raꞌyn taꞌatuehepihi kãꞌã raꞌyn iꞌatupe kahuria raꞌyn.

Iruka 21:13

-Maꞌato eheroto haria pe iꞌewyte morekuaria pe waku ehenoi uhehay wakuat iꞌatuepe eweikupteꞌen iꞌatupyꞌasetpe turan mekewat eꞌat. Ereineꞌen suraraꞌin po pe pykai waku ewehenoi ewanikaptia pe sehay wakuat uhetiat e.

Iruka 4:41

Miꞌi hawyi maꞌãu saꞌag koꞌi tuwenoꞌẽ kahato raꞌyn miitꞌin piit pyi. Miꞌi turan iꞌatuehay pirik kahato -En wyti Tupana saꞌyru iꞌatuꞌe. Taꞌatukuap wyti Iesui Tupana mipoꞌoro woꞌehakyeraꞌat hat. Mio tã iꞌatuꞌe pote Iesui -Eipoꞌinik to e iꞌatuepe.

Iruka 5:14

Miꞌi hawyi Iesui toꞌe tomioehãite pe -Yt uwe pe teiꞌo ehenoi emoehãite uhepiat hap e. Maꞌato waku ereto paꞌi koro kape ewepiok hamo sio waku raꞌyn epihi tokãꞌã sese raꞌyn hap kuap hamo. Ereto hawyi waku etum ehũ Tupana motypot hamo aikotã Muisei e hap ewy.

Iruka 8:56

Miꞌi hawyi iꞌywotꞌin teꞌerehum kahato Iesui minug ete maꞌato Iesui toꞌe iꞌatuepe -Yt uwe pe teiꞌo ewehenoi uiminug ete emepyt moehãite hap e.

Iruka 9:21

Mio tã e hawyi Iesui tiꞌatunapin haty wo temiitꞌin -Pyno uiwyriaꞌin e uikuap ehepiat hap o yt uwe pe teiꞌo ewehenoi e.

Iuwãu 5:41

Uito yt atikat i miitꞌin miat waku kahato En e hap.

Iuwãu 7:18

Iraniaꞌin aimuꞌe haria taꞌatukyꞌesat kahato -Waku kahato en urumuꞌe hat e hap miitꞌin kaipyi taꞌatukyꞌesat maꞌato yt miꞌi tã i Uito worohoꞌomuꞌe katupono uipoꞌoro hat Tupana motypot hap yn uiwanetup hawe worohoꞌomuꞌe. Tupana motypot teran hat ihay hãpyk kahato rakat yt heso hin i rakat e. Miꞌi hat ewy areineꞌen.

Iuwãu 8:50

Yt atikyꞌesat i uhepiat waku En eiꞌe hap maꞌato toineꞌen wẽtup ok uimotypot hap kyꞌesat hat e. Miꞌi hat ti toineꞌen uwe waku uwe yt e hanuat. Miꞌi ti aru yt nakuaria i eipe e.